یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات   
مه‌لا ئاراس رواندوزی
به‌رواری دابه‌زاندن: 29/05/2013 : 10:32:16
قه‌باره‌ی فۆنت
تەنگەژەی وتاری سەر مینبەرەکان

تەنگەژەی گوتارەکانی هەینی، کە بەمدواییانە زەقتر بووەتەوە، پێویستی پێداچوونەوەمان بە شێوازی گوتارەکانمان دووپاتدەکاتەوە، ئەو ڕاستییەش بەرجەستەتر دەبێتەوە، کە وتاردان، بەر لە هەموو شتێك، بەرپرسیارێتییەکی پیشەیی ئایینی گەورەیە، کە ڕۆشنبیریی و ئاگاهییەکی هەمەلایەنەی بە سەرچاوە ئایینیەکان گەڕەکە.


بەداخەوە، کە لەسەر هەندێك مینبەری پێغەمبەر (دخ)، خیتابی تەشهیر و جنێودان جێی پەیڤی نەرم و شیرینیان گرتۆتەوە، لە بری زمانی گوڵ، زمانی زبر بەکاردەهێنرێت. لەسەر مینبەری پێغەمبەر (دخ) بانگەشەی نەگونجاو لەگەڵ بنەماکانی ئایین بەدیدەکرێت!، خیتابی جومعە ناوەڕۆکی جیاواز لەگەڵ مینهاجی پێغەمبەر (دخ) پێشکەشدەکات!، بۆیە خەڵك ناهەق نییە گومانیان لە میسداقییەتی گوتاربێژ هەبێت و لە نیازپاکییان دوودڵ بن!.


من زۆر دڵگرانم بە بڵاوبوونەوەی ئەو شێوازی وتاردانە، مەترسیشم هەیە لەسەر داهاتووی گوتاربێژی ئەگەر بەر لە تەشەنەسەندنی نەگیرێت، لەوەشدا ڕەواییەتی بە خۆم دەدەم، چونکە هەموو ژیانی پێغەمبەرم (دخ) خوێندۆتەوە، هەرگیز نەگەیشتوومەتە سەر وێستگەیەکی ژیانی کە لە گوتارەکانییدا تەشهیر بکات و قسەی ناشیرین بەکاربهێنێت و ڕەواج بداتە جنێودان و بابەتی لابەلا بکاتە کەرەستەی خوتبەکانی!، بۆیە ئەوەندەی دەکەم سەر لەو بێسەروبەرییە دەرناکەم، کە بەناوی پێغەمبەر و پەیامە جوانەکەی و لەسەر مینبەرە پیرۆزەکەی بانگەشەی بۆ دەکرێ!، کێ باوەڕ بەوە دەکات پێغەمبەر (دخ) لایەنگیریی تەفڕەقەی کۆمەڵایەتی بووبێت کە خەریکە تۆوەکەی (لە ژێر ناوی پارێزگاریکردن لە پەیامە پیرۆزەکەیدا) لەناو شوێنکەوتووانی بڵاودەکرێتەوە؟!، من دەپرسم: ئایا بەکارهێنانی دەستەواژە نەشیاوەکان و تێکهەڵکێشکردنی لەگەڵ دەقە ئایینیەکاندا، جگە لە دەرچوون لە جوغزی بابەتیبوونی خوتبە، چ مەغزایەكی تر لەخۆدەگرێت؟!. با ئێمە پرسیارێك لە خۆمان بکەین: بۆچی هەندێك گوتاربێژ بابەت و باسی هەستیار لە کایە جیاوازەکانی کۆمەڵگا دەگوازنەوە بۆ سەر مینبەری پێغەمبەر (دخ) و دەیکەنە ئامرازێك بۆ بەدیهێنانی ویستی شاراوەی گوماناوی؟!، لە کاتێکدا ئەولەوییەتی ئەرکەکانی گوتاربێژ ئەوەیە، کە هەوڵی نەهێشتنی ئەو هەستیارییە بدات و درك بەوە بکات، کە موسڵمانان پێویستییان بە پێشکەشکردنی بەرچاوڕوونی ئایینی هەیە نەوەکو ئاراستەکردنی بەرەو ئاقارێکی دژوار کە سەرەنجامی نەخوازراوی بەدواوەیە!.


دەمەوێت ئەو پەیامە بگەیەنم، کە هەرگیز بونیادی ڕێبازی فەخری کائینات لەسەر تەشهیر و جنێودان و زمانی زبر ناوەستێت، حەزرەت (دخ) لە سۆنگەی ئەو ئایەتە پیرۆزەوە ئاراستەی مرۆڤایەتی دەکات: ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ.. واتە: بانگه‌واز بكه‌ بۆ لاى به‌رنامه‌ و رێبازى په‌روه‌ردگارت به‌حيكمه‌ت و دانايى (بۆ هه‌نديَك) و ئامۆژگارى جوان و به‌جێ (بۆ هه‌ندێكى تر)و گفتوگۆ و موجاده‌له‌ به‌ جوانترين شێوه‌ (له‌گه‌ڵ هه‌ندێكى تردا به‌ تايبه‌تى خاوه‌ن كتيَبه‌كان).