یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات    *****    *****   بۆ پیرۆزبایی کردن لە ساڵیادی دەرچوونیدا سەرۆکی یەکێتی زانایان سەردانی (گوڵان) دەکات    *****    *****   سەرۆکی یەکێتی زانایان پێشوازی لە بەرێوەبەری ئەوقافی ئاکرێ و بەردەڕەش و بەرپرسی لقی ئاکرێی یەکێتی زانایان دەکات    *****    *****   سەرۆکی یەکێتی زانایان پێشوازی لە بەرێوەبەری ئەوقافی شەقڵاوە دەکات    *****    *****   یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی  راگەیاندنی مەکتەبی تەنفیزی یەکێتی زانایان ساز دەکات    *****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین    *****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات   
 هەواڵ 

مه‌لا ئاراس رواندوزی
به‌رواری دابه‌زاندن: 13/11/2013 : 13:36:01
قه‌باره‌ی فۆنت
گەورەیی ڕۆژی عاشوڕا لە تێڕوانینی پێغەمبەر "دخ"

پێغەمبەرمان "دخ" هاندەرمان بووە بۆ بەڕۆژووبوون لە ڕۆژی عاشوڕا، کە دەکاتە 10 ی مانگی موحەڕڕەم، چونکە پاداشتێکی گەورە و فەزڵێکی تایبەتی تێدایە.

 

لە سەرەتادا و پێش فەڕزکردنی بەڕۆژووبوون لە مانگی ڕەمەزاندا، بەڕۆژووبوون لە ڕۆژی عاشوڕادا واجب بوو، کاتێکیش بەڕۆژووبوون لە مانگی ڕەمەزاندا فەڕزکرا، بەڕۆژووبوون لەو ڕۆژەدا بووە شتێکی ئارەزوومەندانە، ئەو ڕاستییەش لەلایەن هەریەك لە "عائشة، وابن عمر، ومعاوية في الصحيحين، وابن مسعود ، وجابر بن سمرة عند مسلم، وقيس بن سعد بن عبادة، عند النسائي. " سەلمێنراوە.

لە هەردوو سەحیحی بوخاری و موسلیمدا هاتووە، ئەو کاتەی پێغەمبەر "دخ" هاتە مەدینەی پیرۆز، بینی جووەکان لە ڕۆژی عاشوڕادا بەڕۆژوو دەبن، بۆیە پرسیاری کرد: بۆچی جووەکان لەو ڕۆژەدا بەڕۆژوو دەبن؟، بە پێغەمبەریان وت: ئەوە ئەو ڕۆژەیە کە خوای گەورە بەنو ئیسڕائیلی لە دوژمنەکەیان "فیرعەون" ڕزگار کرد، بۆیە موسا پێغەمبەر "سڵاوی خوای لەسەربێت" لەو ڕۆژەدا بەڕۆژوو بوو، بۆیە پێغەمبەر "دخ" فەرمووی: ئێمە شایستەترین لە شوێنکەوتنی موسا لە جووەکان، هەر بۆیەش پێغەمبەر "دخ" لەو ڕۆژەدا بەڕۆژوو بوو، تەنانەت فەرمانیکرد بە بەڕۆژووبوون لەو ڕۆژەدا، هەروەکو پێغەمبەر "دخ" ئەوەشی وتبوو، کە ئەگەر لە ساڵی داهاتوو بمێنم، ڕۆژی نۆی موحەڕڕەمیش "تاسوعا" بەڕۆژوو دەبم، بەڵام بەداخەوە پێغەمبەر "دخ" ئەوەی بۆ نەهاتەدی، چونکە لە ساڵی داهاتوو کۆچی دوایی کرد، بۆیەشە وا باشترە موسڵمان لە هەردوو ڕۆژەکەدا "9 و 10" موحەڕڕەم بەڕۆژوو بن.

ئەبو قەتادەش لە پێغەمبەر "دخ" دەگێڕێتەوە، کە پێغەمبەر "دخ" فەرموویەتی: ، واتە: صِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ"، واتە: بەڕۆژووبوون لە عاشوڕا گوناهەکانی ساڵی پێشووی ڕەشدەکاتەوە.

بۆیە پێویستە لەسەرمان، بەوپەڕی پەرۆشییەوە لەو دوو ڕۆژەدا بەڕۆژوو بین، بەو هیوای خوای گەورە لە گوناهەکانمان خۆشبێت و کردەوەکانمان بکاتە چرای هەمیشە داگیرساوی سەر شاڕێی هیدایەت.