یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان پێشوازی لە کۆمەڵێک مامۆستاو قوتابی کۆلێژی زانستە ئیسلامییەکانی زانکۆی سەلاحەددین دەکات    *****    *****   مەکتەبی تەنفیزی یەکێتی زانایان کۆدەبێتەوەو چەند پرسێکی گرنگ و هەنوکەیی تاوتوێ دەکات    *****    *****   سەرۆکی یەکێتی زانایان بەشداری وۆرکشۆپێکی زانستی تایبەت بە پێکەوەژیان لە زانکۆی نۆڵج دەکات    *****    *****   سەرۆکی یەکێتی زانایان پێشوازی لە بەڕێوەبەری گشتی ئەوقافی پارێزگای هەولێر دەکات    *****    *****   لقی گەرمیانی یەکێتی زانایان سیمینارێک بۆ ژمارەیەک مامۆستای ئایینی ساز دەکات    *****    *****   یەکێتی زانایان لەسەر رووداوەکانی حەلەب پەیامێک بڵاو دەکاتەوەو ئیدانەی هێڕشی سەر گەڕەکە کوردنشینەکان دەکات    *****    *****   یەکێتی زانایانی ئایینی ئیسلامی کوردستان ئاماری گرنگترین چالاکیەکانی ساڵی 2025 بڵاودەکاتەوە    *****    *****   گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2025دا    *****    *****   ساڵی 2025 لە هەرێمی کوردستان (46) زاناو مامۆستای ئایینی کۆچی دواییان کردووە..       *****    *****   کۆتا کۆبونەوەی لقی چەمچەماڵی یەکێتی زانایان    *****    *****   مامۆستا مەلا محمد زێباری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان: بۆ دوورکەوتنەوە لە توندڕەوی پێویستیمان بە تێگەیشتنی دروست و زانستی هەیە لە ئایینی پیرۆزی ئیسلام   
 هەواڵ 

مه‌لا موسلیم مه‌لا سالح فریزی
به‌رواری دابه‌زاندن: 17/07/2010 : 03:09:39
قه‌باره‌ی فۆنت
ئه‌و ماوه‌یه‌ رووداوی جۆراو جۆری ئاگر كه‌وتنه‌وه‌ له‌ناومان روو له‌ زیاد بوونه‌
له‌ هه‌رێمی كوردستان له‌و ماوه‌یه‌دا ده‌بینین‌و ده‌بیسین رووداوگه‌لێكی جۆراو جۆر رووئه‌ده‌ن، وه‌ روداوی ئاگر كه‌وتنه‌وه‌ش یه‌كێكه‌ له‌ هه‌ره‌ روداوه‌ زه‌ق‌و دیاره‌كان، ئینجا له‌ ئوتێل‌و بیناو خانوو دوكان‌و ده‌غڵ‌و دان‌و زه‌وی زه‌راعی‌و چیاو ده‌شت‌و...هتد، هه‌ر روداوێكی له‌م چه‌شنه‌ كه‌ ئه‌كه‌وێته‌وه‌ زۆر زه‌ره‌رو زیان له‌پاش خۆیان به‌جێ‌ دێڵن، وه‌جاریش هه‌یه‌ زیانی گیانی (دڵته‌زێنی) لێ ده‌كه‌وێته‌وه‌، له‌ هه‌مووش سه‌یرترو سه‌رنج راكێش تر: زۆربه‌ی هه‌ره‌زۆری ئه‌و روداوانه‌ ده‌گێڕنه‌وه‌ بۆ شۆتی كاره‌باو، یاخود ده‌ڵێن: هۆكاری نادیارو نه‌زانراوه‌، ئه‌گه‌ر وابڕوات ئه‌وه‌ ئاگر ئومێد بڕو بێ‌ ئومێدمان ده‌كات‌و ترس‌و دڵه‌ راوكێ دێخێته‌ نێوان خه‌ڵكی به‌گشتی‌و فه‌لاح‌و خاوه‌ن موڵك‌و كاسبكارانیش به‌تایبه‌تی!.

بۆیه‌ به‌پێویستی ده‌زانم: كه‌ خه‌ڵكی وریاترو چاو كراوه‌تر بن‌و ئاگایان له‌ جغاره‌ فڕێدان‌و ئاگر كردنه‌وه‌و...هتد. هه‌بێت، هه‌روه‌ها بینا به‌ شێوازێك دروستبكرێن‌و كاره‌با به‌ شێوه‌یه‌ك ببه‌سترێت كه‌ ئیهمالی تیادا نه‌كرێت، هه‌روه‌ها حكومه‌ت زوترو چالاكتر فریای شوێنی رووداو بكه‌وێت، وه‌ ئه‌وه‌ی به‌ڕای من له‌هه‌موو شتێ گرنگتره‌و پێویستی هه‌ڵوه‌سته‌ له‌سه‌ركردنه‌: پێویسته‌ هه‌موولا به‌خۆداچونه‌وه‌یه‌ك له‌ژیانمان دا بكه‌ین‌و زیاتر ئاگاداری لایه‌نی قیامه‌ت‌و (خوا) له‌خۆ رازی كردن بین له‌ گوفتارو كردارمان، چونكه‌ ئه‌و هه‌موو رووداوه‌ جۆراوجۆره‌ نادیارانه‌ی كه‌ له‌ناومانا رووئه‌ده‌ن (بێ حیكمه‌ت نیه‌و) دوور نیه‌ كه‌ هۆكاری سه‌ره‌كی گوناهه‌كانمان بێت بۆ به‌خۆداچوونه‌وه‌و په‌شیمان بوونه‌وه‌و گه‌ڕانه‌وه‌و ته‌وبه‌كردنمان، چونكه‌ به‌راستی بێ‌ شه‌رمی‌و بێ‌ فه‌رمانی (خوا)ی گه‌وره‌ له‌ناومانا گه‌یشتۆته‌ لوتكه‌! دارو دره‌خت‌و بونه‌وه‌ر زیڕه‌ی دێت له‌ده‌ستی گوناه‌و تاوانی جۆراوجۆری قێزه‌وه‌نی مرۆڤی ئه‌م سه‌رده‌مه‌.

تێبینی/ ئه‌مه‌و وێڕای هاو خه‌می‌و ده‌ربڕینی سۆزمان بۆ هه‌موو ئه‌وانه‌ی به‌ هه‌ر روداوێكی دڵته‌زێن له‌ناومان تاقی ده‌كرێنه‌وه‌، هاوخه‌می كه‌س‌و كاره‌كانیشیانین‌و، دوعای خێریشمان بۆ قوربانیانه‌.