یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   یادی مه‌ولودی فه‌خری کائینات له‌ هه‌موو لایه‌ك پیرۆز بێت    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   وەزارەتی ئەوقاف؛ له‌باره‌ى كۆچى دوايى مامۆستايێكى ئايينى ڕوونكردنه‌وه‌ ده‌دات    *****    *****   سه‌رۆكى يه‌كێتى زانايان پێشوازى له‌ قايمقامى قه‌زاى شێخان ده‌كات    *****    *****   دهۆك: مامۆستا مه‌لا هه‌ژار رێكانى كۆچى دواييكرد    *****    *****   پەیامی سەرۆك بارزانی بەبۆنەی چل و هەشت ساڵەی یادی دامەزراندنی یەكێتی زانایانی ئایینی ئیسلامیی كوردستان    *****    *****   د.به‌شیر حه‌داد جێگری سه‌رۆكی په‌رله‌مانی عیراق بروسكه‌یه‌كی پیرۆزبایی ئاراسته‌ی یه‌كێتی زانایان ده‌كات    *****    *****   وه‌زاره‌تی ئه‌وقاف‌و كاروباری ئایینی پیرۆزبایینامه‌یه‌ك ئاراسته‌ی یه‌كێتی زانایان ده‌كات    *****    *****   بەیاننامەی یەکێتی زانایان بە بۆنەی ٤۸ ساڵەی دامەزراندنیەوە    *****    *****   سه‌يدسادق: مامۆستا مه‌لا محمدی گوڵانی كۆچى دوايى كرد    *****    *****   یه‌كێتی زانایان پیرۆزبایی له‌ دكتۆر به‌شیر خه‌لیل ده‌كات    *****    *****   ئورده‌ن: سه‌رۆكی یه‌كێتی زانایان به‌ژداری كۆنگره‌ی ئاسایشی فیكری‌ ده‌كات   
مه‌لا یاسین وه‌رتی
به‌رواری دابه‌زاندن: 26/12/2014 : 23:13:38
قه‌باره‌ی فۆنت
وتەیەک لە سەر یادی لە دایکبوونی حەزرەتی عیساو سەری ساڵی زاینی ...

 

یەکەم/ یادی لەدایکبوونی عیسا سەلامی خوای لێ بێت

بریتیە لەو مەراسیمە ئاینیەی لە ٢٥/ ١٢ ی هەموو ساڵێک بەڕێوە دەچێت، ئەو مەراسیمانە لە کەنیسەکان بەڕێوە دەچن و لە لایەن قەشەو پیاوە ئاینیەکانی مەسیحیەوە بەڕێوە دەبرێن، هاوشێوەی نوێژی جەژن و وتاری جەژن کە موسڵمانان لە مزگەوتەکان ئەنجامی دەدەن .

گومانی تێدا نیە ئەو جۆرە  بۆنەیە کە تەواو ئاینییە تایبەتە بە شوێنکەوتووانی مەسیحیەت و مافی ڕەوای خۆیانە، بۆ موسڵمان دروست نیە بەشداریان بکات هەر وەک بۆی نیە ڕێگریان لێ بکات .

بەڵام دەکرێت لەدەرەوەی مەراسیمەکە پیرۆزباییان لێ بکرێت بەتایبەت بۆ ئەوانەی تێکەڵاویان هەیە لەگەڵیاند .

دووەم/ ئاهەنگی سەری ساڵ، چەند خاڵێک هەیە لەو بارەیەوە پێویستە ئاماژەیان بۆ بکەین:

١/ ئاهەنگ گێڕان و خۆشحاڵی دەربڕین بە بۆنەی کۆتایی هاتنی ساڵێک و دەستپێکردنی ساڵی نوێ بەلای منەوە شتێکی بێ مانایە، وەک ئەوەیە خۆشحاڵ بین بە کەمبوونەوەی تەمەن و نزیکبوونەوەمان لە مردن، چونکە سەرمایەی مرۆڤ تەمەنەکەیەتی، هەر وەک گووتراوە (یا ابن آ‌دم انما نت ایام کلما ذهب یوم ذهب بعضک)

 واتە: ئەی نەوەی ئادەم تۆ بریتی لە چەند ڕۆژێک، هەر ڕۆژێک ڕۆیشت بەشێکت لێ کەمبۆتەوە .

لەجیاتی ئاهەنگ حەق وایە بکرێتە وێستگەی بەخۆداچوونەوەو پەندوەرگرتن لە ڕابردوو .

٢/ ئەو ئاهەنگ گێڕانە جگە لە بنەما ئاینیەکەی کە دروشم و کەسایەتیە خەیاڵیەکانی دەگەڕێنەوە بۆ مەسیحیەت و موسڵمانان بەشێوەیەکی کوێرانە لاسایی دەکەنەوە، بەشێکیشە لە زاڵبوونی هەژموون و هێرشی کەلتوری ڕۆژئاوا کە بە جیهانی کراوەو لەگەڵ شەپۆلەکانی جیهانگیری و داگیرکاری ڕۆژئاوا پەڕیوەتە ناو جیهانی ئیسلامی و ڕۆژهەڵات بەگشتی، ئێمەی کوردیش (وەک گەلانی تری تێکشکاوی ناوچەکە) کە عەوداڵی بێگانەو گڵی دوورین و لە چاولێکەریدا بێ ڕکابەرین چەند ساڵێکە بە حکومەت و بەشێکی زۆری میللەتەکەوە کەوتووینە هەڵپەڕین و ئاهەنگ گێڕان بەو بۆنەیەوە بێ ئەوەی بزانین بەبۆنەی چیەوەیەو چی بۆ ئێمە تێدایە .

٣/ لەو ئاهەنگ گێڕانەی سەری ساڵدا چەندەها بێ شەرعی و ڕەفتاری نادروست دەکرێن و سنورەکانی خوا پێشێل دەکرێن، جگە لەو پارە زۆرەی چەند ساڵێکە حکومەت لە  بودجەی گشتی بۆ ئەو بۆنانە سەرفی دەکات .

لەبەر ئەو خاڵانەو زۆری تریش کە بواری باس کردنیان نیە، ئاهەنگ گێڕان و بەشداری کردن لەو ئاهەنگانەی بەوبۆنەیەوە دەکرێن بۆ مرۆڤی موسڵمانی پابەند هیچ ڕێیەکی تێناچێت، بەڵکو کارێکی ناشەرعی و نا عەقڵانەیەو کەوتنە دوای (هەڵڵای مام کوێخایە!!.

با ئەو بۆنەو ئاهەنگانە لێگەڕێین بۆ خاوەنەکانی خۆیان، با وڵاتانی ڕۆژئاواو جیهانی مەسیحیەت ئەو یادە بکەنەوە، با کەمایەتیە مەسیحیەکانی وڵاتانی ئیسلامیش بەوپەڕی ئازادیەوە بۆخۆیان ئاهەنگ بگێڕن، نەک ئێمەی (موسڵمانی  بە ژمارە زۆر) خۆمان بکەینە خاوەنی بۆنەکانی (کەمینەکان) و ئەوانەی خۆمان لەبیر بکەین .

با تایبەتمەندیە ئاینی و کەلتوریەکانی خۆمان بپارێزین، جیهان بەو تایبەتمەندیانەوە جوانە، با خۆمان لەبیرنەچێت و لەناو ئەوانی تردا نەتوێینەوە

وە بۆ ئەو كەسانەی بە وشەی پیرۆزبایی قەڵسن  ئایا دەزانن شەرع رێی داوە مرۆڤی موسڵمان ئافرەتی مەسیحی بخوازی و بیکەیە هاوبەشی ژیانت بۆشت نیە زۆری لێ بکەی ببێتە موسڵمان؟، واتە هەر لەسەر دینەکەی خۆی دەمێنێتەوە، ئایا کامیان گەورەترە؟ پیرۆزبایی کردن لە کەسێک کە ئەو بیروباوەڕەی هەیە بە وشەیەک یان هێنانی کەسێکی لەو جۆرە بۆناو ماڵەکەت کە دەبێتە خێزانت و دایکی مندالەکانت و دەبێ بەدرێژایی ژیانت بەبەرچاوتەوە بەو بیروباوەرەی خۆیەوە بمێنێتەوە؟، کەسوکارەکەشی دەبنە خەزورانت، ئایا دەتوانی ژن و ژنخوازی لەکەسێک بکەی و بەسوک و بەچاوی دوژمنەوە سەیری بکەی؟!!.

مەلا یاسین وەرتی

 

 

 

هــ بالیسانی