یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   جێگری سه‌رۆكی په‌ڕله‌مانی عێراق: پیرۆزبێت ساڵیادی دامه‌زراندنی یه‌كێتی زانایان    *****    *****   جێگری سه‌رۆكی حكومه‌ت؛ پیرۆزبایینامه‌یه‌ك ئاراسته‌ی یه‌كێتی زانایان ده‌كات    *****    *****   مه‌كته‌بی ته‌نفیزی: سه‌رۆكی یه‌كێتی زانایان پێشوازی له‌ پارێزگاری هه‌ولێر ده‌كات    *****    *****   ئه‌مینداری گشتی یه‌كگرتوو پیرۆزبایی له‌ یه‌كێتی زانایانی ئایینی ئیسلامی كوردستان ده‌كات    *****    *****   پەیامی سەرۆك بارزانی بە بۆنەی پەنجاهەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجا ساڵەی دامەزراندنی یەکێتی زانایانی ئایینی ئیسلامیی کوردستان    *****    *****   پەیامی سەرۆکی هەرێمی کوردستان له‌ يادى دامەزراندنی یەکێتیی زانایانی ئایینی ئیسلاميی کوردستاندا    *****    *****   پەیامی بەڕێز وەزیری ئەوقاف وکاروباری ئایینی بەبۆنەی ساڵیادی دامەزراندنی یەکێتی زانایانی ئایینی ئیسلامی کوردستان    *****    *****   جێگری سەرۆکی پەرلەمان پیرۆزبایی لە یەکێتی زانایان دەکات    *****    *****   پەیامی پیرۆزبایی لیژنەی ئەوقاف وكاروباری ئایینی بەبۆنەی (٥٠)سالەی دامەزراندنی یەكێتی زانایان    *****    *****   به‌یاننامه‌ی یه‌كێتی زانایانی ئایینی ئیسلامی كوردستان به‌ بۆنه‌ی 50 ساڵه‌ی دامه‌زراندنیه‌وه‌    *****    *****   سەرۆکی یەکێتی زانایان لقی سۆرانی یەکێتی زانایان و بەڕێوەبەرایەتی ئەوقافی سۆرانی بەسەر دەکاتەوە   
مه‌لا یاسین وه‌رتی
به‌رواری دابه‌زاندن: 14/04/2015 : 22:36:54
قه‌باره‌ی فۆنت
جینۆسایدی کورد بۆچی ناونرا ئەنفال...؟

لە ساڵیادی ئەنفاڵدا

جینۆسایدی کورد بۆچی ناونرا ئەنفال...؟ پەیوەندی چیە بە ئیسلامەوە؟

وەرە تەماشای ئەو چەواشەکاریە ئاشکرایە بکە ...

حیزبێکی نەتەوەیی ڕەگەزپەرست ... سەر بە کەمپی سۆشیالیستی ئەو کات...،

ناوەکەی (حزب البعث العربی الاشتراکی) بووە...، واتە: حیزبێکی قەومی، عەرەبی، شۆڤێنی بووە...، ئایدیۆلۆژیاکەی سۆشیالیزم بووە...، دامەزرێنەرەکەی کەسێکی گاور (نەصرانی) بووە بەناوی میشیل عەفلەق... !! , طاغوتێک سەرۆکایەتی کردووە کە خۆی لەجێی خوا دانابوو تەنانەت ٩٩ ناوی بۆخۆی دانابوو...

ئەو ڕژێمە چەپەڵە، بەو هەموو ناوو ناوەرۆکە دژ بەدینەوە، هاتووە هێرشە دڕندانەکەی خۆی بۆ سەر گەلی کوردی موسڵمان بەناوی سوڕەتێکی قورئانەوە ناوناوە (ئەنفال)!!

بۆچی و ئامانجی چی بووە؟

بێگومان بۆ چەواشەکردن و چاوبەستی لایەنگرانی خۆی و ڕەوایەتیدان بە تاوانەکانی لەلایەک و ، ناشیرین کردنی قورئانی پیرۆزو خستنەپاڵی دڕندایەتیەکان بۆلای ئیسلام، واتە لەیەک کاتدا چەندین ئامانجی هەبووە لەبەکارهێنانی وشەی ئەنفالدا .

بەڵگەش بۆ ئەوە:

ڕژێم تەنها دام و دەزگا سەربازیە داپڵۆسێنەرەکانی بەناوی ئاینیەوە ناو دەنا ، وەک سەربازگەی سەعد و خالیدو جەنگی قادسیەو هەڵمەتی ئەنفال و ...تاد، کەچی دامەزراوە خزمەتگوزاریەکانی وەک زانکۆو نەخۆشخانەو فرۆکەخانەو باخچەو ...تادی بەناوی سەددام و سەرکردەکانی بەعسەوە ناودەنا .

بەداخەوە بەعس توانی لەو ڕێیەوە بەشێکی ئامانجەکانی بپێکێت ... توانی باوەڕ بەزۆرێک لە عەرەبی عێراق و وڵاتە عەرەبیەکانی تر بکات کە گوایە کورد هەڵگەڕاوەتەوەو دژی ئیسلام دەجەنگێت ، ڕژێمەکەی خۆشی وەک پاریزەری ئیسلام دەناساند ...

بەڵام بێگومان ئەگەر بۆ کەسیکی دوورەدەست بیانوویەک هەبووبێت بۆ باوەڕکردنی درۆو چەواشەکاریەکانی ئەو ڕژێمە ، ئەوا بۆ ئێمەی کورد کە ئیسلاممان پێش ئەو ڕژێمە ناسیوەو ڕەفتارە دژە دینەکانی ڕژێمیشمان لە نزیکەوە دیوە هیچ بیانوویەکمان نیە بۆ باوەر کردن و هەڵخەڵەتان بە دروشمە ئاینیەکانی بەعس و لکاندنیان بە ئیسلامەوە ئەگەر لەژێر دروشمی ئیسلام و وشەی قورئانیشەوە کرابن .

هەروەها بۆ عەرەبی عێراق کە سەدان ساڵ پێشتر کوردیان ناسیوەو لەگەڵیان ژیاون هیچ بیانوویەک نەبووە بۆ ئەوەی بە بانگەشەکانی بەعس بخەڵەتێن جگە لە دەمارگیری نەتەوایەتی و ملهوڕیان نەبێت .

ئەوە ڕاستیەکەیە ...

بەڵام بۆ کەسێک کە نەیەوێ ڕووداوەکان وەک خۆی ببینێت و چاوی خۆی ببەستێت، چ عەرەب بێت و دینداری کورد و دۆزە ڕەوایەکەی نەبینێت ، چ کوردێک بێت و نەیەوێ جیاوازی ئیسلام و کارە دڕندایەتیەکانی بەعس بکات ئەوە هەر دەبێ بیسپێریە دەست دادگای خوا و پاشان ویژدانی خۆی ...

 

 

H Balesane