یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا موسلیم مه‌لا سالح فریزی
به‌رواری دابه‌زاندن: 25/10/2010 : 20:15:04
قه‌باره‌ی فۆنت
مزگه‌وت گرفتی ئیداری زۆره‌
مزگه‌وت (جگه‌ له‌وه‌ی كه‌ ماڵی خوایه‌): موئه‌سه‌سه‌یه‌كی ئاینی كۆمه‌ڵایه‌تی حكومی یه‌، وه‌ك هه‌ر دام‌و ده‌زگایه‌كی تر گرفتی دارایی‌و ئیداری هه‌یه‌.

سه‌باره‌ت به‌ داراییه‌كه‌ی:

(شوكر بۆخودا- دوعای خێریشمان بۆ موسڵمانان) خێرخوازان ناهێًڵن له‌هیچ شتێ په‌كی بكه‌وێت، له‌گه‌ڵ ئه‌وه‌ش كه‌ پێویسته‌ له‌سه‌ر وه‌زاره‌تی ئه‌وقاف نه‌سریه‌ی مانگانه‌ بۆ هه‌موو مزگه‌وتێك ببڕنه‌وه‌، بۆ ئه‌م مه‌به‌سته‌ش پێویسته‌ له‌ حكومه‌ت بودجه‌یه‌كی تایبه‌تی بۆ ته‌رخان بكرێت‌و په‌رله‌مانیش موافه‌قه‌ی له‌سه‌ر بكات، له‌به‌ر ئه‌وه‌ی هه‌ر له‌شتی بچوكه‌وه‌ تا شتی گه‌وره‌ مزگه‌وت به‌رده‌وام خه‌رجی پێویسته‌.. ئینجا بۆ ئه‌وه‌ی مامۆستایانی ئاینی له‌و لایه‌نه‌وه‌ ئاسووده‌بن‌و چیتر ته‌كلیف له‌م‌و ئه‌و نه‌كه‌ن پێویسته‌ به‌په‌له‌ بڕیارێكی گرنگی له‌م جۆره‌ بدرێت.
سه‌باره‌ت به‌ لایه‌نی ئیداری:

له‌به‌ر ئه‌وه‌ی مزگه‌وت شوێنێكی گشتی یه‌ ئیتر هه‌موو جۆره‌ فكره‌یه‌ك روو له‌ مزگه‌وت ده‌كات به‌ڵام ئه‌وه‌ی لێره‌دا گرنگه‌ كه‌ هه‌موو لایه‌ك ده‌ركی پێ بكه‌ین ئه‌ویش ئایه‌تی: ((ۆأَنَّ الْمَسَاجِدَ لِلَّهِ فَڵا تَدْعُوا مَعَ اللَّهِ أَحَداً)) الجن:18، مزگه‌وته‌كان ماڵی خوان‌و جێگای خواپه‌رستنه‌ (خوا په‌رستی به‌هه‌موو جۆره‌كانیه‌وه‌) بۆیه‌ نابێت هیچ شتێكی تری دونیا له‌مزگه‌وت باس بكرێت! به‌ڵكو قسه‌و باسی دونیاو هه‌رچی په‌یوه‌سته‌ به‌ حیزبایه‌تی بیبه‌نه‌ ده‌ره‌وه‌ی مزگه‌وت‌و نابێت به‌هیچ جۆرێك له‌ مزگه‌وت باسێك بكرێت كه‌ له‌ ده‌ره‌وه‌ی بازنه‌ی په‌رستشه‌كان بێت.

به‌ڵام له‌به‌ر تێكه‌ڵی‌و خه‌ڵك زۆری ره‌نگه‌ سه‌یته‌ره‌ له‌سه‌ر هه‌مووی نه‌كرێت‌و كه‌سانێك هه‌ن كه‌ سنور به‌زێنی ده‌كه‌ن‌و ره‌چاوی یاساكانی مزگه‌وت ناكه‌ن! جا لێره‌دا ئه‌وانه‌ی كه‌ له‌ هێمنی‌و ئارامی مزگه‌وت به‌رپرسیارن به‌پێی ئه‌م رێزبه‌ندییه‌ی خواره‌وه‌یه‌:
1- مامۆستایانی ئاینی:
2-
به‌ روحێكی ئیمانی‌و ته‌ساموح‌و سینگ فراوان‌و دوور له‌هه‌ڵچون‌و جیاوازی پێ نه‌كردن‌و رێز له‌بۆ گه‌وره‌ دانان‌و ره‌حم‌و سۆزو باوه‌شی میهره‌بانی بۆ مناڵ‌و توێژی گه‌نج‌و حیكمه‌ت له‌ بانگه‌وازی‌و...هتد. هه‌موو ئه‌مانه‌ی تێدا به‌رجه‌سته‌بێت.

2- وه‌زاره‌تی ئه‌وقاف‌و كاروباری ئاینی:

دانانی رێنومایی پێویست بۆ مزگه‌وت (له‌ چوارچێوه‌ی سنوری شه‌رع)‌و حیسابی تایبه‌تی بۆ مامۆستا كردن‌و جێ‌ به‌جێ‌ كردنی پێداویستیه‌كانی مزگه‌وت (به‌ پێی توانا)و...هتد.

3- خه‌ڵكی به‌گشتی‌و نوێژخوێنانیش به‌تایبه‌تی:

دوور كه‌وتنه‌وه‌ له‌غه‌یبه‌ت‌و توڕه‌بوون‌و رێزگرتنی مامۆستاو خۆشاره‌زاكردن له‌ سوننه‌ت‌و ئادابه‌كانی مزگه‌وت‌و مه‌ئمومی‌و هه‌روه‌ها پاك‌و خاوێنی‌و هێمنی‌و ئارامی ڕاگرتنی مزگه‌وت‌و به‌وپه‌ڕی ئه‌مانه‌ت مامه‌ڵه‌ له‌گه‌ڵ كه‌ل‌و په‌لی مزگه‌وت‌و دووركه‌وتنه‌وه‌ له‌ ململانێ‌و هه‌ڵچون‌و باسی دونیاو...هتد.

- خاڵێكی تریش له‌ نێوان هه‌موو ئه‌مانه‌: ده‌ست تێ‌ وه‌رنه‌دانی حیزبی له‌ناو مزگه‌وت، بۆ ئه‌مه‌ش وه‌زاره‌تی ئه‌وقاف‌و مامۆستای مزگه‌وت به‌رپرسی یه‌كه‌من، چونكه‌ ده‌پرسم: ئایا هیچ كامێك له‌و به‌ڕێزانه‌ ده‌توانن ده‌ست له‌كاروباری حیزب وه‌رده‌ن؟! بێگومان ناتوانن، كه‌وابی بۆچی حیزب ده‌ستخاته‌ كاروباری مزگه‌وت؟! كه‌ی ئه‌مه‌ ئیشی حیزبه‌؟ بۆیه‌ ده‌بێ مزگه‌وت قودسیه‌تی خۆی ڕابگیرێت‌و خه‌ڵكێك به‌هه‌وه‌سی خۆی یاری به‌ یاساو رێساكان نه‌كات‌و! هه‌موولا بزانن‌و ده‌رك به‌وه‌ بكه‌ن كه‌ مزگه‌وت ماڵی خوایه‌و بۆ هه‌موو كه‌س وه‌ك یه‌كه‌، وه‌ بۆ ئه‌وه‌ی مزگه‌وته‌كان له‌ رووی ئه‌منی‌و ئیداریی‌و یه‌كتری قه‌بوڵ كردن‌و پێكه‌وه‌ژیان رۆڵی ئیجابی خۆیان بگێڕن پێویسته‌ هه‌موولایه‌ك برایه‌تی بپارێزن‌و هیچ گیرو گرفتێك له‌گه‌ڵ یه‌كتری په‌یدانه‌كه‌ن.