یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   بەیاننامەی یەکێتی زانایان بە بۆنەی 49 ساڵەی دامەزراندنیەوە    *****    *****   هه‌ولێر: به‌ ئاماده‌بوونی سه‌رۆكی یه‌كێتی زانایان مه‌راسیمی خه‌ڵاتكردنی یه‌كه‌مه‌كانی دووه‌مین پێشبڕكێی قورئانی پیرۆز به‌رێوه‌ ده‌چێت    *****    *****   قونسوڵی گشتی فه‌ره‌نسا سه‌ردانی مه‌كته‌بی ته‌نفیزی یه‌كێتی زانایان ده‌كات    *****    *****   ناونیشانی ووتاری ئەم هەفتەیە    *****    *****   شاندێکی لقی گەرمیانی یەکێتی زانایان سەردانی وەزیری ئەوقاف دەکات    *****    *****   لقی سۆرانی یەکێتی زانایان مەراسیمێکی رێزلێنان ساز دەکات    *****    *****   لقی شەقڵاوەی یەکێتی زانایان پێشوازی لە بەرپرسی لقی 24ی سەفین دەکات    *****    *****   لقی دهۆکی یەکێتی زانایان پێشوازی لە نوێنەری سەرۆکی هەرێم دەکات    *****    *****   لقی رانیەی یەکێتی زانایان بەژداری مەراسیمێک دەکات    *****    *****   لقی شێخانی یەکێتی زانایان بەژداری مەراسیمی دەرچووانی خولی قورئانی پیرۆز دەکات    *****    *****   لقی هەولێری یەکێتی زانایان کۆ دەبێتەوە    *****    *****   لقی هەڵەبجەی یەکێتی زانایان سەردانی مەڵبەندی پێنجی یەکگرتووی ئیسلامی دەکات   
یه‌كێتی زانایان له‌سه‌ر كه‌ناڵی (نێت تیڤی)‌و به‌شێكی تری كه‌ناڵه‌ ئاسمانیه‌كان هه‌ڵوێست وه‌رده‌گرێت
به‌رواری دابه‌زاندن: 06/04/2019 : 19:56:56
قه‌باره‌ی فۆنت

له‌ماوه‌ی رابروو به‌شێك له‌ ده‌زگاو كه‌ناڵه‌كانی راگه‌یاندن كۆمه‌ڵێك بابه‌ت‌و فلم‌و به‌رنامه‌یان په‌خش‌و نمایش كرد، دوایه‌مین ئه‌و پارچه‌ فلمه‌ رووت‌و نه‌شیاوه‌ی كه‌ناڵی نێت تیڤی، كه‌ به‌داخه‌وه‌ له‌گه‌ڵ به‌هاو قیه‌می كۆمه‌ڵگه‌‌و داب‌و نه‌ریتی ره‌سه‌نی كورده‌واری نه‌ده‌گونجا‌و پێچه‌وانه‌ی رێسا‌و بنه‌ما ئایینی‌و ئه‌خلاقیه‌كان بوو.


له‌ كۆبوونه‌وه‌ی 3ی4ی2019ی سه‌ركردایه‌تی یه‌كێتی زانایان، هه‌ڵوه‌سته‌ی جددی له‌سه‌ر ئه‌و پرسه‌ كردو به‌رنامه‌ی گرتنه‌به‌ری رێكاری گونجاوی له‌پێناو پاراستنی چوارچێوه‌ ئایینی‌و ئه‌خلاقیه‌كانی گه‌لی كوردی به‌پێویست زانی.


یه‌كێتی زانایان وێڕای نیگه‌رانی له‌و دۆخه‌‌و ده‌ربڕینی ناڕه‌زایی، هه‌وڵی جدی داوه‌ بۆ دووباره‌ نه‌بوونه‌وه‌ی ئه‌و جۆره‌ حاڵه‌ته‌ نه‌خوازراوانه‌، به‌تایبه‌ت له‌ رێی داواكاری گشتی‌و وه‌زاره‌تی ئه‌وقاف‌و كاروباری ئایینی‌و وه‌زراه‌تی رۆشنبیری له‌ گفتوگۆوی په‌یوه‌ست‌و پێویست دابوونه‌، بۆ ئه‌وه‌ی رێگری ته‌واو ئه‌و جۆره‌ حاڵه‌تانه‌ بگیرێ‌‌و رێگه‌ نه‌درێت هیچ كه‌ناڵێك شتی له‌م جۆره‌ بڵاو بكاته‌وه‌، كه‌ له‌گه‌ڵ به‌های ئایینی‌و ئه‌خلاقی گه‌له‌كه‌مان نه‌گونجێت، بۆ ئه‌و مه‌به‌سته‌ش هه‌وڵه‌كان به‌رده‌وامن.


یه‌كێتی زانایان چاوه‌ڕوانی ئه‌وه‌ی له‌ كه‌ناڵه‌ ئاسمانی‌و لۆكاڵیه‌كان هه‌یه‌، كه‌ به‌ به‌رنامه‌‌و ئاراسته‌یه‌كی دروست‌و ره‌سه‌ن خزمه‌تی كۆمه‌ڵگه‌ بكه‌ن‌و هه‌وڵی رۆشنبیركردنی تاكی كوردو به‌رزكردنه‌وه‌ی هه‌ستی نه‌ته‌وه‌یی‌و نیشتمانی بده‌ن‌و خزمه‌ت به‌ به‌رژه‌وه‌ندی گشتی‌و پێشكه‌وتن‌و به‌ره‌و پێشبردنی ره‌وشی په‌روه‌رده‌‌و زانست‌و رۆشنبیری بكه‌ن، نه‌ك به‌ ئاراسته‌ی خراپ‌و هه‌وڵی ناشایسته‌‌و به‌م شێوه‌ هه‌نگاو بنێن.


ئه‌و جۆره‌ ئاراسته‌‌و هه‌نگاوانه‌ی به‌شێكی كه‌ناڵه‌كانی راگه‌یاندن له‌ بڵاوكردنه‌وه‌ی به‌رنامه‌ی ناپێویست‌و گوماناوی‌و به‌دره‌وشتی‌و نه‌شیاوو نادروست، كه‌ كۆمه‌ڵگه‌ به‌ره‌و هه‌ڵدێرو ترازان‌و پێشهاتی نه‌خوازراو ده‌به‌ن‌و، له‌هه‌مان كات كاردانه‌وه‌ی خراپی لێ‌ ده‌كه‌وێته‌وه‌، ئاراسته‌یه‌كی نادروسته‌‌و پێچه‌وانه‌ی عورف‌و یاسا‌و شه‌ریعه‌تیشه‌.


یه‌كێتی زانایان خوازیاره‌ دووچاری هه‌ڵوێست‌و كاردانه‌وه‌ی پتر نه‌بێت‌و ئه‌و جۆره‌ كه‌ناڵانه‌ هۆشیارانه‌‌و به‌رپرسانه‌‌و پیشه‌ییانه‌ مامه‌ڵه‌ بكه‌ن‌و به‌هاو چوارچێوه‌ ئه‌خلاقی‌و كۆمه‌ڵایه‌تیه‌كان له‌به‌ر چاوو بگرن‌و شتێك نه‌كه‌ن سومعه‌‌و سه‌نگی گه‌له‌كه‌مان لكه‌دار بێت.