یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   به‌چاودێری سه‌رۆكی یه‌كێتی زانایان لقی هه‌ڵه‌بجه‌ی یه‌كێتی زانایان به‌فه‌رمی كرایه‌وه‌    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   لێژنه‌ی باڵای فه‌توا: حوكمی شه‌رعی بانگی رۆژی هه‌ینی پێش زه‌وال روون ده‌كاته‌وه‌    *****    *****   یه‌كێتی زانایان پرسه‌نامه‌یه‌ك ئاراسته‌ی شێخ عه‌بدولباسیت بالیسانی ده‌كات    *****    *****   كۆلێژی زانسته‌ ئیسلامیه‌كان سیمینارێك بۆ سه‌رۆكی یه‌كێتی زانایان ساز ده‌كات    *****    *****   هه‌ولێر؛ سه‌رۆكى يه‌كێتى زانايان پێشوازى له‌ شاندێكى باڵاى يه‌كێتى مامۆستايان ده‌كات    *****    *****   سه‌رۆكی لێژنه‌ی باڵای فه‌توا: ده‌مانه‌وێ‌ فه‌توا زیاتر رێكخه‌ین له‌ كوردستان    *****    *****   رادیۆی ده‌نگی زانایان وه‌رزی نوێی ده‌ست پێ‌ ده‌كات    *****    *****   لقى هه‌ڵه‌بجه‌ى يه‌كێتى زانايان؛ يه‌كه‌م كۆبوونه‌وه‌ى مانگانه‌ى خۆى ئه‌نجامدا    *****    *****   سلێمانی: یه‌كێتی زانایان به‌ژداری وۆرك شۆپێكی تایبه‌ت به‌ ماده‌ی هۆشبه‌ر ده‌كات    *****    *****   به‌رێوه‌به‌ری ئه‌وقافی ده‌وروبه‌ر سه‌ردانی یه‌كێتی زانایان ده‌كات    *****    *****   یه‌كێتی زانایان به‌ فه‌رمی داوای راگرتنی سایته‌ ئیباحیه‌كان ده‌كات   
سلێمانی: یه‌كێتی زانایان به‌ژداری وۆرك شۆپێكی تایبه‌ت به‌ ماده‌ی هۆشبه‌ر ده‌كات
به‌رواری دابه‌زاندن: 27/01/2019 : 16:45:02
قه‌باره‌ی فۆنت

ئه‌مرۆ یه‌كشه‌ممه‌ 27/1/2019 وۆرك شۆپێكی تایبه‌ت به‌ به‌ره‌نگاربوونه‌وه‌ی ماده‌ هۆشبه‌ره‌كان له‌ هۆڵی ئوتێل مه‌موزین له‌ شاری سلێمانی به‌ به‌ژداری ژماره‌یه‌كی به‌رچاو له‌ زانایانی ئایینی‌و كه‌سایه‌تی ئیداری‌و رۆشنبیری به‌رێوه‌چوو.


وۆرك شۆپه‌كه‌ له‌لایه‌ن رێكخراوی (lnp) بۆ زانایانی ئایینی شاری سلێمانی رێكخرا بوو، كه‌ تایبه‌ت بوو به‌ چۆنیه‌تی به‌ره‌نگاربوونه‌وه‌ی ماده‌ هۆشبه‌ره‌كان و دانانی نه‌خشه‌ رێگه‌ی پێویست به‌ هه‌ماهه‌نگی زانایانی ئایینی‌و هۆشیاركردنه‌وه‌ی كۆمه‌ڵگه‌ له‌مه‌ڕ مه‌ترسیه‌كانی ئه‌و دیارده‌یه‌.


مامۆستا مه‌لا عه‌تا پێنجوێنی به‌ نوێنه‌رایه‌تی لقی سلێمانی یه‌كێتی زانایان‌و به‌رێوه‌به‌رایه‌تی ئه‌وقافی پارێزگای سلێمانی وتارێكی پێشكه‌ش كردو تێیدا تیشكی خسته‌ سه‌ر گرنگی پرسه‌كه‌‌و مه‌ترسیه‌كانی‌و به‌ پێویستی زانی ده‌زگا مه‌عنیه‌كان رۆڵی زیاتر ببینن له‌ هۆشیاركردنه‌وه‌ی كۆمه‌ڵگه‌ له‌هه‌مبه‌ر ئه‌و دیارده‌‌و گرتنه‌به‌ری رێكاری یاسایی‌و په‌یوه‌ست له‌م باره‌وه‌.


له‌به‌شێكی تری وتاره‌كه‌ی پێنجوێنی گوتیشی: زانایانی ئایینی له‌ كوردستان رۆڵی دیارو به‌رچاویان هه‌بووه‌ له‌ مه‌ڕ هۆشیاركردنه‌وه‌ی گه‌نج‌و لاوان له‌ مه‌ترسیه‌كانی ماده‌ی هۆشبه‌رو به‌رده‌وامیش ئاراسته‌ی وتارو ئامۆژگاریه‌كانیان خستۆته‌ سه‌ر ئه‌و پرس‌و بابه‌تانه‌ی كه‌ زیان‌و مه‌ترسیان لێ‌ ده‌كه‌وێته‌وه‌، له‌گه‌ڵ ئه‌وه‌ش داوایان له‌ لایه‌نی په‌یوه‌ندیدار كردووه‌، كه‌ هه‌وڵی بنه‌بڕكردن‌و نه‌هێشتنی ئه‌و دیارده‌یه‌ بده‌ن له‌ناو كۆمه‌ڵگه‌دا.


هه‌روه‌ها ئاماژه‌ی به‌وه‌ش كرد: كه‌ ده‌زگاكانی راگه‌یاندن كه‌مته‌رخه‌م بوونه‌ له‌ گواستنه‌وه‌و گه‌یاندنی په‌یامی زانایانی ئایینی له‌مه‌ڕ پرس‌و پێشهاته‌كان به‌تایبه‌ت له‌ پرسێكی وادا، كه‌ كۆمه‌ڵگه‌ پێویستی به‌ رێنمایی‌و ئامۆژگاری زانایانی ئایینیه‌ بۆ هۆشیاری‌و به‌ره‌نگاربوونه‌وه‌ی ئه‌و دیارده‌یه‌.