یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
مه‌لا ئه‌حمه‌دی قامیشی
به‌رواری دابه‌زاندن: 08/10/2013 : 15:01:16
قه‌باره‌ی فۆنت
حاجیانی كوردزمانن بە جلی كوردیەوە جوانن..

 

عەلمانیەكانی لای خۆمان دەڵێن: با دین تێكەڵ بە سیاسەت نەكرێت، كەچی ساڵانە هەزاران حاجی بە ئاڵای كوردستانەوە ڕەوانەی كەعبە دەكەن! ڕێك وەك گۆشت وگۆشتاوەكەیە! وێڕای پیرۆزبایی سەفەری حەج وسەلامەتی بۆ هەموان لە ڕێنماییەكانی ساڵانە كە بۆ حاجیان دوبارە دەكرێتەوە پێیان دەڵێن: ئێوە لەو وڵاتە نوێنەری كوردن بۆ ناساندنی ناسنامەی نەتەوەكەمان لە جیهانی ئیسلامیدا بە جلی كوردیەوە بگەڕێن و ئاڵای كوردستان بەرزبكەنەوە، دیارەكە ئەوە مافێكی شەرعی و ئاسایی ویاسایی هەموو گەل نەتەوەیەكە، ئێمەش شانازی دەكەین بە كەڵچەرو ڕەسەنایەتی باوو باپیرانمان، كوردایەتی ڕەسەن و ڕاستەقینە بە بەشێك لە دینداریمان دەزانین، هەرچەندە ئەوەی دەچێت بۆ ئەو شوێنە بۆ ئەنجامدانی بنەمایەكی ئیسلام دەچێت كە پێویست كراوە لەسەری و لەو میانەشدا كۆمەڵێ‌ حیكمەت و فەلسەفەی تری تێدا دێتە جێ‌ لەوانە یەك ڕیزی و یەكترناسینی گەلانی موسڵمان.

ئەوەی لێرەدا مەبەستی تەوەرەكەیە ئەوانەی كە ڕێنماییەكە دەدەنە حاجیان  بە پۆشینی بەرگی كوردی خۆیان نایكەنە بەر نە لێرەو نە لەوێ‌ ! هاوكات لە كوردستان بەرگی كوردی بەرەو نەمانەو بەدواكەوتنی دەزانن! بەهۆی حوكمی واقیع كە لە كاریگەری سلبی میدیاو سەرانی وڵاتەكەمانا ڕەنگی داوەتەوە! زۆرینەی سەركردەكان و پەرلەمان و میدیاكانمان بەلایانەوە شەرمەو دواكەوتنە بەرگی كوردی! جەماوەریش ناچار بوە كە بەرگی بێگانە لەبەر بكات، وەك وتراوە: (گەورە ئاوێ‌ دەڕێژێ‌ گچكە پێی لێدەخشێنێ‌) هەرچەندە كەس بە دۆی خۆی ناڵێ‌ ترشە بەڵام بەرگی كوردی زۆر جوانترە لە جل وبەرگی سەرۆكانی هیندستان و ئەفغان و لیبیاو عەرەب و ئەفریقا، ئەوان بە شانازیەوە لەبەری دەكەن بەڵام لای ئێمە بە پێچەوانەوە ! بە ناوی جلوبەرگی ستاندەری جیهانی شانازی دەكەین بە جلو بەرگی بێگانەوە! پێشینانیش وتویانە: (كە لە سورت دۆڕاند لە لابای تێهەڵ ناهێنیەوە ) كوردایەتیش دەبێ‌ لە كوردستانە وە تیشك بداتەوە، نەك لە عەرەبستان، چون بە هۆی سیاسەتی زلهێزەكانەوە كە دابەشیان كردوین و هەرگیز ڕێگە نادەن ببین بەدەوڵەت ، لە سعودیەش هەر لە ژێر خێمەی بە ناو برا عەرەبەكانداین و هاوڵاتی عێراقی، ئاوەكەمان لە سەرچاوەوە لێڵە لە خوارێ‌ پاك نابێتەوە.