یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا موسلیم مه‌لا سالح فریزی
به‌رواری دابه‌زاندن: 03/08/2010 : 15:42:08
قه‌باره‌ی فۆنت
بوك‌و زاوا له‌ هیچ شتێك موساعه‌ده‌ ناكرێن
یه‌كه‌م جار له‌ رووی ماددیه‌وه‌: له‌كاتی كڕینی كه‌ل‌و په‌ل‌و پێداویستی جه‌هازی بوك ئیتر هه‌ركه‌سه‌و له‌ڕاسته‌وخۆیانه‌وه‌ ده‌یانڕوتێننه‌وه‌و شتێك نامینێ‌ به‌ناوی زه‌میر! هه‌ر له‌شیرناتی‌و جل‌و به‌رگ‌و زێڕو به‌كرێ هێنانی جلی بوكێنی‌و ئارایشگاو...هتد. هه‌ر هه‌موویان به‌ نێچیرێكی قه‌ڵه‌و سه‌یری كاكی زاواو بوكه‌خانێ‌ ده‌كه‌ن‌و به‌شێوازێك مامه‌ڵه‌ ده‌كه‌ن‌و (له‌ رووی ماددیه‌وه‌ ئه‌یانڕوتێننه‌وه‌) وه‌ك بڵێی: كاكی زاوا خه‌زێنه‌ی دۆزیبێته‌وه‌و نه‌یه‌وێت مالیه‌ به‌ده‌وڵه‌ت بدات هه‌ركه‌سه‌و له‌شوێن‌و جێگای خۆی بیه‌وێت حه‌قی لێ‌ بسه‌نێت‌و ئه‌م تۆڵه‌ی لێ‌ بكاته‌وه‌، كه‌ ئه‌مه‌ به‌هه‌موو مانایه‌ك پێچه‌وانه‌ی رێنومایی ئیسلامه‌تیه‌، خوای گه‌وره‌ ده‌فه‌رموێ‌: ((یارمه‌تی یه‌كتری بده‌ن له‌سه‌ر كاری خه‌یری‌و چاكه‌و پارێزكاری)، هه‌روه‌ها پێغه‌مبه‌رصلی الله علیه‌وسلم فه‌رمانی داوه‌ (كه‌ كارئاسان بین زه‌حمه‌تی نه‌بین)، (گه‌وره‌یی بۆ خوا) كه‌چی به‌هه‌موولا زاوای به‌بن قه‌رز دێخن، ئینجا جاری واشه‌ بێ‌ زه‌میریه‌كه‌ له‌ماڵی بوكه‌خانه‌و له‌ خودی بوكه‌كه‌ خۆیه‌تی‌و به‌هۆكاری كاریگه‌ری قسه‌ی ده‌وروبه‌ر ئیدی گوێ‌ به‌ ئامانجی داهاتووی نادات كه‌ ژیانی له‌گه‌ڵ ئه‌وپیاوه‌یه‌و چۆن رازی ده‌بێت به‌وه‌ی كه‌ (شه‌ریكی حه‌یاتی) له‌ناو خه‌م‌و مه‌راقی قه‌رزداری شه‌وو رۆژ بگوزه‌رێنێ‌؟

دووه‌م جار له‌ روی مه‌عنه‌وی‌و قسه‌و قسه‌ڵۆكی ده‌وروبه‌ر: ئه‌وه‌ش زۆر جار له‌ناو خزم‌و كه‌س‌و كاری بوكه‌ یا زاوا یا هه‌ردوولا ئه‌مه‌ رو ئه‌دات‌و نه‌فسیه‌ن ئه‌و دوو توێژه‌ جیایه‌و له‌سه‌ره‌تای ژیانێكی نوێ‌‌و تازه‌داو له‌ قۆناغ‌و پرۆسه‌یه‌كی ناسكدا به‌بێ‌ گوێدانه‌ عاقیبه‌ت‌و به‌جێهێشتنی كاریگه‌ری سلبی له‌سه‌ردڵی لایه‌نێكیان ئیدی ئه‌م خه‌ڵكه‌ هه‌ر قسه‌ی تێده‌وه‌شێنێ به‌ بێ بیركردنه‌وه‌ له‌وه‌ی كه‌ قسه‌ له‌سه‌ری ده‌كه‌وێ‌ هه‌م له‌دونیاو هه‌م له‌لایه‌نی دوارۆژی، زۆر جار وابووه‌ به‌شێوازێكی خه‌راب باسی زاوا كراوه‌ كه‌چی له‌گه‌ڵ بوكێ‌ كه‌ وه‌ك ده‌ڵێن: (رغما عن أنفه) ئه‌م پڕۆسه‌یان ئه‌نجامداوه‌و گوێیان نه‌داوه‌ته‌ قسه‌ی خه‌ڵكی هاوسه‌رگیریه‌كی سه‌ركه‌وتوو له‌سه‌ر بنچینه‌ی ئیمان‌و باوه‌ڕبه‌خۆبون‌و خۆشه‌ویستی دامه‌زراوه‌و ئه‌م جۆره‌ كه‌سه‌ی كه‌ قسه‌ی خێری نه‌ده‌زانی ئیتر بووه‌ به‌ دوژمنی گه‌وره‌یان، وه‌جاری واشبوه‌ شوێنه‌واری سلبی هه‌بوه‌و تا ئه‌و ئه‌ندازه‌یه‌ش گه‌یشتۆته‌ لێك جیابونه‌وه‌یان، ئیتر له‌مه‌ودوا ئه‌و جۆره‌ كه‌سه‌ی (كه‌ قسه‌ی خێر نازانێت‌و یا به‌ده‌می دانایات) ده‌بێ له‌ ناخیه‌وه‌و له‌گه‌ڵ زه‌میری خۆی (كاتێ‌ كه‌ زه‌میری خه‌به‌ری بۆوه‌) ده‌بێ‌ چۆن بێ‌‌و ئه‌ی چۆن رووبه‌ڕوی (خوا)ی گه‌وره‌ی ده‌بێته‌وه‌ كه‌ نه‌فره‌ت بۆ تێكبه‌ران له‌چه‌ندین فه‌رموده‌و فه‌رموده‌ی قودسی دا هاتووه‌؟!

ئینجا له‌ كۆتاییدا: ده‌ڵێم به‌هه‌موولا: پێویسته‌ خوا حافیزی له‌ بێزه‌میری بكه‌ین، پێویسته‌ هه‌موولا زه‌میرو ویژدانی خۆمان ئاسوده‌كه‌ین، خوا حافیزی له‌ گرانی كردنی نرخه‌كان‌و یاری پێكردنی به‌هه‌وه‌سی خۆمان‌و قۆڵبڕینی خه‌ڵكی بێنین، با گه‌نجان پرۆسه‌ی هاوسه‌رگیری پێك بێنن، له‌ خه‌رجی‌و روی ماددیه‌كه‌ی نه‌ترسێن، بابزانن كۆمه‌ڵگا له‌گه‌ڵ وان به‌شدارن (به‌ كار ئاسانی بۆ كردنیان) له‌م كاره‌ شه‌رعی‌و خه‌یریه‌، دڵسۆزو میهره‌بانن بۆیان، هه‌ركه‌سه‌و له‌ راسته‌خۆی ئه‌گه‌ر نه‌توانین یارمه‌تیشیان بده‌ین با لایه‌نی كه‌م قۆڵیان نه‌بڕدرێ‌‌و پاره‌ی زیادیان لێ‌ نه‌سێنرێ‌و بێ‌ زه‌میریان ده‌رحه‌ق نه‌كرێت، هه‌روه‌ها قسه‌ی خێریش نه‌بێت له‌ ده‌ممان ده‌رنه‌چێت، بۆ ئه‌وه‌ی زۆرینه‌ی گه‌نجه‌كانمان (له‌ هه‌ردوو ره‌گه‌ز) ئه‌م پڕۆسه‌یه‌ پێك بێنن‌و له‌به‌ری رانه‌كه‌ن‌و لێی چاوترسایی نه‌بن‌و، تیاشیدا (بێ‌ گیرو گرفت‌و) سه‌ركه‌وتوبن.