یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین    *****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات   
 هەواڵ 

یادی (٤٦) ساڵەی دامەزراندنی یەکێتی زانایان
به‌رواری دابه‌زاندن: 20/09/2016 : 13:33:33
قه‌باره‌ی فۆنت

یادی (٤٦) ساڵەی دامەزراندنی یەکێتی زانایان


بەناوی خوای بەخشندەی میهرەبان


(وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا)


چل و شەش ساڵ بەر لە ئێستا لە (٢١/٩/١٩٧٠) لە شارۆچگەی گەڵاڵەی باڵەکایەتی یەکێتی زانایانی ئایینی ئیسلامی کوردستان دامەزرا، دامەزراندنی یەكێتی زانایان لەگەڵ یەکەم هەناسەی ئازادی و دوور لە ژێردەستەیی دوژمنانی کورد، پەیامێك بوو بۆ بە دامەزراوەییکردنی دامو دەزگاکانی وڵات و، رێکخستنی کاروباری سەرجەم چین و توێژەکانی کوردستان، هەروەك پیشاندەری رۆڵ و کاریگەری پێگەی مەلاو زانایانی ئایینی کوردستان بوو لە پرسە ئایینی و نیشتیمانی و نەتەوەییەکاندا.


بەم بۆنەوە پیرۆزبایی لە سەرجەم ئەندام و لایەنگران و دۆستانمان دەکەین، بەو هیوایەی ئەو ئومێدانەی بناغەی ئەم خەباتە مەزنەیان دانا لە گەشانەوەو نوێبوونەوەی بەردەوام دابن تا گەیشتن بە چلەپۆپەی هیواو ئاواتەکانی ئەم گەلە ستەملێکراوە.


بەڕێزان: لە ساڵیادی دامەزراندنی یەكتییەکەماندا جارێکی تر سووربوونی خۆمان رادەگەیەنین له‌ بەردەوامبوون بۆ گەیشتن بەو ئامانجە پیشەیی و ئایینی و نیشتیمانی و نەتەوەییانەی رێکخراوەکەی بۆ دامەزراوە، بەتایبەتی لە رۆژگاری پڕ لە ئازاری ئەمڕۆدا، کە وڵاتەکەمان روو بەرووی شالآوێکی تیرۆریستی بۆتەوەو، خوێنی سەدان رۆڵەی ئەم وڵاتەی بە ناهەق رشت و چوونە کاروانی شەهیدانەوە، لە هەمان کاتدا لە ناوەخۆ گەلەکەمان بەدەست گێژەڵووکەی قەیرانی دارایی و ململانێ سیاسییەکان دەناڵێنێت، کە ئازارەکانی کەمتر نین لە ئازاری شەڕی تیرۆریستان.


بۆیە لێرەوە داوادەکەین ئاوڕێکی جددی بدەنەوە لە باشکردنی ژیانی خەڵك و تێپەڕاندنی نه‌هامه‌تییه‌کانی ئەو گەلە تێکۆشەرو ئارامگرە، چونکە ئازارەکان هەموو سنوورێکی بەزاندووەو، سەدان گرفت و کێشەی کۆمەڵایەتی ناوەتەوە، بەتایبەتی مامۆستایانی ئایینی وەك سەرجەم فەرمانبەرانی حکومەت لە رەوشێکی خراپ دان، چونکە وێڕای کەمی مووچەیان دەرفەتی هیچ کارکردنێکیان نییە.


هەروەك پێویستە تێکڕای لایەنە سیاسییەکان بچنە ژێر باری مەسئولیه‌تی مێژووییان و واز لە بەرژەوەندییە حزبی و شەخسییەکانیان بێنن کە هەر رۆژەو ناخۆشییەکی تازەی دەروونی دەخەنە ناو خەڵك و، هەر یەکەو بە ئاوازی بەرژەوەندی حزبی خۆی رۆحی رق و ململانێ بڵاودەکاتەوە، بۆیە باشترین وەفاداری ئەوەیە هەر یەکەو واز لە بەرژەوەندی تەسکی بهێنێت و لە خزمەتی گشتی دابێت.


دووبارە ئەم یادە لە هەموو لایەك پیرۆز دەکەین و، بە هیوای ئاییندەیەکی سەرفرازو پڕ لە ئاشتی و برایەتی.


یەکێتی زانایانی ئایینی ئیسلامی کوردستان


20/9/2016