یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لە پەراوێزی مانگی مەولود لقی رانیەی یەکێتی زانایان کتێب بەسەر زانایان دابەش دەکات    *****    *****   لقی سلێمانی یەکێتی زانایان بەهەماهەنگی بەرێوەبەرایەتی گشتی ئەوقافی سلێمانی مەراسیمێکی مەولود ساز دەکەن    *****    *****   بە سەرپەرشتی وەزیری ئەوقاف وكاروباری ئاینی، یەکێتی زانایان خولێك بۆ ژماره‌یه‌ك وتاربێژ له‌ زانكۆی ئەزهەر دەکاتەوە    *****    *****   سه‌رۆكی یه‌كێتی زانایان؛ پیرۆزبایی له‌ وه‌زیری ئه‌وقافی شانشینی ئوردون ده‌كات    *****    *****   کوردستان: بەو پەڕی بایەخەوە یادی لەدایکبوونی پێغەمبەر(د.خ) بەرز راگیرا    *****    *****   لقی موسڵی یەکێتی زانایان سەردانی بەرێوەبەرایەتی پۆلیسی بەردەرەش دەکات    *****    *****   به‌یاننامه‌ی یه‌كێتی زانایان به‌ بۆنه‌ی له‌دایكبوونی پێغه‌مبه‌ر (درودی خوای له‌سه‌ر بێت)    *****    *****   ناونیشانی وتاری ئەم هەفتەیە    *****    *****   لقی هەولێری یەکێتی زانایان چەند چالاکیەک ئەنجام دەدات    *****    *****   لە پێشوازی یادی مەولود لقی سلێمانی یەکێتی زانایان رێزلێنانی بەخشیە کۆمەڵێک زانای ئایینی    *****    *****   بە مەبەستی ئامادەکاری بۆ پێشوازی مەولود لقی سۆرانی یەکێتی زانایان کۆبویەوە    *****    *****   سەرۆکی یەکێتی زانایان: مانگی مەولود بۆ گەلی کورد شکۆدارە خوازیارم زانایان جوانیەکانی پێغەمبەر زیاتر بە کۆمەڵگە ئاشنا بکەن   
مه‌لا یاسین وه‌رتی
به‌رواری دابه‌زاندن: 18/04/2015 : 12:11:36
قه‌باره‌ی فۆنت
بریارەکەی وەزارەتی ئەوقاف و حکومەت کۆمەڵێک گومان و پرسیاری بێ وەڵام

لە هەنگاوێکی کتوپڕو چاوەڕوان نەکراودا سەرۆکی حکومەتی هەرێم لەسەر داوای وەزارەتی ئەوقاف بڕیاری داوە قوتابخانەو پەیمانگاکانی سەر بە وەزارەتی ئەوقاف بخرێنە سەر وەزارەتەکانی پەروەردەو خوێندنی باڵا !!

بێ ئەوەی حوکمی پێشوەخت لەسەر چاکی و خراپیەکانی ئەو کارە بدەم من لە لای خۆمەوە وەک مەلایەک و پەیوەندیدارێک بە پرۆسەی خوێندنی ئاینیەوە کۆمەڵێک گومان و پرسیاری بێ وەڵامم لە لا دروست بوون، ئەوانەی خوارەوە هەندێکیانن:

یەکەم: هەموومان دەزانین گواستنەوەی سەرجەم خوێندنگاو پەیمانگاکانی زانستە ئیسلامیەکان لە وەزارەتی ئەوقافەوە بۆ سەر دوو وەزارەتی تر بڕیارێکی سادە نیەو ئاسەوارەکانیشی بنەڕەتی و دوور مەودان ، من دەپرسم چۆن بوو وەزارەتی ئەوقاف و سەرۆکایەتی حکومەتی هەرێم وا بە سادەیی و بێدەنگی بەبێ دیراسەکردنی پێشوەخت لەلایەن پسپۆڕان و، بەبێ گەڕانەوە بۆ ڕای مامۆستاو قوتابیانی ئەو قوتابخانەو پەیمانگایانەو، بەبێ ڕاگەیاندنی پلانێکی ڕوون و ڕاشکاو بۆ ئایندەی پرۆسەی خوێندنی ئاینی لە کوردستاندا بڕیارێکی لەو جۆرەیان دا ؟!!

ئایا نەدەبوو لانیکەم لە کۆنفرانسێکی فراوانی تایبەت بەو پرسەدا ئەو مەسەلەیە تاوتوێ بکرێت و پاشان بڕیاری لێ بدرێت ؟

دووەم: لە سۆنگەی ئەو پرسیارەی سەرەوە گومانێک سەر هەڵدەدات: چۆن بزانین ئامانج لەو بڕیارە ناکاوە نەهێشتن و لەباربردنی یەکجاری خوێندنی ئاینی نیە لە کوردستاندا؟ هەموومان دەزانین خوێندنی ئاینی لەژێر سایەی وەزارەتی ئەوقاف دا بەدەست چەندین کێشەوە دەیناڵاندو تاڕادەیەکی زۆر پشت گوێ خرابوو لەکاتێکدا ئەو وەزارەتە بەرپرسی سەرەکی کاروباری ئاینیە لە حکومەتی هەرێمدا، ئەدی دەبێ لە مەودوا لە ژێر دەستی وەزارەتەکانی پەروەردەو خوێندنی باڵادا چی بەسەر بێت کە خۆیان سەدان کێشەو گرفتیان هەیە و خەمی سەرەکیان شتی ترە نەک خوێندنی ئاینی؟!! ئایا حکومەت و ئەوقاف دەتوانن دڵنیایی بدەنە مامۆستایانی ئاینی و خەڵکی کوردستان سەبارەت بەداهاتووی خوێندنی ئاینی لە کوردستاندا؟ ئایا ئەو دوو وەزارەتە دەتوانن کادیری ئاینی (پێشنوێژو وتارخوێن و ...هتد) باشتر لەوەی ئێستا هەیە پێ بگەیەنن؟

سێیەم: بەو پێیەی وا بڵاوکراوەتەوە کە ئەو بڕیارە لەسەر داوای وەزارەتی ئەوقاف بووە (کە وەزیرەکەی سەر بە بزووتنەوەی گۆڕانە) پرسیارێکی جدی ڕووبەڕووی بەڕێز وەزیری ئەوقاف و بزووتنەوەی گۆڕان دەبێتەوە کە ئایا ئەوە پڕۆژەی چاکسازی ئێوە بوو کە بەشێکی گرنگی وەزارەتەکە تەسلیم بە وەزارەتەکانی تر بکەن یان راستتر بڵێین لە کۆڵ خۆتانی بکەنەوە ؟ ئایا ئەو چاکسازیەی دەتانەوێ پەروەدەو خوێندنی باڵا لەو بوارەدا بیکەن بۆچی خۆتان نایکەن؟، یان هەر لە بنەڕەتەوە پڕۆژەتان نەبووە بۆ ئەو وەزارەتەو ئێوەش هاتوون کارەکان بەڕێ بکەن؟ لەگەل ڕێزم.

لە کۆتاییدا دەڵێم: ئەگەر بڕیارەکە وەک دەگووترێت بۆ كه‌مكردنه‌وه‌ی‌ فكری‌ توندڕه‌وی‌ درابێت دڵنیابن کەسی توندڕەو بەدەگمەن نەبێت لەو خوێندنگایانەوە دروست نەبوون، کەسانێکی زۆر هەن لە خوێندنگاو کۆلیژەکانی ترەوە کە هیچ پەیوەندیان بە ئاین و ئەوقافەوە نەبووە بوونەتە هەڵگری بیری توندڕەوی، کەواتە بیریکیش لەوان بکەنەوە!!

پێویستە ئەوەش بڵێین بەرپرسیاریەتی دنیایی و قیامەتی و مێژوویی ئەو بڕیارە لە ئەستۆی بەڕێزان سەرۆکی حکومەت و وەزیری ئەوقاف دایە لەهەر زیانێک کە بەر خوێندنی ئاینی و ڕەوشی ئاینی بکەوێت یان هەر ئاسەوارێکی سلبی بەدوای خۆیدا بێنێت