یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات   
مه‌لا ئاراس رواندوزی
به‌رواری دابه‌زاندن: 19/08/2013 : 14:57:54
قه‌باره‌ی فۆنت
سیاسەتی مینبەر یان مینبەری سیاسەت؟!

شاراوە نییە، کە مینبەر پێگەیەکی بەهێزی هەیە لەسەر هەموو ئاستەکان، بە درێژایی مێژووش کاریگەری گەورەی هەبووە لە پەروەردەکردنی موسڵمان و ئاشناکردنیان بە بەها جوانەکانی ئیسلام.

 

بەڵام لە ڕۆژگاری ئەوڕۆکەدا، کە جیهانی ئیسلامی بە دۆخێکی گڕگرتوودا تێدەپەڕێت، هەوڵێکی چڕوپڕ هەیە بۆ شێواندنی پەیامی مینبەر، کە ئەگەر بەربەست لە بەردەم ئەو هەوڵانەدا دانەنرێت، بە دوور نییە، کە مینبەر ئەو پێگەیەی خۆی لەدەستبدات، چونکە بە ئاشکرا هەستی پێدەکرێت، کە گوتارە سیاسییەکان لەسەر مینبەرەکانەوە بەرز دەکرێنەوە و، خەڵك کەوتۆتە بەردەم دووڕیانێکی ڕاستەقینە و ترسناك، کە ئایا بەردەوامبن لە گوێگرتن لەو پەیامە سیاسییانەی سەر مینبەرەکان، یان وازبێنن لە دانیشتن بەدیار ئەو گوتاربێژانەی، کە لە پەنای پێگەی مینبەرەوە، بانگەشە بۆ بژاردەیەکی تر لە پەیامە لاوەکییە دوور لە پەیامە مینبەرییەکان دەکەن؟!.

 

لەلایەکی ترەوە، دەبێت وتاربێژان درك بەو ڕاستییە بکەن، کە تا ئێستاش بەشێکی زۆری موسڵمانانی کۆمەڵگای کوردەواری، پێویستیان بە ڕوونکردنەوە بابەتە زۆر سەرەتاییەکانی ئایینی ئیسلام هەیە، کە وابێ چ حیکمەت لەوەدایە، کە بەرەو ئامانجیگەلێکی تر ئاراستە بکرێن، کە ڕەنگە کاریگەری کاردانەوەکانی ئەو هەڵە کوشندەیە، زۆر ترسناك بن!.

 

مەبەستمە ڕاشکاوانە بڵێم، کە مینبەر وەکو ئەمانەت و میراتێکی گەورەی پێغەمبەر "دخ"، خاوەن سیاسەتێکی تایبەت بە خۆیەتی بۆ بڵاوەکردنەوەی ڕۆشنبیریی ئایینی لەسەر بنچینەیەکی میانڕەوانە، کە درێژەپێدەر و زامنی بەدیهێنانی ئەو ئامانجە بەرزانە بێت، کە حەزرەت "دخ" لە پێناویدا پەیامەکەی بە مرۆڤایەتی گەیاند، نەوەکو ئەوەی مینبەر بکرێتە دوانگەیەك بۆ پەیامە سیاسییە لاوەکییەکان، کە ناکۆکن لەگەڵ ڕۆحییەتی پەیامی ئیسلام!.

 

بۆیە دەڵێین: نا بۆ بە سیاسیکردنی مینبەر، بەڵێ با هەوڵبدەین مینبەرەکان "وەکو خۆی" بپارێزین، ئەگینا کار وا بڕوات، چیتر خەڵك متمانە بەو کەسانە ناکات کە لەو دوانگە پیرۆزەوە وتار دەدەن "هەر یەکێك بێت"، بەڵکو دوورتر لەوەش، خەڵك ئامادە نابێت واجبی جومعەش جێبەجێ بکات!.

 

ئەوانەشی پەیامێکی تریان هەیە، دەتوانن لە ڕێگەی مینبەرە جیاوازەکانی ترەوە بیگەینن و، هیچ ئیشکالییەتێکیش لەوەدا نییە، کە گوتاربێژ خاوەن هەڵوێست و بیروبۆچوونی تایبەت بە خۆی بێت، بەڵام وەکو نیشانەم کرد، ئەو هەڵوێست و بیروبۆچوونانە لە مینبەری مزگەوتەکانەوە ڕەنگنەدەنەوە.