شاندێکی مه‌كته‌بی ته‌نفیزی یه‌كێتی زانایان، كه له سه‌رۆك‌و جێگر‌و ئه‌ندامانی مه‌كته‌بی ته‌نفیزی پێكهاتبوو، سه‌ردانی به‌ڕێز ئازاد به‌رواری جێگری سه‌رۆكی حكومه‌تی هه‌رێمی كوردستانیان كرد.
سه‌ره‌تا مه‌لا عه‌بدوڵا سه‌عید سه‌رۆكی یه‌كێتی زانایان، تیشكی خسته سه‌ر هه‌ندێك له گرنگترین ئه‌و كارو چالاكیانه‌ی له‌و ماوه‌یه ئه‌نجامیان داون، ئینجا پوخته‌یه‌كی ده‌رباره‌ی به‌رنامه‌ی كاری یه‌كێتی زانایان باس كرد، كه خۆی له خزمه‌تكردنی ئایینی پیرۆزی ئیسلام‌و مه‌سه‌له نه‌ته‌وایه‌تی‌و كاری پیشه‌یی یه‌كێتی زانایان له خزمه‌تكردنی زانایانی ئایینی ده‌بینییه‌وه، پێی وابوو هه‌میشه مرۆڤی ئایینپه‌روه‌ر نیشتیمانپه‌روه‌ریشه، دواتریش هه‌ندێك له پێداویستی‌و كه‌م‌و كوڕیه‌كانی یه‌كێتی زانایانی باس كرد، بۆ ئه‌وه‌ی حكومه‌تی هه‌رێمی كوردستان بۆیان جێبه‌جێ بكات.
جێگری سه‌رۆكی حكومه‌تی هه‌رێمی كوردستان وێڕای پیرۆزباییكردن‌و، به‌خێرهێنانی ده‌سته‌ی نوێی یه‌كێتی زانایان، باسی له رۆڵی زانایانی ئایینی كرد له‌و قۆناغه‌‌و، باسی له‌وه كرد، كه یه‌كێتی زانایان جێ په‌نجه‌ی كاره‌كانیان دیاره‌‌و، ده‌ستخۆشانه‌ی لێكردن له‌سه‌ر ئه‌و چالاكیانه‌ی له‌و ماوه‌یه ئه‌نجامیان داون، ده‌رباره‌ی پێداویستیه‌كانیش گووتی: دیراسه‌ی ده‌كه‌ین‌و، به پێی ئیمكانیات بۆتانی جێ به‌جێ ده‌كه‌ین. | 
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
