یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین    *****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات   
 هەواڵ 

مه‌لا ئاراس رواندوزی
به‌رواری دابه‌زاندن: 13/09/2012 : 12:13:41
قه‌باره‌ی فۆنت
هەڵوەستەیەك سەبارەت بە فیلمە بەرهەمهێنراوەكە لە سەر پێغەمبەر (دخ)

www.Facebook.com/m-aras rwanduzi

دەركەوت هێشتا گەمە ترسناكەكە تەواو نەبووە، بەڵكە ئەوجارەیان بە شێوەیەكی قێزەونتر، لە ئەمریكا فیلمێك كە پڕاوپڕە لە درۆ، لە سەر كەسایەتی پێغەمبەرمان موحوممەد (دخ) بەرهەمهێنرا و نمایشكرا، ئەو بێڕێزیكردنە ڕاشكاوانەیە بە هەستی موسڵمانان، دەستدرێژییەكی ئاشكرایە بۆ سەر پاكێتی ژیانی یەكێك لە گەورەترین پیرۆزییەكانی ئیسلام، كە هیچ پاساوێكی لۆژیكی بەدیناكرێت لە ورووژاندنی هەڵوێستێكی خەتەرناكی لەو چەشنەیە، بە تایبەت كە هەموو لایەكمان، پێویستمان بەوپەڕی كۆششكردن هەیە لە پێناو ئاساییكردنەوەی پەیوەندییەكان و ژیاندنەوەی ڕۆحی پێكەوەژیان و تەبایی نێوان ئایینەكان، لێ وەك دەردەكەوێت، لە بری بەدیهێنانی ئەو خواستە گەورەیە، كە دەستكەوتێكی زۆر چارەنووسسازە و، سەقامگیری سەرتاسەری جیهانی پێبەستراوەتەوە، دەستێكی بەهێزی تێكدەر هەیە، كە ئارەزووی هەرەسپێهێنانی هەموو دەستپێشخەرییەكی ئاشتییانە و تەباییانەی هەیە، تەنانەت ئامانجییەتی بە هەموو هێزێكەوە، وە بە شێوەیەكی مەنهەجییانەوە، كار بۆ خوڵقاندنی گرژی و شڵەژان و لێكترازان بكات.

 ئەو هەڵوێستە نابەجێیە تازەیە، شڵەژانێكی مەترسیداری لە جیهانی ئیسلامی لێكەوتەوە و، هەڵوێستگەلێكی جیاوازی بەدواداهات، تەنانەت لە زۆر شوێندا، بۆ نموونە لە لیبیا و میسر و تونس، ناڕەزایەتییەكان گەیشتنە ئەو ئاستەی، كە باڵیۆزخانەكانی ئەمریكا پەلامار بدرێن و، لە شاری بەنغازی لیبیاش، باڵیۆزی ئەمریكا بكوژرێت، ئەوە سەرەڕای هۆشداریدان لە هێڕشكردنە سەر بەرژەوەندییەكانی ئەمریكا لە هەموو شوێنێكی جیهان، بۆیە لەو ڕوانگەیەوە، پێموایە گرژییەكان پتر پەرەدەستێنن و، كاردانەوەكانیش زۆر زیاتر دەبن، بەڵكە دەبێت ئەمریكا تا زەمەنێكی دوورودرێژ، باجی زۆر قوڕسی ئەو هەڵە كوشندەیە بدات، چونكە ئەوە بۆ یەكەمینجار نییە بەو شێوەیە دژایەتی پێغەمبەری ئیسلام و شوێنكەوتووانی ڕێبازەكەی بكرێت، بەڵكە وەكو ئاشكرا بوو، ئەوە درێژەكێشانی سیناریۆیەكی زۆر زۆر ترسناكە، كە پێشبینی دواییهاتنی ناكرێت، هەموو ئامانجێكیش لەو كارە ناشیرینانە، لەباربردنی هەوڵەكانی ژیاندنەوەی پێكەوەژیان و، بە پلەی یەكیش، دژایەتیكردنی ئایینی ئیسلامە، لە هەقیقەتیشدا، پەنابردن بۆ ئەو شێوازانە، لە دەرخستنی هەستی دوژمنكارانە بەرامبەر بە موسڵمانان، زادەی گۆڕانی هاوكێشەی هێزی جەماوەرییە لە سەر ئاستی جیهان بە گشتی و لە سەر ئاستی خۆرئاوا بە تایبەتی، كە خۆی لە زیادبوونی ڕێژەی موسڵمانان و دابەزینی ئاستی شوێنكەوتووانی ئایینەكانی تر دەبینێتەوە، دروستبوونی ئەو هاوكێشە تازەیەش، كە پێشڤەچوونی ڕەوتی ئیسلام و موسڵمانان لە سەر ئاستە جیاوازەكانی جیهانی بەهێزتر دەكات، مەترسی بۆ سەر ئێستا و ئایندەی ئەوانە دروستكردووە كە خۆیان بە گەورە و پێشڕەوی جیهان دادەنێن!!.

ئەوەی هیچ هۆشمەندێك نكۆڵی لە ڕاستییەكەی ناكات ئەوەیە، كە ڕووبەڕووبوونەوەی پێشكەوتنە سروشتییەكانی ئیسلام، لەڕێی ئەو هەنگاو و هەڵوێستە ناشیرینانەوە، هەموو بەرەنجام و دەرهاویشتەكان بە قازانجی ئیسلام و موسڵمانان تەواو دەكات، هەر ئەوانەش زەرەرمەند دەبن، كە دەیانەوێت بەربەست بخەنە بەردەم ڕەوڕەوەی پێشكەوتنی هەقیقەت، هەقیقەتیش لە ئیسلامدایە، ئیسلامیش هەقیقەتێكە، كە بە هیچ هەنگاو و هەڵوێسێكی ناشیرین ناشێوێت، ئەوەی شێواوی بە سەردادێت، ئەو سەرلێشێواوانەن، كە بە تەنها هەڵگری پەیامێكن پڕاوپڕ لە سەرلێشێواویی.