یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی شێخانی یەکێتی زانایان سەردانی ئەنجومەنی پارێزگای دهوک دەکات    *****    *****   خێرخوازێک بەرهەمی تەماتەی جووتیاران دەکڕێت و بەسەر کەمپەکان و خەڵکی هەژار دابەشی دەکات    *****    *****   سۆران: گه‌نجێكى نابینا لە‌ ماوه‌ى ٦ ساڵ تەواوی قورئانی پیرۆز و ٢٥٠ فەرموودە لەبەر دەکات ‎    *****    *****   قایمقامی قەزای شێخان سەردانی لقس شێخانی یەکێتی زانایان دەکات    *****    *****   مامۆستا مەلا محمود فقێ محمد شەمێرانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی شێخ محمد شێخ عبدالکریم کەسنەزانی یەکێتی زانایان پرسەنامەیەک رادەگەیەنێت    *****    *****   مامۆستا مەلا سلێمان پیرۆمەری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا: سوتاندنی گیانداران بە زیندوویی بە هیچ شێوەیەک دروست نیە    *****    *****   مامۆستا مەلا شێخ حوسێن بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حەسەن باوەمردەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی کوڕی یەکێتی زانایان پرسەنامەیەک ئاراستەی مەلا محمدأمین چەمچەماڵی دەکات    *****    *****   ئەنجومەنی باڵای فەتوا: حوكمی مووچه‌ی بن دیوارو دوو موچه و خانەنشینی نایاسایی روون دەکاتەوە‌   
یەکێتی زانایان داوای گواستنەوەی قوتابخانە ئیسلامیەکان لە وەزارەتی پەروەردە بۆ سەر وەزارەتی ئەوقاف دەکات
به‌رواری دابه‌زاندن: 08/10/2019 : 00:14:57
قه‌باره‌ی فۆنت

رۆژی 6ی10ی2019 لە نوسراوێکی فەرمیدا کە ئاراستەی سەرۆکایەتی ئەنجومەنی وەزیران کراوە، یەکێتی زانایانی ئایینی ئیسلامی کوردستان داوای گواستنەوەی قوتابخانە ئیسلامیەکان دەکات لە وەزارەتی پەروەردەوە بۆ سەر میلاکی وەزارەتی ئەوقاف و کاروباری ئایینی.


لە نوسراوەکەدا ئاماژە بە ژمارەو بەرواری نوسراوی فەرمی سەرۆکایەتی ئەنجومەنی وەزیران کراوە، کە تێیدا بڕیار دراوە قوتابخانە ئیسلامیەکان لە وەزارەتی ئەوقافەوە بگواسترێنەوە سەر وەزارەتی پەروەردە، کە بە هۆی زروف و دۆخێکی تایبەت بووە.


هەر لە نوسراوەکە ئەوە روون کراوەتەوەو هاتووە: دوای گواستنەوەی قوتابخانەکان لە وەزراەتی ئەوقاف بۆ سەر وەزراەتی پەروەردە، رێڕەوێکی تریان وەرگرت و قوتابیانی ئایینی لە ژێر کۆنترۆڵی وەزارەتی ئەوقاف دەرچوون و هیچ پەیوەندی و وابەستەیی وەزارەتی ئەوقاف بە خوێندنی ئیسلامی و قوتابیانی ئەو بوارە نەماو کەوتە دەرەوەی بازنەی ناوەندەکانی دروستکردن و پێگەیاندنی مەلا و وتاربێژ لەلایەک و پاشەکشەی خوێندنی ئیسلامی لە لایەکی ترەوە.


لە نوسراوەکەدا ئەوەش هاتووە: بە پێی هەڵسەنگاندن و بەدواداچوون و راوێژی پسپۆڕانی ئەو بوارە، لەپێناو باشتر کردنی دۆخی خوێندنی ئیسلامی لە کوردستان و پاراستنی تایبەتمەندی قوتابخانە ئیسلامیەکان، داوا دەکەین بە گەڕاندنەوەی سەرجەم قوتابخانە ئایینیەکان لە وەزارەتی پەروەردە بۆ سەر وەزارەتی ئەوقاف و کاروباری ئایینی.


بۆ بەرچاو ررونی لایەنی یاسایی ئەو هەنگاوە یەکێتی زانایان ئەوەشی خستۆتە روو، کە بە پێی یاسای ژمارە 11ی ساڵی 2007 دەستەڵاتی سەرپەرشتی کردنی قوتابخانەکانی ئایینی و خوێندنی ئیسلامی داوەتە وەزارەتی ئەوقاف.


شایەنی گوتنە ماوەیەکە زۆر بە جددی یەکێتی زانایان بەپێی دیراسەو لەبەرچاوگرتنی دۆخی خوێندنی ئیسلامی و گێڕانەوەی پێگەی خوێندنی ئیسلامی و پەرۆشی بۆ ئەو بوارە کار لەسەر ئەم دۆسیەیە دەکات.