یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گه‌رمیان؛ به‌ڕێوه‌چوونی سمینارێكی تایبه‌ت به‌ بەرە نگاربونەوەی ماددە هۆشبەرە کان به‌ڕێوه‌ده‌چێت    *****    *****   لقێ دهوكێ ئێکەتیا زانایان و ئه‌وقافا دهوكێ: پێدڤیە کەنالێ وار و مێڤانێ وێ داخازا لێبورینێ بکەن    *****    *****   لقی سلێمانى يه‌كێتی زانايان به‌شداری له‌ ڕێوڕه‌سمی كردنه‌وه‌ی مزگه‌وتى گوندى پاڕه‌زان ده‌كات    *****    *****   بە بەژداری سەرۆکی یەکێتی زانایان مەراسیمی بەخشینی بروانامەی زانستی لە شارۆچکەی مەسیف بەرێوە دەچێت    *****    *****   یەکێتی زانایان پرسەنامەیەک ئاراستەی مامۆستا یادگار برادۆستی دەکات    *****    *****   ناونیشانی وتاری هەینی و بەرچاو ڕوونیەک بۆ وتاربێژان    *****    *****   لقی گەرمیانی یەکێتی زانایان چەند چالاکیەک ئەنجام دەدات    *****    *****   چالاکیەکانی لقی کۆیەی یەکێتی زانایان    *****    *****   خولا تایبه‌ت یا ماموستایێن ئایینی ل زاخو    *****    *****   لقی سلێمانی یەکێتی زانایان بەژداری کردنەوەی مزگەوتی حاجی شەریف بیسەری دەکات    *****    *****   سیمینارێک لەبارەی مەترسیەکانی مادەی هۆشبەر لە شاوێس بەڕێوە چوو    *****    *****   لقی شەقڵاوەی یەکێتی زانایان لە کۆبوونەوەیەکی فراوان چەند پرسێک تاوتوێ دەکات   
ئازاد محمد به‌رگركه‌یی
به‌رواری دابه‌زاندن: 03/09/2019 : 21:22:32
قه‌باره‌ی فۆنت
هــێزی نـــزا

وەک دەزانین دوعاکردن بەهێزترین چەکی بەردەستی مرۆڤەکانە،وەگەورەترین وگرینگترین هۆکاری بەدەستهێنانی ڕەزامەندی وخۆشەیستی وگەیشتنیشە بەخوا،بۆیە خوا بەکڕۆک وپڵەپۆپەو ترۆپکی بەندایەتی داناوە هەر وەک حەزرەتی خۆشەویست درودی خوای لەسەربێ فەرمویەتی(الدعاء مخ العبادة)خواهەمیشە دنەدنەمان ئەنێت ولەسەر نزاو پاڕانەوەی زۆر،خوا ئەفەرموێت:(وقال ربكم ادعونی استجب لكم)(قل ما یعبؤا بكم ربی لولا دعاؤكم)(واذا سألك عبادي عنی فإنی قریب اجیب دعوة الداع اذا دعان فلیستجبوا لي ولیؤمنوا بي لعلهم یرشدون)بۆیە گەر بەوردی بڕوانین بۆ ژیانی زێڕینی پڕسەروەری حەزرەتی خۆشەویستمان درودی خوای لەسەربێ بەڕونی هەست بەوە دەکەین کە نزاو پاڕانەوەو موناجات وڵاڵانەوە زەمەن وزەمینێکی فراوان وە مەوداو پانتایەکی زۆری داگیر کردوە،دوعاکردنی ئەو سەروەرەش ئەوەندە خێرا ئەچەسپان و گیرا ئەبون تا گەیشتبوە ئەو ڕادەیە کافرەکان زۆر لەوەئەترسان نزایان لێ بکا چونکە هیچ گومان ودودڵی و دڕدۆنگیەکیان لەوەنەبو کەخوا قەبولی ئەکاو هەرزو لای باری تەعالا وەڵامەدرێتەوە،بۆیە کاتێ لەتایف بەردباران دەکرێ زۆر بەخراپی پەلەماری ئەوزاتە ئەدەن وجەستەی پیرۆزی زامدارەکەن و خەڵتانی خوێنە کەن هاوەڵە بەڕێزەکان دوای لێ ئەکان کە نزای لەناوچونیان لێ بکات کەچی ئەو نایەوێو میهرەبانی و هەستی بەرزی و ئینسانی و ئەخلاقی و ویژدانی ڕێی پێ ناداو دەفەرموێ من بەڕەحمەت و میهرەبانی نێردراوم نەوەک وەک نەفرین کار،دوعاکردن تاکە پەرستشێکە هییچی لێ زایە نەبێ ئەوچەکەیە هیچ فیشەکێکی لێ چروک نابێ ئەوەتە یاخود نزاکەت وەکو خۆی گیرا دەبێ یانیش خوا باشترت پێ ئەبەخشێ یانیش تاوانت پێ ڕەش دەبێتەوە،یانیش پلەو پایەت پێ بەرزدەبێتەوە،بەڵام ئەوەشیان کەوتۆتەسەر شێوازو چۆنیەتی دوعاکردن،وەک وتراوە پێم بڵێ دوعاکانت چین وچۆنن باپێت بڵێم چۆن کەسێکی،دکتۆر عەلی شەریعەتی لەکتێبی (نزا) دا دەڵێ ئەنانی و ڕەزیل مەبن لەدوعاکردن خواهەمیشە ئەودوعایانەی بەلاوە خۆش وگرینگن کەگشتگیرن وەک دوعای پێغەمبەران و عاریفان و پیاو چاکان کە خەمی خەڵکت بەلاوە ئەولەویەت بێ دوعابۆتەواوی موسڵمانان بکەی،تەحسین حەمەغەریب لەکتێبی (نزاکانی منی بچوک ووەڵامەکانی تۆی مەزن) دا دەڵێ هەمیشە گەورەترو باشترمان پێ ئەدات لەوەی کەداوای لێ ئەکەین چۆنیەتی دوعاکردن زۆر گرینگە پێویستە برانین داوای چی ئەکەین چۆن چۆنی داوابکەین،گەر داوای شتێکمان کرد خوا پێی نەداین بامشاوەش نەبین چونکە خوا ئەوشتە لەبەرژەوەندی ئێمەدا نیە،مەولانای ڕۆمی ئەفەرموێ زۆر جار منداڵ بۆداواکارییەکانی سەرنج  ڕاکێشانی بەرامبەری پەنا ئەباتە بەر فرمێسک ڕشتن و نوزانەوە،بائێمەش هەمان شت وشێواز بەکار بهێنین،لەشوێنێکی تر ئەفەرموێ مرۆڤ جاری وایە پارەیەکی زۆرو زەبەند خەرجەکات بۆبەدەست هێنان وکڕینی باڵندەیەکی دەنگ خۆش ودەیێهنێ لەقەفەسی ئەکات تاکو گوێی لەنەغمەو چریکەو ئاوازی ناوازەی بێ بۆیە خواش مرۆڤ توشی نەخۆشی وئازارەکات تاکو نزاو نوزانەوەو ڵاڵەنەوەی بەندەکانی ببیستێ،جونەید لەکتێبی گەورەیی نزادا دەڵێ:ئەوەندە بەسە بۆگەوەرەیی نزا کەخوا قەدەری بۆبگۆڕێ،وەناشیرترین بەندە لای خوائەو بەندەیە کەخۆی بێ نیاز بکا لەخواو هیچ داوایەکی لێ نەکات،وە دکتۆر مادح بەرزێوەیی لەکتێبی (الدعاء فی القرءان)دا دەڵێ ڕێگای سەرفرازی دین و دونیا لەڕێی دوعاکردن مسۆگەردەکرێ وەهەمو پێغەمبەران لەکاتی خۆشی ناخۆشیدا هەرگیز دوعایان فەرامۆش نەکردوە دوعاکردن ویردی هەمیشەیی سەرزوبانی پێغەمبەران و پیاو چاکان وعایفان بوە،ئێمە سائل و ئەو موجیب،ئێمه نزم و ئەوبەرز،ئێمه لاوازو ئەو بەهێز،ئێمە هەژارو ئەو دەوڵەمەند ئێمه موحتاج و ئەو بێ نیاز،بەهێزترین دوعاش دوعای پێغەمبەران و عاریفان و مەزڵومان وموسافیران و دایکو باوکانە بۆمناڵەکانیان،ئێتر تا بۆمان دەلوێ بادەست هەڵبڕین بەدەم نوزانەوە نزا بکەین ئیلحاح بکەین و دڵنیابین لەگیرابون و وەڵامدانەوەی.