یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی گه‌رمیانی یه‌كێتی زانایان چه‌ند چالاكیه‌ك ئه‌نجام ده‌دات    *****    *****   بەرپرسی لقی هەولێری یەكێتی زانایان سەردانی هەردوو بەڕێوەبەرایەتی ئەوقافی پارێزگای هەولێرو دەوروبەری دەکات    *****    *****   پشدەر: قایمقامی شارەکە سەردانی لقی پشدەری یەکێتی زانایان دەکات    *****    *****   لقێ دھوک چادرەکا مەزن پێشکێشی کەمپێ دکەت بو مزگەفتێ    *****    *****   شه‌قڵاوه‌: یه‌كێتی زانایان‌و ئه‌وقاف هه‌ماهه‌نگی ده‌كه‌ن    *****    *****   لقی رانیەی یەکێتی زانایان چەند دام و دەزگایەکی دەڤەرەکە بەسەردەکاتەوە    *****    *****   لقی هەڵەبجەی یەکێتی زانایان بەژداری تیروپشکی مورشیدانی حەج دەکات    *****    *****   لقی رانیەی یەکێتی زانایان چەند سەردانێک ئەنجام دەدات    *****    *****   لقي سليماني يه كيتي زانايان به شداري تيرو پشكي ريبه راني ئايني حه ج ده كات    *****    *****   لقی ئاكرێی یه‌كێتی زانایان چه‌ند چالاكیه‌ك ئه‌نجام ده‌دات    *****    *****   لقي سليماني يه كيتي زانايان به شداري كونفرانسي زانستي زاناو عه للامه ي كورد ماموستا مه لا ( عبدالرحمن پينجويني ) ده كات    *****    *****   مامۆستا مه‌لا یاسین مه‌لا سالح هه‌ڵه‌بجه‌یی كۆچی دوایی كرد   
ئازاد محمد به‌رگركه‌یی
به‌رواری دابه‌زاندن: 25/05/2019 : 00:35:35
قه‌باره‌ی فۆنت
بۆچی جارێکی تر هەڵناکەونەوە

مەبەستم لەوە ئەوەیە کە بۆ جارێکی تر ئەم کەڵە پیوانەی مێژوو دروست نابنەوە بۆ ئیمامی غەزالی ێکی ترو سعید نورسی و مەولانای ڕۆمی وحسن بصری....ێکی تر هەڵناکەونەوە، بانگوازەکانمان دیندارەکانمان بۆ ئەم کاریگەریان بەسەر خەڵک ودەورو بەردا نەماوە ئەم پرسیارانەو چەندانی تر لەوەئەچێ لای زۆر بەمان گەڵاڵەبوبن وشەیداو عەوداڵی وەڵامێکی قەناعەت پێکراو بین،

بەڕای بەندە وەڵامەکەی ئەوەیە لەوانەشە نەیپێکم بەڵام بەپێی خوێندنەوەو بەدواداچون و ئەوبڕە ئەزمونەی کۆمکردۆتەوە من وای لێ تێ گەیشتوم و حاڵی بوم، چون شتەکان هەمووی گۆڕانکاری وبەسەر داهاتوە،ڕێک بارودۆخ وزەمین سازی دینداریش بەهەمان شێوە گۆڕانکاری بەسەر داهاتوە،جاهەیە گۆڕانکاریەکە چاکەو هەشیانە خراپە، بەڵام بەشێوەیەکی گشتی شتەکان بەشێوەیەکی بەرچاو گۆڕاون،بارو دۆخ وزەمەن و زەمین سازی زۆر گرینگن بۆ دروست بون وهەڵکەوتنی پیاوانی خوایی،بۆنمونە مێشە هەنگوین گەر شوێنێکی گونجاو لەبارو پڕاو پڕ گوڵ وگوڵزاری نەبێ ناتوانێ هەنگوینێکی چاک وپڕچێژ بەرهەم بێنێ،یاخود تەیارە زۆر گرینگە بەڵام گەر ساحەو گۆڕەپانێکی چاکی نەبێ ناتوانێ هەڵبفڕێ،پیاوی خوایش بەهەمان شێوە گەر بێتو بارو دۆخێکی لەباری نەبێ پێی ناکرێ شان بەشانی جیهانی مەلەکوت شاباڵ بگرێ ولەخوا نزیک کەوێ، ئێستا گەر نمونەیێ بێنینەوە باشتر ئەوەمان بۆ دەرەکەوێ وزیاتر لێی تێئەگەین، کابرایێ بینە لەغوڕفەیەکی بکە بۆماوەیەکی زۆر کەپڕیبی لە تەپڵ ودەهۆڵ ومۆسیەقەو ئافرەتی نیمچەڕوت بیرەو نمایشکردنی فیلمی حەڕبی و....تاد دوایی سەیر کەو سەرنج بدە بزانە ئەم پیاوە چی بەسەر دێ وچۆن کاریگەری لەسەر دائەنێ و دەرهاوێشتەکان وبیرو ئەندێشەکانی چیان لێدێ دڵی چۆن ڕەقەبێ، وەپیاوێکی تر بێنەو بیبە هۆدەیەک بۆماوەیکی زۆر کەهۆدەکە پڕاو پربی لە دەنگ وسەدای قورئان و ناڵەونرکەی هەژاران و نزاو موناجاتی بێداران وهەڵواسینی تابلۆی ویردەکان ونمایشکردنی فیلمی بەهاباڵاکان، دوایی بڕاونەو دیقەت دە بزانە ئەم پیاوە چۆن گۆڕانکاری بەسەردادێ وکەسێکی دڵ نەرم و میهرەبان وبەسۆزی لێدەرەچێ.

بۆیە ئەم نازدارە پیوانەی کەلەسەرەوە ناومان هێناون وبگرە سەدانی تری وەکو وان جگە لەو دڵسۆزی وشارەزای وزانست و مەوهیبە خوایییەی پێیان بەخشرابو زروف وزەمەن وزەمین سازیەکەشیان هاوکاریان بوبۆئەوە،گەر چنەبێ نزیکتر بونە لەو چاخەی حەزرەتی خۆشەویست شاهیدی باشی بۆداون چەکەکان لەهی ئێستا بەهێزتربونە بۆنمونە زانست سیاسەت بەهاباڵاکان بەهێزترو خاوێنتربونە لەئێستا خەڵک باشتر گوێی گرتوە دوژمن وناحەزو نەیارەکانی ئیسلام وموسڵمانان ئەوەندە زۆر نەبون،من هەرگیز مەبەستم لەوەنیە لەبەهاو ڕۆڵ وکاریگەری ئەوان کەم بکەمەوە مەبەستیشم ئەوەینە،

بەڵام تەئەسوف وداخی گرانم ئەوەیە لەگەڵ بونی ئەو ڕێژە زۆرو بەرچاوە لەمامۆستای ئاینی و بانگخوازە کەچی کاریگەریان زۆر کەمەو بەرهەمەکەیان لەئاست تموحی ئسلام وموسڵمانان دانیە!نەمانی کاریگەریش بۆهەردو لا دەگەڕێتەوە ماۆستایان وبانگخوارزان خودی خۆیان وەخەڵک ودەوروبەریشیان،ساردی نواندن وکەمتەرخەمی و نەمانی دڵسۆزی و قوربانی نەدانی بانگخوازان وئەدانەکردنی وەزیفەی خۆیان بەتەواوەتی وپشتکردنە سەکۆی و بانگخوازی و ڕوکردنە دونیاو سیاسەت، وە گوێ پەندان وبەهەد وەرنەگرتن و بێ خەمی ونەترسان ولەخواوو دواڕۆژو،سەرقاڵی و زۆر بونی غافڵێنەرو سارکەرەوەکان لای خەڵکی گشتی وگوێگرانی،گەر بتەوێ جەوێکی ئیمانی بسازێنی لەناو مزگەوتی خۆت پێت وناکرێ بەر بەستی زۆرن بۆ درستە کرێن،خەڵک تامەزرۆیی و شەیدایی و دڵسۆزی جارانی بۆدین ودینداری نەماوە،دێ ڕەخنەت لێ ئەگری بڕو بیان ودێنێتەوە، قسەی زۆر غەڵبەغەڵب لەناو مزگەت دروستەکات،شکایەت وجاسوسی ئەکاخەڵک ساردەکاتەوە هەڵوێستێکی وا ئەنوێینێ خەڵک لەمزگەوت بتۆرێ...تاد

ئەمە بەحیساب خەڵکە دڵسۆزەکەو ئەهلی مزگەوت ودۆستەکەتە،ئەدی چی بەلایەنی پەیوەندیدار دەڵێ کەهەزار ناو ناتۆرەت لێئەنێ و سەدان کۆسپ ولەمپەرت لەبەردەم دروست دەکات،پێشان نەسیاسەت ئەوەندە خراپ و نەحیزبەکان ئەوەندە زۆر بون نەبەرو بازار ئاوا خراپ بون نەخەڵک ئەوەندە بێ قەناعەت بو لەسەر مزگەوت ومامۆستاو نوشتەی شەرعی،خەڵک ترسی لەخوا هەبو نزیکی ماڵی مزگەوت وگۆڕستان وماڵی هەتیوان ناکەوت فەتوای بێ زانیاری نادا پربای دینی ناکرد دەسکاری غەیبیات و پیرۆزیەکانی دینی ناکرد،گەوەریی وبچوکی هەبو پڕس وڕاو ڕاوێژ هەبو شتەکان تامی خۆیان هەبو،ڕێزو ڕەحم وویژدان وهاوکاری وهەرەوەزی هەبو نان دان وجوامێری هەبو، ڕێژەی قورئان وبەرماڵ لەڕێژەی تەلەفزیۆن وموبایل لەماڵەکان زیاتر بو،مزگەوتەکان حوجرەو دەرس و حەلقەی زیکرو موناجاتی لێبو،کۆڕو مەجلیسەکان پڕبون لەباسی خوناسی ودینداری وقسەی نەستەق وپەندی پێشیان گاڵتەو گەپ و دڵخۆشی،فەیسبوک وسیاسەتی درۆینە وجودێکی نەبو، زەوی ودەراوان تاتەبەردی لێبو،تەندروستی چاتربو دینداری چاتربو خواردن وخۆراک پاکترو خۆماڵیتربون،

پەیوەندیە کۆمەڵایەتیەکان و هاموشۆ و سیلەی ڕەحم تۆکمەترو پتەو تربو،ئافرەتەکان بەئابڕۆترو پیاوەکان بەهێزترو بەغیرەترو کاسبتربون خوێندن وپەروەردەو ئینتیمای نیشتمانی ونەتەوەی و ژینگە دۆستی بەهێزتربو، زاناکانمان لەخواترسترو بوێرتروبون، دکتۆرەکانمان بەویژدانترو مامۆستاکانمان دڵسۆزتربون، کەمتر حەڕام ئەخورا خراپە کەمترو بەنهێنی تربو، ڕێکخراوەکان نەبون کەچی مرۆڤ ڕێزو مافی زیاتری هەبو، جیابونەوەی هاوسەران و خۆکوشتن وکارەساتەکانی ڕێگاو بان کەمتربو،ڕەوشتێکی جوان هەبو ئافرەتەکانمان بەجلی کوردی وپشێن وچارۆکەو، پیاوەکانمانیش بەجلی کوردی جەمەدانی ولیفکەوە،کوانێ وەکو ئێستا بێجامەو سێچارێک لەبەر درکرا، کوا ئافرەتەکانمان گیان وسەری سینگیان بەدەرەوەبو،کو خەڵک ئەوندە بێ تروساف ببو لەمردن وگۆڕستان،کوا شوێنە سیاحیەکان ئەوەندەزۆر بون،کوا خەڵک هەموی سیاسەت وان وموفتی بون هەرکەسەو ئیشی خۆی دیاربو،کوا....تاد