یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات    *****    *****   لقی گەرمیانی یەکێتی زانایان سەردانی مەڵبەندی گەرمیانی یەکێتی نیشتمانی کوردستان دەکات    *****    *****   بە ئامادەبوونی سەرۆکی یەکێتی زانایان مزگەوتی (حاجی مەکیە) لە جیهان سیتی کرایەوە    *****    *****   لقی زاخۆی یەکێتی زانایان و بەرێوەبەرایەتی ئەوقافی زاخۆ لەگەڵ زانایانی دەڤەری باتیف کۆدەبنەوە   
مه‌لا ئاراس رواندوزی
به‌رواری دابه‌زاندن: 29/03/2012 : 11:25:41
قه‌باره‌ی فۆنت
خۆشی نیسان نه‌ك درۆی نیسان
وه‌كو نه‌ریتێكی نه‌شیاوی ساڵانه‌ ، خه‌ڵك ڕاهاتوون له‌ ده‌سپێكی مانگی نیساندا ، به‌ ئه‌نقه‌ست و به‌ بیانووی گاڵته‌كردنه‌وه‌ درۆ بكه‌ن ، له‌وه‌ش سه‌یرتر ، پێش ئه‌مه‌ به‌ بیركردنه‌وه‌ی قووڵ و وورده‌وه‌ ، شێوه‌ و جۆر و ڕه‌نگی درۆكان داده‌ڕێژن بۆ ئه‌وه‌ی به‌ لای خه‌ڵكانه‌وه‌ سه‌رنجڕاكێش بن و بتوانن زیره‌كانه‌تر و سه‌ركه‌وتووانه‌تر بیانكه‌نه‌ نێچیری چه‌وری ئه‌و ئاره‌زووه‌ قێزه‌ونه‌یان !!! ، به‌ ته‌رزێك هه‌ندێك له‌ درۆكان بۆ خۆشی و ئاسووده‌ییه‌ ، هه‌ندێكیشان شوێنه‌واری ئه‌وپه‌ڕی ناخۆشی جێدێڵن ، به‌ڵام درۆكان هه‌ر كامێكیان بن ، داب و بیدعه‌یه‌كی ناشیرینن و سه‌لیقه‌ ته‌ندروسته‌كان و ئایینه‌ ئاسمانییه‌كان ڕه‌تیده‌كه‌نه‌وه‌ .

هه‌ڵوێستێكی پێكه‌نیناوییه‌ كاتێك ده‌بینین ئه‌و نه‌ریته‌ ناشیرینه‌ی درۆكردن له‌ یه‌كی نیساندا ، پشتنابه‌ستێت به‌ هیچ هۆكارێكی لۆژیكی یان ڕیشه‌یه‌كی مێژوویی !!! ، به‌ڵكه‌ ته‌نها له‌ سه‌ر یه‌كێك له‌ نه‌شیاوترین حه‌ز و ئاره‌زووه‌كانی مرۆڤ ده‌وه‌ستێت ، كه‌واته‌ درۆی نیسان هیچ به‌ڵگه‌یه‌ك بۆ ڕه‌واییه‌تی به‌رده‌وامیدان به‌و نه‌ریته‌ قێزه‌ونه‌ به‌ ده‌سته‌وه‌ نادات و ، پێویستی به‌خۆداچوونه‌وه‌ و بێداربوونه‌وه‌ له‌و بێئاگاییه‌ قووڵه‌ ده‌كاته‌ ئه‌وله‌وییه‌تێكی حه‌تمی له‌ گۆڕینی ڕه‌فتار و هه‌ڵسوكه‌وته‌كاندا .

جێی داخه‌ كه‌ مانگی نیسان كراوه‌ته‌ هێمایه‌ك بۆ ئه‌و ڕیسوایه‌تییه‌ كه‌ درۆكردنه‌ ، له‌ كاتێكدا مانگی نیسان له‌ بنچینه‌دا هێمای ڕازانه‌وه‌ی سروشته‌ به‌ جوانییه‌كانی وه‌كو گوڵ و نێرگز و گژوگیا و هتد ... و ، له‌و مانگه‌دا ڕه‌نگی هه‌مه‌ڕه‌نگی به‌هار له‌ هه‌موو شتێكدا ڕه‌نگده‌داته‌وه‌ و ، باڵنده‌ خۆشخوێنه‌كانیش له‌ بێده‌نگی ده‌رده‌چن و به‌ چریكه‌ی خۆش گۆرانی بۆ پیرۆزیی و پاكیزه‌یی ژیان ده‌ڵێنه‌وه‌ ، له‌ مانگی نیساندا دیمه‌نه‌كان گه‌واهیده‌ری ڕاده‌ی گرنگی هاتنی ئه‌و مانگه‌ن كاتێك له‌و وه‌رزه‌دا هه‌موو شتێك ده‌ژیێته‌وه‌ ، هه‌موو هیوایێك ده‌گه‌شێته‌وه‌ ، هه‌موو خه‌ونێك ده‌بوژێته‌وه‌ ، لێ چ ده‌كه‌ی كاتێك ده‌بینی ئه‌وه‌یه‌ حوكمی مرۆڤ كه‌ زاڵمانه‌ و بێباكانه‌ ئه‌و هێما و به‌ها به‌رزه‌ی مانگی نیسان هه‌یه‌تی هه‌ڕاجی ده‌كات و ، ئه‌و جوانییه‌ ڕه‌نگینانه‌ به‌ درۆكردن ناشیرین ده‌كات !!!، ئایا به‌ ڕاست كاتی ئه‌وه‌ نییه‌ مرۆڤ به‌و حوكمه‌ زاڵمانه‌ی خۆیدا بچێته‌وه‌ كه‌ دژ به‌ مانگی نیسان ده‌ریكردووه‌ كه‌ هه‌موو به‌ڵگه‌ سه‌لمێنه‌ره‌كانی له‌ سه‌ر جوانی سروشت و خۆشه‌ویستی بۆ ژیان پێشكه‌شكردووه‌ ؟ ، ئایا كاتی ئه‌وه‌ نییه‌ بیدعه‌ی درۆی مانگی نیسان ڕه‌ت بكه‌ینه‌وه‌ و ئه‌و مانگه‌ له‌و تۆمه‌ته‌ بێبنه‌مایه‌ پاك بكه‌ینه‌وه‌ كه‌ هه‌موومان ده‌زانین لێی به‌رییه‌ ، بۆیه‌ با ژیرانه‌ و دادپه‌روه‌رانه‌ بڕیار بده‌ین و ده‌سته‌واژه‌ی درۆی نیسان بگۆڕین بۆ خۆشی نیسان .