یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   زانای ناوداری کورد مامۆستا مەلا عبدالله هەرتەلی کۆچی دوایی کردو یەکێتی زانایان پرسەنامەیەک ئاراستە دەکات    *****    *****   مامۆستا مەلا ئەحمەد مەلەکی کۆچی دوایی کردو یەکێتی زانایان پرسەنامەک ئاراستە دەکات    *****    *****   یەکێتی زانایان پرسەنامەک ئاراستەی مامۆستا مەلا جوهر حەدێ دەکات    *****    *****   یەکێتی زانایان پرسەنامەک ئاراستەی مامۆستا مەلا عماد برادۆستی دەکات    *****    *****   یەکێتی زانایان بە بۆنەی ساڵیادی ئیسراو میعراج پەیامێک بڵاو دەکاتەوە    *****    *****   یەکێتی زانایان پرسەنامەک ئاراستەی مامۆستا مەلا عومەر بیلالی دەکات    *****    *****   ئەنجومەنی باڵای فەتوا حوکمی پێش خستنی زەکات روون دەکاتەوە    *****    *****   یەکێتی زانایان رێنمایی هاوڵاتیان دەکات    *****    *****   یەکێتی زانایان پرسەنامەک ئاراستەی مامۆستا مەلا عبدالواحد بالەکی دەکات    *****    *****   یەکێتی زانایان پرسەنامەیەک ئاراستەی مەلا محمد دەربەندی دەکات    *****    *****   مامۆستا مەلا رەسولی باوزێ کۆچی دوایی کردو یەکێتی زانایان پرسەنامەیەک ئاراستە دەکات    *****    *****   ناوچه‌ی هه‌ورامانى یه‌كێتی زانایانی ئاینی ئیسلامی كوردستان بابەتێکی خۆپارێزی لە روانگەی فیقهی ئیسلامیەوە بلأو دەکاتەوە   
هەولێر: لەژێر دروشمی (خوێندنەوەیەکی بابەتیانە بۆ مام هەژارو تەفسیرە نایابەی) سیمینارێک ساز کرا
به‌رواری دابه‌زاندن: 20/02/2020 : 12:08:52
قه‌باره‌ی فۆنت

ئەمرۆ 20ی2ی2020 بە ئامادەبوونی بەرێز د. عبدالله مەلا سەعید سەرۆکی یەکێتی زانایان و مامۆستا مەلا جەلال خەیلانی جێگری سەرۆک و ژمارەیەکی بەرچاو لە زانایانی ئایینی شاری هەولێرو ئەندامی پەرلەمان و کەسایەتی و رۆشنبیر، به‌ ئامانجی به‌رچاوخستنی هه‌ڵوێسته‌ ئه‌ده‌بی‌و ئایینیه‌كانی زاناو نوسه‌ر‌و هه‌ڵكه‌وتووه‌كانی گه‌له‌كه‌مان یه‌كێتی زانایانی ئایینی ئیسلامی كوردستان سمینارێکی تایبەت بەناونیشانی (خوێندنەوەیەکی بابەتیانە بۆ مام هەژارو تەفسیرە نایابەی) بۆ بەرێز (د. مادح مەلا محمد بەرزێوەیی) ساز کرد.


سەرەتای سیمینارەکە د. مادح بەرزێوەیی باسی لە کەسێتی مام هەژارو هەوڵ و کۆششە زانستیەکانی کردو رۆڵ و کاریگەری لەخزمەت هەنگاوە رۆشنبیر و زانستیەکان خستە ڕوو، هەروەها باسی لە هۆکارو حەزو ئاوەاتەکانی مام هەژار کرد بەتایبەت لەسەرەمەرگدا، کە شەیدای نوسینەوەی راڤەو واتاکانی قورئانی پیرۆز بووە، کە بە زمانی شیرینی کوردی و بە شێوەیەکی تایبەتمەند وێرای نالەباری باری تەندروستی و تەمەنی زۆری بەڵام شانی دایە بەر ئەو کارو هەنگاوە قورسە.


لە بەشێکی تری قسەکانی گوتی: تایبەتمەندی ئەو تەفسیرو راڤەی مام هەژار بۆ واتاکانی قورئانی پیرۆز کردویەتی لەوەدایە، کە بە کورت و پوخت و ئاستێکی بەرزی رەوانبێژی زمانەوانی تەرجەمە کراوەو هەموو لەهجەو شێوەزارەکانی کوردی لەخۆ گرتووەو وشەی نایاب و سەرنج راکێش و پڕ مانای بەکار هێناوە، بەو واتایە کە مام هەژار زۆر وردبین و خەبیر بووە لە دارشتن و بژاردەی وشەی کوردی لەبەرامبەر وشەکانی قورئانی پیرۆز.


دواتر چەندین نمونەی جوان و بەپێزی ناو تەرجەمەکەی مام هەژاری خستە روو، کە لە رووی دارشتن و وەزن و پوختی و ئاستی زمانەوانی جێی رامان و لێ ورد بوونەوەو هەنگاوی زانستین.


دوای تەواو بوونی سیمینارەکەش ئامادەبووان بە سەرنج و پێشنیار بابەتەکەیان دەوڵەمەنتر کردو هیوان خواست ئەو جۆرە کۆڕو سیمینارانە هەر بەردەوام بن.


پاشان بەرێز د. عبدالله مەلا سەعید سەرۆکی یەکێتی زانایان خەڵاتی رێزلێنانی پێشکەش بە د. مادح مەلا محمد بەرزێوەیی کرد لەهەمبەر  ئەو بابەتە گرنگ و بەپێزەکەی و هیوای سەرکەوتنی بۆ خواست.


هەر لەو کۆرەدا مامۆستا مومتاز حەیدەری بەشێک لە بەرهەکانی خۆی وەک رێزگرتن لە هەوڵ و کۆششەکانی یەکێتی زانایان پێشکەش بە سەرۆکی یەکێتی زانایان کرد.