یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی شارەزوری یەکێتی زانایان پێشوازی لە شاندێکی کۆمیتەی 8ی یەکێتی نیشتمانی کوردستان دەکات    *****    *****   مامۆستا مەلا صلاح بێسفکی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا قادر حسین باباو کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی دایکی بەرێزیان یەکێتی زانایان پرسەنامەیەک ئاراستەی د.عومەر مەلا حسن مرۆ دەکات    *****    *****   مامۆستا مەلا عبدالله بەرواری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی ئەنجومەنی رۆحانی ئێزیدی سەردانی مەکتەبی تەنفیزی یەکێتی زانایان دەکات    *****    *****   جێگری سه‌رۆكی په‌ڕله‌مانی عێراق: پیرۆزبێت ساڵیادی دامه‌زراندنی یه‌كێتی زانایان    *****    *****   جێگری سه‌رۆكی حكومه‌ت؛ پیرۆزبایینامه‌یه‌ك ئاراسته‌ی یه‌كێتی زانایان ده‌كات    *****    *****   مه‌كته‌بی ته‌نفیزی: سه‌رۆكی یه‌كێتی زانایان پێشوازی له‌ پارێزگاری هه‌ولێر ده‌كات    *****    *****   ئه‌مینداری گشتی یه‌كگرتوو پیرۆزبایی له‌ یه‌كێتی زانایانی ئایینی ئیسلامی كوردستان ده‌كات    *****    *****   پەیامی سەرۆك بارزانی بە بۆنەی پەنجاهەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجا ساڵەی دامەزراندنی یەکێتی زانایانی ئایینی ئیسلامیی کوردستان   
وەزیری ئەوقاف و کاروباری ئایینی سەردانی مەکتەبی تەنفیزی یەکێتی زانایان دەکات
به‌رواری دابه‌زاندن: 08/09/2020 : 13:54:09
قه‌باره‌ی فۆنت

ئەمرۆ 8ی9ی2020 بەرێز د. پشتیوان سادق وەزیری ئەوقاف و کاروباری ئایینی بە یاوەری بەرێز د. دیار جەباری بەرێوەبەری گشتی سەردانی مەکتەبی تەنفیزی یەکێتی زانایانیان کردو لە لایەن رێزدار د. عبدالله مەلا سەعید سەرۆکی یەکێتی زانایان و مامۆستا مەلا جەلال خەیلانی جێگری سەرۆک و ژمارەیەک لە ئەندامانی مەکتەبی تەنفیزی و سەرکردایەتی بە گەرمیەوە پێشوازی کرا.


لەدەسپێکی دانیشەکە بەرێز د. پشتیوان سادق وەزیری ئەوقاف و کاروباری ئایینی وێڕای خۆشحاڵی دەربڕین، سوپاسی پێشوازی گەرمی یەکێتی زانایانی کردو ئامانجی هاتنەکەی روونکردەوە، کە خۆی لە هەماهەنگی و پتەوکردنی پەیوەندی دوولایەنەو کاری پێکەوەیی و راوێژ لەسەر پرۆژەو کارو بەرنامەکانی ئایندە دەبینیەوە.


وەزیری ئەوقاف و کاروباری ئایینی سوپاسی رۆڵ و کارو هەنگاوەکانی یەکێتی زانایان و مامۆستایانی ئایینی کرد، بەتایبەت لە پرسی پابەندی بە رێناییەکان و هۆشیارکردنەوەی خەڵک بۆ خۆپارێزی و خزمەتی پرسە ئایینی و نەتەوەیی و نیشتمانیەکان.


دواتر بەرێز د. عبدالله مەلا سەعید سەرۆکی یەکێتی زانایان وێرای بەخێرهێنان و خۆشحاڵی دەربڕین بەسەردانی وەزیری ئەوقاف و کاروباری ئایینی، باسی لە گرنگی کاری هاوبەشی نێوان هەردوولا کردو رایگەیاند: ئێمە وەکو یەکێتی زانایان خۆمان بە تەواوکاری کاروبەرنامەی وەزراەتی ئەوقاف دەزانین و هاوکاری پرۆژەکانی وەزارەتی ئەوقاف بووین، بەڵام گرنگە هەردوولامان لەچوارچێوەی راوێژو هەماهەنگی لەخزمەتی پەیامی پیرۆزی ئیسلام و زانایان و پرسە نەتەوەیی و نیشتمانیەکان هاوکارو هەماهەنگ بین، بە ئامانجی ئەوەی بتوانین بە پێی خواستی هەنووکە لە خزمەتی رەوشی ئایینی و گەلەکەمان بین.


هەروەها سەرۆکی یەکێتی زانایانی گوتیشی: ئامانجی ئێمە خزمەتی زانایان و مزگەوت و پەیامی پیرۆزی ئیسلامەو دەمانەوێ بە بایەخەوە لە گرنگی سەقامگیری ئاسایشی کۆمەڵایەتی بڕوانین، ئەوەشی پێویست بە هەماهەنگی و پتەوکردنی پەوەندی نێوان هەردوولاوە هەیە، چونکە زانایانی ئایینی بە درێژایی مێژوو خزمەتیان کردووەو شایەنی لەبەرچاو گرتنە.


شایانی باسە لە دانیشتنەکەدا کۆمەڵێک پرسی دیکەی وەک بابەتی وتاری هەیینی و خوێندنی ئیسلامی و رەوشی ئایینی و هەستی نەتەوەپەروەری و بڵاوکردنەوەی بیری میانڕەوی و پەیوەندی نێوان دامەزراوە ئایینیەکان و بەرێوەبەرایەتی ئەوقاف و لقەکانی یەکێتی زانایان و خزمەتکردنی پتری مامۆستایانی ئایینی و چەند بابەتێکی تر قسەو گفتوگۆیان لەبارەوە کرا.