یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات   
مه‌لا ئاراس رواندوزی
به‌رواری دابه‌زاندن: 18/08/2012 : 21:47:18
قه‌باره‌ی فۆنت
جه‌ژن .. وێستگه‌ی ڕاسته‌قینه‌ی به‌دیهێنانی ئامانجه‌ به‌رزه‌كان

جه‌ژن، واتا له‌دایكبوونی ڕۆژێكی نوێ، كه‌ مانایه‌كی نوێ ببه‌خشێته‌ ژیان، كه‌ له‌ پێشوودا ئه‌و مانایه‌ نه‌بووه‌، كه‌واته‌، جه‌ژن ڕۆژێكه‌، جیاواز له‌ ڕۆژانی تر، زه‌مه‌نێكی كورته‌، لێ ڕه‌نگه‌ شتێكی هێنده‌ مه‌زنی تێدا ده‌ربكه‌وێت، كه‌ له‌ ته‌مه‌نێكی دوورودرێژدا نه‌بووبێت، كه‌واته‌، جه‌ژن هێما بۆ وه‌رچه‌رخانی ساته‌وختێكی زۆر گرینگ ده‌كات، كه‌ پێویسته‌ هه‌موومان، له‌ ئاست هاتنیدا، به‌ دڵگه‌رمییه‌وه‌، خۆمان بۆ پێشوازیكردنی ئاماده‌ بكه‌ین.

به‌ڵگه‌نه‌ویسته‌، كه‌ جه‌ژن هه‌ڵگری چه‌ندین به‌های به‌رز و گه‌وره‌یه‌، كه‌ هه‌موومان، پێیان شادومانین، وه‌ هه‌مووشمان له‌و ڕۆژه‌ پیرۆزه‌دا، خواست و خۆزگه‌ی تایبه‌تی خۆمان هه‌یه‌، به‌ڵام به‌رزترین خواست و ئاوات ئه‌وه‌یه‌، دڵسۆزانه‌، بۆ په‌روه‌ردگارمان بێت، وه‌ سوودبه‌خش بێت بۆ هه‌مووان.

له‌و واتا به‌رزانه‌ی له‌ گه‌ڵ جه‌ژندا، به‌ردیده‌تر ده‌رده‌كه‌ون: یه‌كڕیزی و یه‌كده‌نگی و هه‌ستكردنه‌ به‌ یه‌ك جه‌سته‌یی، به‌ڕاستی ئێمه‌ی كورد، زۆرمان پێویست به‌و مانایانه‌ هه‌یه‌، له‌ سه‌ر ئاستی ئایینی و نه‌ته‌وه‌یی و نیشتیمانیی، به‌وه‌ی فه‌رمانڕه‌واكانمان، مافه‌كانی گه‌ل دابین بكه‌ن و، به‌ شێوه‌یه‌كی تایبه‌تیش، ئاوڕێكی جیددی له‌ چینی هه‌ژاران و لێقه‌وماوان بده‌نه‌وه‌، وه‌ له‌ به‌رامبه‌ریشدا، گه‌ل، مافه‌كانی سه‌رشانی جێبه‌جێ بكات، هه‌روه‌ها، ده‌بێت هه‌موومان، ده‌رگای دڵ و عه‌قڵمان، بۆ هه‌ر ڕایه‌كی ڕاست و به‌هێز، بۆ خزمه‌تكردن به‌ ڕه‌واییه‌تی دۆزی كورد له‌ هه‌موو پارچه‌كانی كوردستان بكه‌ینه‌وه‌، وه‌ نابێت هه‌ر تاكێك، یان لایه‌نێك، یان مه‌زهه‌بێك هتد..، به‌ هه‌ر پاساو و بیانووێك بێت، سته‌می لێبكرێت، وه‌ ده‌بێت ڕه‌چاوی چه‌سپاندنی یاسا و به‌هێزكردنی كۆڵه‌گه‌كانی دادپه‌روه‌ری بكه‌ین و، هه‌وڵه‌كانمان له‌و ڕووه‌وه‌ چڕتر بكه‌ینه‌وه‌، به‌ڕاستی ساته‌وه‌ختێكی ئێجگار ڕه‌نگینه‌، كه‌ ببینین، جه‌ژن ببێته‌ وێستگه‌ی ڕاسته‌قینه‌ی به‌دیهێنانی ئه‌و ئامانجه‌ به‌رزانه‌ی سه‌ره‌وه‌.

له‌و واتا به‌رزانه‌ی له‌ گه‌ڵ جه‌ژندا، به‌ردیده‌تر ده‌رده‌كه‌ون: میهره‌بانی و نه‌رمونیانییه‌، به‌ڕاستی ئه‌و گه‌له‌ له‌ خۆشبه‌ختی ڕاسته‌قینه‌دایه‌، كه‌ تاكه‌كانی، میهره‌بانانه‌، مامه‌ڵه‌ له‌ گه‌ڵ یه‌كتر ده‌كه‌ن، هامۆشۆی یه‌كتر ده‌كه‌ن، له‌ گه‌ڵ یه‌كتر ده‌دوێن هتد..، له‌ناو كۆمه‌ڵگای كورده‌واریشماندا، به‌ هه‌زاران هه‌ژار و هه‌تیوو و بێوه‌ژن و په‌ككه‌وته‌ و لانه‌واز و بێلانه‌ و هتد هه‌ن، ئه‌وان چاوه‌ڕوانی میهره‌بانین، جگه‌ له‌ میهره‌بانی ئێمه‌مانان، هیچ فریادڕه‌سێكی تر نابینن، بۆیه‌ ده‌بێت، میهره‌بانی بكه‌ینه‌ خه‌ڵاتی جه‌ژنانه‌ بۆیان، ده‌بێت له‌ سۆنگه‌ی میهره‌بانییه‌وه‌، جه‌ژنانه‌ی ڕاسته‌قینه‌یان پێشكه‌ش بكه‌ین، جگه‌ له‌ میهره‌بانی و نه‌رمونییانی، هیچ ڕه‌فتارێكی گه‌وره‌تر نییه‌، ببێته‌ كۆكه‌ره‌وه‌ی ڕاسته‌قینه‌ی ئێمه‌ و ئه‌وان له‌ جه‌ژن و جه‌ژنانه‌ی هه‌قیقیدا، بۆیه‌ با میهره‌بان بین، میهره‌بانانه‌ش جه‌ژنانه‌ بكه‌ین، به‌ میهره‌بانیش، تۆزێك له‌ مه‌ینه‌تییه‌كانییان كه‌مبكه‌ینه‌وه‌.

جه‌ژن به‌بێ یه‌كڕیزیی و پێكه‌وه‌بوون و یه‌كده‌نگی و یه‌كهه‌ڵوێستی و میهره‌بانیی و نه‌رمونییانی و هتد ..، هه‌رگیز چێژبه‌خش نییه‌، جه‌ژن به‌بێ لێبوورده‌یی و ته‌بایی، هیچ كات، جوانیبه‌خش نییه‌، وه‌ جوانترین یه‌كده‌نگی و یه‌كڕیزیی و یه‌كهه‌ڵوێستیش، ئه‌وه‌یه‌، كه‌ ده‌زگاكانی ڕاگه‌یاندن و ئاراسته‌كردن، ڕه‌چاوی هه‌ستیاری هه‌لومه‌رجی ئێستا و چاره‌نووسسازی قۆناغه‌كه‌ بكه‌ن، به‌وه‌ی مینبه‌ره‌كانی ڕاگه‌یاندن، پێگه‌یشتوویی پیشه‌یی خۆیان، بخه‌نه‌ خزمه‌ت چه‌سپاندنی یه‌كێتی خاك و گه‌ل و نیشتیمان، تۆ بڵێی ده‌ستێك ببینین، هاوسه‌نگی بۆ ئیعلام بگێڕێته‌وه‌ و، به‌زه‌یی بێته‌وه‌ به‌ كۆمه‌ڵگاكه‌مان و، ده‌ریبهێنێت له‌ چنگی ئه‌وانه‌ی، ده‌یانه‌وێت دایببڕن له‌ ئایینه‌كه‌ی و، به‌ها و ڕه‌وشته‌ ڕه‌نگین و سه‌نگینه‌كانی بگۆڕن؟، تۆ بڵێی له‌ سایه‌ی جه‌ژنه‌وه‌، یه‌كگیانییه‌كی سه‌رانسه‌ری ببینین، له‌ پێناو بڵاوكردنه‌وه‌ی میهره‌بانی و یه‌كڕیزیی له‌ناو كۆمه‌ڵگه‌دا؟، لای خودای گه‌وره‌ هه‌رگیز ئه‌سته‌م نییه‌، كه‌ كاری پیرۆزی كۆمه‌ڵایه‌تییمان، ببێته‌ مه‌شخه‌ڵی خۆشبه‌ختی، بۆ ئه‌وه‌ی، هه‌موو شار و شارۆچكه‌یه‌ك، هه‌موو گوند و گه‌ڕه‌كێك، هه‌موو ئاراسته‌ و ئاوه‌دانییه‌ك، تۆوی میهره‌بانی تێدا نه‌شونما بكات،  هه‌رگیز ئه‌سته‌م نییه‌، ئاسۆی فراوانی خۆشی و خۆشبه‌ختی له‌و ڕوانگه‌یه‌وه‌، له‌ هه‌موو ڕۆژهه‌ڵاتێكه‌وه‌، تروسكایی ئومێدبه‌خشی، به‌ نێو دڵاندا بڵاو بكاته‌وه‌.