یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات   
مه‌لا موسلیم مه‌لا سالح فریزی
به‌رواری دابه‌زاندن: 01/11/2011 : 09:11:56
قه‌باره‌ی فۆنت
داوایه‌ك له‌ مامۆستایانی ئایینی.!
داوا له‌ مامۆستایانی ئاینی ده‌كه‌م كه‌ داوای كۆمه‌كی بكه‌ن بۆ تازه‌ زاواكان!

پێشینانمان گوتویانه‌: (ساڵ به‌ساڵ خۆزگه‌م به‌ پار)، ئه‌مڕۆ به‌ساڵ نیه‌ به‌ڵكو ده‌توانین ئێمه‌ له‌م رۆژگاره‌دا بڵێین: (رۆژ به‌ رۆژ خۆزگه‌م به‌ دوێنێ‌)! چونكه‌ به‌داخه‌وه‌ رۆژ له‌دوای رۆژ زێرو كه‌ل‌و په‌ل‌و پێداویستی روو له‌ هه‌ڵكشانه‌ (له‌ روی نرخه‌وه‌)، وه‌ به‌رز بوونه‌وه‌یه‌كی به‌رچاو به‌خۆوه‌ی بینیوه‌ له‌چاو نرخی ئاسایی خۆی، ئینجا داواكاری زۆر‌و چاولێكه‌ریش هه‌ر مه‌پرسه‌؟ پێشینانمان وتویانه‌:

(سگی تێر ئاگای له‌ سگی برسی نی یه‌)! هه‌روه‌ها ئه‌وانه‌ی ژنیشیان هه‌یه‌ ئاگایان له‌ وه‌زعی ره‌به‌نه‌كان نیه‌! به‌تایبه‌ت له‌سه‌ر ده‌مێكی وه‌كو ئه‌مڕۆ كه‌ هه‌رچوار ده‌وریان ئاگر بارانه‌و ئافره‌تانێكی زۆر نا به‌رپرسیارانه‌ له‌یاساو رێساكانی دین‌و كلتوری گه‌له‌كه‌مان‌و (بێ گوێ دان به‌ دڵ‌و مافی به‌رامبه‌ر) لاشه‌و له‌وێری خۆیان بۆ خه‌ڵكی عه‌رز ده‌كه‌ن‌و پۆشاكی ته‌سك‌و ته‌نگ‌و ره‌نگاو ڕه‌نگ‌و سه‌رنج راكێش له‌به‌ر ده‌كه‌ن! به‌جۆرێك كه‌ ئه‌و لیباس‌و شمه‌كه‌ی شه‌وانه‌ بۆ به‌رده‌م پیاوی خۆی (یانیش واباشتره‌ بڵێم بۆ به‌رده‌می) مه‌حره‌م ناشێت‌و گونجاو نیه‌ بۆ خه‌ڵقی خوا له‌به‌ری ده‌كه‌ن!! هه‌روه‌ها راگه‌یاندنه‌كانیش (له‌ بینراوو بیستراو) ئاگر ده‌كه‌نه‌وه‌و دڵی پیاوان به‌ گشتی‌و كچ‌و كوڕیش به‌تایبه‌تی شێت ده‌كه‌ن! له‌ناو ئه‌و هه‌موو گێژاوو پشێویه‌شدا گرانبازاڕی‌و داوای بێ ژووماری ئافره‌تان له‌كاتی خوازبێنی یان.. گه‌نجانیان هه‌راسان كردووه‌و به‌ جۆرێك كه‌ له‌ ژیانی خۆیان نائومێد بووینه‌! وه‌ هیچ تروسكاییه‌كی ئه‌وتۆ له‌ ژیاندا نابینن!


بۆیه‌ له‌م هه‌لومه‌رجه‌دا پێویسته‌ مامۆستایانی ئاینی (وه‌ك پیشه‌ی هه‌میشه‌ییان) رۆڵی ئیجابی خۆیان ببینن له‌ بێداركردنه‌وه‌ی خه‌ڵكی له‌ روی قه‌ناعه‌ته‌وه‌و داوای زۆر نه‌كردن‌و هه‌بوونی قه‌ناعه‌ت به‌ برێكی كه‌م‌و ئاگاداركردنه‌وه‌یان له‌تاوانی زێده‌ڕۆیی‌و داوا نه‌كردنی شتی زۆرو هه‌ڵنه‌سه‌نگاندنی زاوا به‌ پاره‌و زێڕو زیوو ماڵی دونیا.. به‌ڵكو با پێوه‌ر ته‌قواو ده‌ست به‌ ده‌ستنوێژی بێت، وه‌فێری ئه‌وه‌بكرێن كه‌ قه‌ناعه‌ت سه‌روه‌ریه‌ بۆ مرۆڤ‌و هه‌روه‌ها چاولێكه‌ری كارێكی خراپه‌و هه‌ركه‌س به‌قه‌د به‌ڕی خۆی پێ رابكێشێت‌و داوایه‌كان له‌سه‌ر تازه‌ زاواكان كه‌م بكه‌نه‌وه‌، هه‌روه‌ها ئاگاداركردنه‌وه‌ی ده‌وڵه‌مه‌ندو خواپێدراوان بۆ ده‌ستباری گرتنی گه‌نجان‌و كارئاسانی بۆ كردنیان‌و یارمه‌تی دانیان له‌كاتی چونه‌ ناو ئه‌م پڕۆسه‌یه‌و پێك هێنانی ژیانی هاوسه‌ری‌و به‌جێ‌ گه‌یاندنی ئه‌م سوننه‌ته‌ پیرۆزه‌ (كه‌ بۆ ئه‌مڕۆ بووه‌ته‌ فه‌رزو واجب) بۆ خاوێن راگرتن‌و پاراستنی كۆمه‌ڵگه‌.