یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   ئەنجومەنی فەتوای شەرعی ئیماراتی سوپاسنامەیەک ئاراستەی سەرۆکی یەکێتی زانایان دەکات    *****    *****   مامۆستا مەلا ئەنوەر لاسەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مردووانی کۆرۆنا بە رێکاری شەرعی دەشوورێن و دەشاردرێنەوە    *****    *****   مامۆستا مەلا ئیسماعیل باشکی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لەماوەی حەوت مانگی رابردوو 45 زاناو مامۆستای ئایینی وەفاتیان کردووە    *****    *****   مامۆستا مەلا شێخ سەیدەی دۆڵان کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی هەولێری یەكێتی زانایان لەڕێگای خێرخوازان هاوكاری تەندروستی هەولێر دەكات    *****    *****   گەنجێک بۆ بەجێهێنانی فەریزەی حەج بە بایسکیل 22 وڵات دەبڕێت    *****    *****   شێخ عەزیزی شێخ بابا رەسولی توران کۆچی دوایی کردو یەکێتی زانایان پرسەنامەیەک رادەگەیەنێ    *****    *****   مامۆستا مەلا ئەحمەد بەرسرینی کۆچی دوایی کرد    *****    *****   پرسەنامە: مامۆستا مەلا سەلیم وەیسی رەزیکی کۆچی دوایی کرد    *****    *****   پەیامی پیرۆزبایی یەکێتی زانایان بە بۆنەی جەژنی قوربانی پیرۆزەوە   
مه‌لا یاسین وه‌رتی
به‌رواری دابه‌زاندن: 06/05/2020 : 20:55:35
قه‌باره‌ی فۆنت
ڕەوشت و ڕەفتار سەنگی مەحەکە

هەر نازناوێکی دینیت هەڵگرتبێت (مەلا، شێخ، سۆفی، سەلەفی، ئیسلامی، قوڕئانی...)

 

هەرچەندێک عبادەت بکەی (نوێژ، رۆژوو، زیکرو ویرد...)
ڕووکارت هەرچۆن بێت (ڕیشدار، باڵاپۆش، مێزەرو مەندیل بەسەر...)
عەقیدەت هەرچۆن بێت (ئەشعەری، سەلەفی، هی تر ...)
لەفەیسبوووک پۆستەکانت هەمووی الحمد للە و استغفر الله بێت ...
هیچ کام لەوانە ناتکەن بە موسڵمانێکی ڕاست و تەواو، لە دواڕۆژیش ڕزگارت ناکەن ئەگەر لە واقیعی ژیاندا ڕەوشت و ڕەفتارت جوان نەبێ، ئەگەر هەڵسوکەوتت لەگەڵ خەڵک نزیک نەبێ لە ڕەوشت و ڕەفتاری پێغەمبەری خوا (درودی خوای لێ بێت)، ئەگەر زمان پیس و جوێندەر بێ، یان لە معامەلەدا فێڵبازو قۆڵبڕ بی، یان پشتگیری لە زوڵم و ستەم بکەی، یان لە جیرانەتی و هاوڕێیەتی و خزمایەتیدا ساغ و بێ فێڵ نەبی، یان لەگەڵ دایک و باوکت خراپ بی، یان ......

 

پێکهێنەرەکانی تری دین (عەقیدەو عبادەت و ڕووکارەکان) هەموویان گرنگی خۆیان هەیەو پێویستن بەو مەرجەی بەکردارو ڕەفتاری جوان بڕازێنرێنەوە، بەڵام هیچیان بەتەنها فریامان ناکەون، ئەوەندە بەسە کە بزانین پێغەمبەری خوا پێش هەر وەسفێک بەڕەوشتی مەزن وەسفی کراوە (وانک لعلی خلق عظیم) ئامانجی هاتنیشی تەواوکردنی ڕەوشتە جوانەکان بووە (انما بعث لاتمم مكارم الاخلاق) .

کەواتە با چیتر بە کردەوەو ڕەفتاری ناشیرین نەبینە بارگرانی بەسەر دینەوە، بابۆ دواڕۆژیش ڕەنج بەخەسار نەبین، بەتایبەت ئەوانەمان کە لە تۆڕە کۆمەڵایەتیەکانین بەداخەوە خەڵکێکی زۆرمان خەریکی جنێودانە، بەحسابی خۆی بەرگری لە ئیسلام دەکات، بەڵام شێوازی قسەکردن و کۆمێنت و وەڵامەکانی دوورە لە هەموو ڕەوشتێکی ئیسلامی، ئەوە جگە لە سەقەتیەکانی ژیانی ڕۆژانەشمان .