یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا ئاراس رواندوزی
به‌رواری دابه‌زاندن: 27/06/2012 : 14:06:35
قه‌باره‌ی فۆنت
موحەممەد مورسی لە بەردەم تاقیكردنەوەی كورسی
هێشتا زۆر زووە پێشبینی سەرەنجامی سەركەوتنی مورسی و دانیشتنی لە سەر كورسی سەرۆكایەتی میسردا بكرێت، لێ ئاماژەی هەنگاوە سەرەتاییەكانی ئەو، ڕەنگدەرەوەی نیازپاكی ئەوە لە لەئەستۆگرتنی ئەو پۆستەدا، بڕیارە سەرتاییەكانی مورسی بوێرانەن و، دەرخەری وەفاداری ئەون بۆ متمانەی خەڵك، ئەمەش بە خاڵێكی گەوهەری دادەنرێت بۆ ڕابەرایەتیكردنێكی ڕاستەقینەی گەل و میللەت كە تاكەكانی لە سایەی حوكمڕانێتییەكەیدا دوای ماندووبوونێكی درێژخایەن بحەسێنەوە.

لە ڕاستییدا وەكو پێڕۆكردن لە بنەمای بێلایەنی لە هەڵوێستە هەستیارەكاندا كە دەخوازن ووردبینانە و بەرپرسیارانە لێیان بڕوانین، پێموابوو هەر پەلەكردنێك لە هەڵسەنگاندنێكی پێشوەختە یان پێشبینیكردنی قۆناغەكانی دوای سەركەوتنی (موحەممەد مورسی) بۆ سەرۆكایەتیكردنی میسر، هەڵوێستێكە لە شوێنی خۆیدا نییە، لێ وەك ئەوەی ڕاگەیەندرا، (موحەممەد مورسی) كۆمەڵێك بڕیاری بوێرانەی داوە كە بە دڵنیاییەوە پێگەی ئەو كەسایەتییە زۆر بەهێز دەكات نەك تەنها لە میسر بەڵكە لە تەواوی ناوچەكە و لە جیهان بە گشتی، هاوكات نموونەیەكی مێژوویی كەموێنەش لە بواری ڕێبەرێتیكردنی ڕاستەقینەی میللەت و گەل پێشكەش دەكات كە هیچ تاكێك نییە لەو جیهانەدا تامەزرۆی ئەوە نەبێت سەرۆكەكەی ئاوەها خاكییانە و خەڵكییانە ببینێت.

بۆیە من بە پێویستم زانی ئەو بڕیارانەی ئەو بگوازمەوە و بە داڕشتنی كوردییەوە بیخەمە بەردیدەی ئێوە، بە ئومێدی ئەوەی بڕیارەكان بە كرداریشەوە ببینین، هاوكات نووسینی ئەو بابەتەش لەو ڕوانگەیەوەیە و لایەنگیریی من بۆ ئەو بەڕێزە و پارتەكەی پیشان نادات، بڕیارەكانیش ئەمانەن:
1. سەرۆك كۆمار (موحەممەد مورسی) دەستبەرداری تەواوی مووچەكەی دەبێت بۆ بەرژەوەندی دەوڵەت.

2. سەرۆك كۆمار (موحەممەد مورسی) ڕێنماییەك دەردەكات وێنەكەی لە هیچ دەزگا و دامەزراوەیەك هەڵنەواسرێت و، هیچ پیرۆزبایینامەیەكی بۆ بڵاونەكرێتەوە.

3. سەرۆك كۆمار (موحەممەد مورسی) پێشوازی لە دایكی شەهید (خالید سەعید) و خانەوادەی شەهیدان دەكات و، ڕێنمایی دەداتە گاردی كۆماری ڕێگری نەكەن لە هەر خانەوادەیەكی شەهید كە لە هەر وەختێكدا داوای چاوپێكەوتنی ئەو بكەن.

4. سەرۆك كۆمار (موحەممەد مورسی) دەستدەكات بە بەجێهێنانی بەڵێنەكەی كە لە یەكەم ووتاریدا بۆ گەل دایبوو بە تۆڵەكردنەوە لە بكوژانی شوڕشگێران، ئەمەش دوای ڕاوێژ لە گەڵ پسپۆڕانی یاسایی لە پارتەكەی سەبارەت بە دووبارە دادگاییكردنەوەی سەرۆكی پێشوو (دیكتاتۆر حوسنی موبارەك) و (حەبیب عادلی) وەزیر ناوخۆ و، هەموو تۆمبەتبارەكانی دیكەی دۆسێی كوشتنی خۆپیشاندەران.

5. كەژاوەی ئۆتۆمبێلەكانی سەرۆك كۆمار (موحەممەد مورسی) هاتۆچۆ پەكنەخات و، سەرۆك بۆ ڕابواردن و كات بە سەربردن نەچێتە كۆشكی كۆماری بەڵكە لە ماڵ بمێنێتەوە.

6. سەرۆك كۆمار (موحەممەد مورسی) ئەو پیرۆزبایینامەیەی بەشار ئەسەدی خوێنڕێژ بۆی ناردووە ڕەتیدەكاتەوە و، وەڵامی دەداتەوە كە حاكمی ڕاستەقینە لە سوریا سوپای ئازادە نەك تاغوتی دیكتاتۆر.

7. سەرۆك كۆمار (موحەممەد مورسی) چاوپێكەوتنی باڵیۆزی ئێران ڕەتدەكاتەوە چونكە ووڵاتەكەی پشتگیری دیكتاتۆر بەشار ئەسەد دەكەن.