یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا ئاراس رواندوزی
به‌رواری دابه‌زاندن: 31/05/2012 : 21:03:40
قه‌باره‌ی فۆنت
له‌ خاكی پێغه‌مبه‌راندا، خوێن له‌ ئاو هه‌رزانتره‌!!..
ئه‌وه‌ی ئێستا له‌ جیهانی ئیسلامییدا ده‌گوزه‌رێت به‌ تایبه‌ت له‌ خاكی پیرۆزی شامدا، هه‌تككردنی حوڕمه‌ته‌ خوداییه‌كانه‌، سه‌ندنه‌وه‌ی ڕه‌واییه‌تییه‌ له‌ مرۆڤبوون، بێبه‌هاكردنی هه‌موو به‌هایه‌كی مرۆییه‌، نرخاندنی ترس و تۆقاندنه‌ به‌بێ سڵه‌مینه‌وه‌ له‌ هه‌ر هێما و هه‌ستێكی مرۆڤانه‌، نووسینه‌وه‌ی تۆمارێكی ڕه‌شتر له‌ ڕه‌شاییه‌ له‌ مرۆڤكوژیی له‌ سه‌ر سپێتیی ڕۆحی ئه‌و بێتاوانانه‌ی ڕه‌شه‌كوژیی ئه‌سه‌دییه‌كان نه‌یهه‌ژاندوون، ناساندنی ژیانه‌ له‌ ڕوانگه‌ی مردن و مردندۆستییدا، كاره‌كته‌ره‌كانی ئه‌و پرۆسه‌ دژه‌مرۆییه‌ بریتین له‌ پۆلێك خوێنڕێژ كه‌ له‌ مه‌دره‌سه‌كه‌ی ئه‌سه‌ددا به‌ مرۆڤكوژیی ته‌لقین دراون و له‌ سه‌ر ئیباده‌كردنی بنیاده‌م گۆشكراون .

ئه‌وه‌ی ئه‌سه‌د و ئه‌سه‌دییه‌كان ده‌ینوێنن له‌ سه‌ر شانۆی خاكی سوریادا، ده‌قاوده‌ق نمایشكردنه‌وه‌ی سیناریۆ ڕاسته‌قینه‌كانی حه‌لاج و هۆلاكۆ و مه‌غۆله‌كانه‌ كه‌ گوزارشت له‌ تاغوتگه‌راییه‌كی فیرعه‌ونانه‌ی هاوچه‌رخ ده‌كات، به‌ستنه‌وه‌ی په‌تی سته‌می ئه‌مرۆیانه‌ به‌ په‌تی سته‌می دوێنێی سته‌مكاره‌ هاوشێوه‌كانیان، به‌ دیوێكی دیكه‌، ڕه‌وتاره‌كانی ئه‌و ڕژێمه‌ یه‌هودییانه‌یه‌، به‌وه‌ی هه‌موو شێوازه‌كانی كوشتن و كاولكاریی جووه‌كانی تێپه‌ڕاندووه‌، ئه‌وه‌ی جووه‌كان به‌ دریژایی مێژوو نه‌یانكردووه‌ له‌ خوڵقاندنی تراژیدیاگه‌لێكی سامناك، ئه‌سه‌د به‌ به‌رچاوی بانگه‌شه‌كارانی مافی مرۆڤی جیهانی ده‌یخوڵقێنێت، ئه‌و قه‌سابخانه‌ بێوێنه‌یه‌ی له‌ چه‌ند ڕۆژی ڕابردوودا له‌ شاری (حۆله‌) ی سوریا له‌ سه‌ر ده‌ستی جه‌للاده‌كانی ئه‌سه‌د ئه‌نجامدرا، هیچ بیانووێكی له‌ به‌رده‌م كۆمه‌ڵگه‌ی نێوده‌وڵه‌تییدا نه‌هێشتۆته‌وه‌ بۆ باوه‌ڕكردن به‌ تۆزقاڵێك له‌ نیازپاكی ئه‌سه‌د و ده‌سته‌ڵاته‌كه‌ی بۆ ده‌ستهه‌ڵگرتن له‌ مرۆڤكوژی و ده‌ستبه‌رداربوونییان له‌و تامه‌زرۆییه‌ی كه‌ بۆ یاریكردن به‌ جوانییه‌كانی ژیانی ئه‌و خه‌ڵكه‌ سڤیله‌ هه‌یانه‌، نازانم له‌وه‌ زیاتر سه‌كۆی نێوده‌وڵه‌تی چاوه‌ڕێی چی له‌و دۆخه‌ شڵه‌ژاوه‌ی سوریا ده‌كات جگه‌ له‌ شه‌پۆڵگرتنی زیاتری شه‌ڵاڵی خوێنی ژن و منداڵ؟، ئیتر هه‌ر په‌رچه‌كردارێك جگه‌ له‌ ڕاماڵینی ئه‌و سیسته‌مه‌ حوكمڕانییه‌ تۆقێنه‌ره‌، هه‌ڵوێستێكی گاڵته‌جاڕانه‌یه‌ و، ده‌رفه‌تدانه‌وه‌یه‌كی نوێیه‌ به‌ درێژه‌دان به‌ پرۆسه‌ی كۆمه‌ڵكوژی، به‌ ڕووێكی دیكه‌، ڕازیبوونه‌ به‌و پرۆسه‌ مرۆڤكوژانه‌یه‌ كه‌ مرۆڤی خاوه‌ن ویژدان نایه‌وێت بیبینێت چ جای ئه‌وه‌ی له‌ ئاستییدا بێده‌نگ و بێهه‌ڵوێست بێت؟!! .

ئێستا هه‌موو هۆشمه‌ندێك به‌ ته‌واوه‌تی له‌وه‌ تێگه‌یشتووه‌ كه‌ هاوكێشه‌ی مرۆڤبوون له‌ سوریادا به‌ گوێره‌ی میزاجی ئه‌سه‌د ده‌چه‌سپێت و، له‌ ڕوانگه‌ ناشیرینه‌كه‌ی ئه‌وه‌وه‌ جوانییه‌كانی ژیان وێنا ده‌كرێن، ئێستا خوێنبه‌ربوونێكی چه‌شنی ڕووبار له‌ گیانی هاوڵاتییانی ئه‌و هه‌رێمه‌دا ده‌چۆڕێت، چ خوێنێك؟، خوێنێك كه‌ له‌ پاكیزه‌ییدا ده‌گه‌وزێت، خوێنێك كه‌ ئه‌سه‌دییه‌كان نرخی ئاویشی بۆ دانانێن، به‌ڵێ له‌وێ خوێن هێنده‌ هه‌رزانه‌، نرخی ئاویشی نییه‌!!!، ئێستا كۆمه‌ڵگه‌ی نێوده‌وڵه‌تی و مرۆڤایه‌تی تێكڕا، به‌رپرسیارێتی گێڕانه‌وه‌ی به‌های خوێنیان له‌ ئه‌ستۆدایه‌ و، هه‌ر كه‌مته‌رخه‌مییه‌ك له‌و ڕووه‌وه‌، سه‌ره‌نجامی ترسناكتری لێده‌كه‌وێته‌وه‌، ئێمه‌مانانیش به‌رپرسیارییه‌تی ئه‌وه‌مان له‌ ئه‌ستۆدایه‌ به‌ پاڕانه‌وه‌ی به‌رده‌وام له‌ په‌روه‌ردگاری جیهانییان بۆ داڕمانی كۆڵه‌گه‌كانی حوكمه‌ سته‌مكارانه‌كه‌ی ئه‌سه‌دی جووئاسا، هاوسۆزیی و هاوخه‌میمان بۆ كه‌سوكاری قوربانیانی ئه‌وێ ده‌رببڕین و، نه‌فره‌تیش ده‌كه‌ین له‌ هه‌موو ئه‌وانه‌ی جورئه‌ت ناكه‌ن ته‌نانه‌ت به‌ ساده‌ترین ووشه‌ش جه‌للاد و قوربانی له‌ یه‌كتر جیابكه‌نه‌وه‌!!!.