یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی گەرمیانی یەکێتی زانایان رێکاری پێویست سەبارەت بە سوکایەتی کردن بەرامبەر ئیسلام دەگرێتە بەر    *****    *****   لەسەر پرسی (سوکایەتی و تەشهیر) یەکێتی زانایان نوسراوێک ئاراستە وەزارەتی رۆشنبیری و لاوان دەکات    *****    *****   یەکێتی زانایان: سوکایەتی بە ئایین و موقەدەسات قابیلی قبوڵ نیە    *****    *****   مامۆستا مەلا عەلی شێخ وەتمانی کۆچی دوایی کردو یەکێتی زانایانیش پرسەنامەیەک ئاراستەی خانەوادەکەی دەکات    *****    *****   هەولێر: لەژێر دروشمی (خوێندنەوەیەکی بابەتیانە بۆ مام هەژارو تەفسیرە نایابەی) سیمینارێک ساز کرا    *****    *****   شاندێکی باڵای هاوپەیمانی نیشتمانی سەردانی یەکێتی زانایان دەکات    *****    *****   لقی هەڵەبجەی یەکێتی زانایان سیمینارێکی تایبەت بە سالاسیمیا ساز دەکات    *****    *****   شاندێکی باڵای یەکێتی زانایان سەردانی ئەمینداری گشتی یەکگرتووی ئیسلامی دەکات    *****    *****   ستافێکی لقی سۆرانی یەکێتی زانایان بەژداری سالیادی دامەزراندنی ھەردوو یەکێتی قوتابیان و یەکێتی لاوان دەکات    *****    *****   شاندێکی لقی هەڵەبجەی یەکێتی زانایان خانەقای بیارەی شەریف بەسەر دەکاتەوە    *****    *****   یه‌كێتی زانایان توێژینه‌وه‌یه‌ به‌ناونیشانی (دیاریکردنی چەمکەکان و رۆڵی له‌ نوێسازی گوتاری ئایینی) بڵاوده‌كاته‌وه‌    *****    *****   شاندێكی لقی هەولێری یەكێتی زانایان بەشداری لە مەراسیمێکی رێزلێنان لە كۆلێژی زانستە ئیسلامیەكان دەکات   
هه‌ولێر: سه‌رۆكی یه‌كێـتی زانایان به‌ژداری كۆنفرانسێكی پێكه‌وه‌ژیان ده‌كات
به‌رواری دابه‌زاندن: 10/04/2019 : 14:37:19
قه‌باره‌ی فۆنت

ئه‌مرۆ چوارشه‌ممه‌ 10ی4ی2019 به‌رێز د. عه‌بدوڵڵا مه‌لا سه‌عید سه‌رۆكی یه‌كێتی زانایانی ئایینی ئیسلامی كوردستان به‌ژداری كۆنفرانسی (پێكه‌وه‌ژیان له‌ پێناو ژیانێكی باشتر) له‌ هوتێل شیراتۆن له‌ شاری هه‌ولێر كرد كرد.


كۆنفرانسه‌كه‌ له‌ لایه‌ن كۆمه‌ڵه‌ی (East) بۆ گفتوگۆی شارستانیه‌كان رێكخرابوو، كه‌ خۆی له‌ دوو پانێڵی تایبه‌ت ساز كرابوو به‌ناونیشانی (پێكه‌وه‌ژیان له‌ پێناو ژیانێكی باشتر)‌و (چۆنیه‌تی به‌ره‌و پێش چوونی ئابوونی له‌ ناوچه‌كه‌) به‌ ئامانجی گه‌یاندنی په‌یامێكی هۆشیاری پتر له‌ پێناو كلتوری پێكه‌وه‌ژیان له‌ كوردستان.


له‌و كۆنفرانسه‌‌و له‌ پانێڵی یه‌كه‌م د. عه‌بدوڵڵا مه‌لا سه‌عید سه‌رۆكی یه‌كێتی زانایان وته‌یه‌كی پێشكه‌ش كردو تێیدا تیشكی خسته‌ سه‌ر گرنگی پرسی پێكه‌وه‌ژیان له‌ روانگه‌ی ئایینی پیرۆزی ئیسلام‌و هه‌ڵوه‌سته‌ی كرد له‌سه‌ر به‌شێكی نمونه‌ جوان‌و پێشه‌نگه‌كانی مێژووی موسڵمانان له‌و باره‌یه‌وه‌.


له‌ به‌شێكی تری وته‌كانی سه‌رۆكی یه‌كێتی زانایان باسی له‌ پێكه‌وه‌ژیانی ئایینی‌و ئاشتیانه‌ی پێكهاته‌كان له‌ كوردستان كردو به‌ پێویستی زانی هه‌موو لایه‌ك هاوكار بێت بۆ پاراستن‌و راگرتنی ئه‌و نمونه‌ جوانه‌ی پێكه‌وه‌ژیان له‌ هه‌رێمی كوردستان، هه‌روه‌ك باسی له‌وه‌ش كرد كه‌ خۆشبه‌ختانه‌ له‌ كوردستان نمونه‌یه‌كی جوانی پێكه‌وه‌ژیان بوونی هه‌یه‌‌و به‌ به‌راورد له‌گه‌ڵ زۆرێك له‌ وڵاتان كوردستان ئه‌و تابلۆ جوانه‌ی به‌ هاوسه‌نگی‌و رێكیه‌وه‌ راگرتوووه‌.


هه‌روه‌ها گوتیشی: ئه‌مرۆ زیاتر له‌ هه‌موو كات پێویستمان به‌وه‌یه‌، كه‌ یایه‌خ به‌و پرسه‌ بده‌ین‌و پێداگیری بكه‌ین له‌وه‌ی دوژمنان درز نه‌خه‌نه‌ نێوان پێكهاته‌كان‌و له‌و رێیه‌وه‌ هه‌وڵی پشێوی نانه‌وه‌ بده‌ن له‌ هه‌رێمه‌كه‌مان، به‌ڵكو ئه‌ركێكی گرنگ‌و سه‌ره‌كی هه‌موو پێكهاته‌كانه‌ هه‌وڵی باشتر كردن‌و پاراستنی ئه‌و پێكه‌وه‌ژیانه‌ له‌ پێناو دۆخێكی باشتر بده‌ن.


شیاوی باسه‌ له‌و كۆنفرانسه‌ نوێنه‌ری سه‌رجه‌م پێكهاته‌كان‌و كه‌سایه‌تی ئه‌كادیمی‌و سیاسی‌و رۆشنبیری‌و فكری تێیدا به‌ژدار بوون.