یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا موسلیم مه‌لا سالح فریزی
به‌رواری دابه‌زاندن: 07/07/2010 : 12:15:13
قه‌باره‌ی فۆنت
پێویسته‌ ته‌له‌فزیۆنه‌كانمان ئاگایان له‌ ناوبڕه‌ی به‌رنامه‌كانیان بێت
له‌ ده‌وروبه‌ری كاتژمێر 11ی شه‌وی هه‌ینی له‌سه‌ر شه‌ممه‌ی رێكه‌وتی 25-26/6/2010 له‌ كه‌ناڵی كوردستان تیڤی په‌خشی ئاسمانی رێپۆرتاژێكی جوان‌و پێویست‌و هه‌نوكه‌یی له‌سه‌ر زام‌و ژانی نه‌خۆشانی ته‌لاسیماو بواری دارایی‌و موعاناتی هه‌ژاری‌و پێویستی ئه‌م جۆره‌ خێزانانه‌ی كه‌ به‌م جۆره‌ نه‌خۆشه‌ له‌ناو ئه‌ندامانی خێزانیان تاقی كراونه‌ته‌وه‌ پێشكه‌ش به‌ بینه‌ران كرا، ئافره‌ت هه‌یه‌ كه‌ خاوه‌نی مناڵی ته‌لاسیمایه‌و(یا كه‌م ئه‌ندام‌و نه‌خۆشه‌) پیاویشی نه‌خۆشه‌و خۆی كارده‌كات له‌ نه‌خۆشخانه‌ وه‌كو (خزمه‌تگوزار) ته‌نها به‌ بری(200000)دووسه‌د هه‌زار دیناری عێراقی، وه‌ هه‌شه‌ كه‌ هیچ كارێكی به‌ ده‌سته‌وه‌ نیه‌، ئینجا له‌باری ده‌رونی‌و كۆمه‌ڵایه‌تی‌و دارایی یه‌جگار له‌ موعانات دا ده‌ژین‌و له‌گه‌ڵ خه‌م‌و ئازاره‌كانی ژیان ژیانیان ده‌گوزه‌رێنن، (خۆی له‌خۆیدا ئه‌م جۆره‌ به‌رنامه‌و رێپۆرتاژانه‌ له‌ راگه‌یاندنه‌كان جێگای پێزانین‌و ده‌ستخۆشی لێكردنه‌و هه‌نگاوێكی زۆر چاك‌و باشه‌، به‌ڵام ده‌بێ‌ حیساب بۆ دڵی خانه‌واده‌ی هه‌ژاربكرێت‌و له‌پاشان ریكلام‌و ناوبڕه‌ گونجاو بێت له‌گه‌ڵ ئه‌و به‌رنامه‌و رێپۆرتاژه‌ی كه‌ پێشكه‌ش به‌بینه‌ران ده‌كرێت)، بۆ نمونه‌: له‌و به‌رنامه‌و ته‌له‌فزیۆن‌و رێكه‌وته‌دا كه‌ له‌سه‌ره‌وه‌ هێناومانه‌ به‌ نمونه‌: ناوبِره‌یان دانابوو به‌ڵام نه‌ك بۆ ئه‌وانه‌ی خێرخوازن‌و خوێن‌و پاره‌ ده‌به‌خشنه‌وه‌ به‌سه‌ر ئه‌و جۆره‌ نه‌خۆشانه‌و ...هتد. شتێكی وا كه‌ جێگای ئومێدو دڵخۆشی بێت بۆ ئه‌م جۆره‌ نه‌خۆشانه‌و خانه‌واده‌كانیشیان‌و تۆزێك له‌ زامه‌كانیان كه‌م كاته‌وه‌، كه‌چی ریكلام بۆ ڤێلاو شوقه‌و بینا ده‌كراو ریكلامیان له‌ ناوه‌ڕاستی رێپۆرتاژه‌كه‌ به‌م شێوازه‌ داده‌به‌زاندو هه‌روه‌ها ریكلامی ناوماڵ‌و دیزاینی ماڵ‌و تاخم قه‌نه‌فه‌و كه‌وه‌نته‌رو...شتی گرانبه‌ها له‌دوای ئه‌ویش دابه‌زێنرا (وه‌كو كورده‌واری خۆمان وته‌نی: ئاش له‌خه‌یاڵه‌كی‌و ئاشه‌وان له‌ خه‌یاڵه‌كی تر)، ئه‌مه‌ گوێ نه‌دانه‌ به‌دڵی (هه‌ژارانی وڵاته‌كه‌مان به‌گشتی‌و) ئه‌وانه‌ی كه‌ رێپۆرتاژیان بۆ ده‌كرێت به‌تایبه‌تی، كه‌ ده‌یانه‌وێت تۆزێك موعاناتیان كه‌م بكه‌نه‌وه‌و له‌سه‌ریان سوك كه‌ن كه‌چی (به‌مجۆره‌) زیاتری ده‌كه‌ن، هه‌روه‌ها بێهێزی‌و لاوازی پێشكه‌شكار یاخود به‌ڕێوه‌به‌ری ئه‌م جۆره‌ كه‌ناڵه‌ ته‌له‌فزیۆنیه‌ نیشانه‌دات كه‌ (لكل مقام مقال)ی (له‌بۆ هه‌موو شوێنێك قسه‌ی خۆی ده‌وێت) جێ‌ به‌جێ‌ ی نه‌كردووه‌و دوو شتی زۆر جیاواز له‌یه‌كتری (وه‌كو: - و+) له‌یه‌ك سات دا پێشكه‌شی كردووه‌، (وه‌ك بڵَێی: من موعاناتم هه‌یه‌و كه‌چی تۆ ده‌ڵێی چی؟ وام زانی تۆزێك به‌شدار ده‌بی له‌خه‌مم كه‌چی زیادی ده‌كه‌یت‌و برینم ئه‌كولێنیته‌وه‌!)، بۆیه‌ لێره‌دا داوا له‌كه‌ناڵه‌كانی راگه‌یاندن ده‌كه‌م كه‌ گرنگی بده‌ن به‌م جۆره‌ به‌رنامه‌و رێپۆرتاژانه‌ بۆ ئه‌وه‌ی ئێمه‌ هه‌م وه‌كو موسڵمان هه‌م وه‌كو كورد خه‌می یه‌ك هه‌ڵگرین‌و راگه‌یاندنه‌كان (ببنه‌ هۆكارێكی سه‌ره‌كی‌و كاریگه‌ر بۆ ئه‌وه‌ی): ده‌وڵه‌مه‌ندو هه‌ژار له‌یه‌ك نزیك كه‌نه‌وه‌ به‌ هه‌ڵدانه‌وه‌ی په‌رده‌ی نێوانیان (كه‌ بریتیه‌: له‌ پێنه‌زانین‌و ئاگا لێنه‌بوونی ئه‌م جۆره‌ نه‌خۆش‌و هه‌ژارانه‌ی كه‌ پێویستیان به‌ درێژكردنی ده‌ستی یارمه‌تیه‌و له‌ مرۆڤه‌كانیش كه‌س پێَیان نازانێت)، تاوه‌كو: هه‌موولا (جگه‌ له‌ به‌ده‌ستهێنانی خێری زۆرو گه‌وره‌ی، هه‌روه‌ها): هه‌ست به‌ ئارامی ده‌رونی بكه‌ین به‌ یارمه‌تی گه‌یاندنی مرۆیی بۆ ئه‌م جۆره‌ كه‌سانه‌و هه‌روه‌ها نه‌خۆش‌و هه‌ژارانیش به‌هۆی یارمه‌تی دان‌و چاره‌سه‌ر بۆ كردن‌و، چاره‌سه‌ر بۆ دۆزینه‌وه‌ له‌لایه‌ن خێرخوازان‌و خه‌ڵكی وڵاته‌كه‌ی خۆیانه‌وه‌.