یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   مامۆستا مه‌لا شه‌وكه‌وت ردێنی كۆچی دوایی كرد    *****    *****   هه‌ولێر: سه‌رۆكی یه‌كێـتی زانایان به‌ژداری كۆنفرانسێكی پێكه‌وه‌ژیان ده‌كات    *****    *****   لقى هه‌ولێرى يه‌كێتى زانايان پرسه‌نامه‌يه‌ك ئاراسته‌ده‌كات    *****    *****   چۆمان: مامۆستا مه‌لا ئه‌حمه‌دى وه‌ردى كۆچى دواييكرد    *****    *****   یه‌كێتی زانایان له‌سه‌ر كه‌ناڵی (نێت تیڤی)‌و به‌شێكی تری كه‌ناڵه‌ ئاسمانیه‌كان هه‌ڵوێست وه‌رده‌گرێت    *****    *****   هەولێر: کۆبوونەوەی سەرکردایەتی یەکێتی زانایانی ئایینی ئیسلامی کوردستان ئەنجام درا    *****    *****   یەکێتی زانایان و دەستەی ژینگەی هەرێمی کوردستان هەماهەنگی زیاتر دەکەن    *****    *****   یەکێتی زانایان بەشداری مەراسیمێکی ئیجازەبەخشین دەکات    *****    *****   هه‌ولێر: ڕێوڕه‌سمى شه‌شه‌مين ساڵيادى دامه‌زراندنى كه‌ناڵى ته‌له‌فزيۆنى زانايان به‌ڕێوه‌چوو    *****    *****   مامۆستا مه‌لا عبد الصمد کۆچی دوایی کرد    *****    *****   یەکێتی زانایان کردەوە تیرۆریستیەکەی نیوزلەندا مەحکوم دەکات   
شاندێكی مه‌كته‌بی ته‌نفیزی سه‌ردانی ئه‌مینداری یه‌كگرتووی ئیسلامی ده‌كات
به‌رواری دابه‌زاندن: 12/07/2010 : 16:17:40
قه‌باره‌ی فۆنت
ئه‌مڕۆ (12/7/2010) سه‌رۆكی یه‌كێتی زانایان به‌ یاروه‌ری شاندێكی مه‌كته‌بی ته‌نفیزی‌و به‌رپرسی لقی هه‌ولێری زانایان سه‌ردانی مامۆستا سه‌ڵاحه‌دین محه‌مه‌د به‌هائه‌دین ئه‌مینداری گشتی یه‌كگرتووی ئیسلامی كوردستانیان كرد، كه‌ له‌ دانیشتنه‌كه‌دا چه‌ند به‌رپرسێكی باڵای یه‌كگرتووی ئیسلامی ئاماده‌ی بوون.

له‌ دانیشتنێكی برایانه‌دا سه‌رۆكی زانایان تیشكی خسته‌ سه‌ر هه‌ندێك له‌ كار‌و چالاكیه‌كانی یه‌كێتی زانایان له‌و ماوه‌یه‌، هه‌روه‌ها ئه‌رك‌و به‌رنامه‌ی داهاتوویان له‌ خزمه‌تكردنی ئایینی پیرۆزی ئیسلام‌و، پارێزگاریكردن له‌ ده‌ستكه‌وته‌ نه‌ته‌وه‌ییه‌كان‌و، خزمه‌تكردنی زانایانی ئایینی.

هه‌روه‌ها تیشكی خسته‌ سه‌ر مه‌سه‌له‌ی فه‌توا، كه‌ ئه‌وان وه‌ك یه‌كێتی زانایان به‌ زه‌روره‌تێكی زۆر گرنگی ده‌زانن مه‌سه‌له‌ی فه‌توا یه‌كبخرێت‌و، چی دیكه‌ له‌ولا‌و له‌ولا فه‌توا نه‌درێت، به‌مه‌ش زۆر پێویسته‌ هه‌موو لایه‌ك هاوكار بن بۆ سه‌رخستنی ئه‌م بیرۆكه‌یه‌.

پاشان سوپاسی راگه‌یاندنی یه‌كگرتووی ئیسلامی كوردستانی كرد، كه‌ هه‌موو راگه‌یاندنه‌كانی یه‌كگرتوو به‌ كه‌ناڵی ئاسمانی سپێده‌‌و ماڵپه‌ڕ‌و رادیۆ‌و تیڤیه‌كانه‌وه‌... زۆر گرنگی به‌ هه‌واڵه‌كانی زانایان ده‌ده‌ن، هیوای خواست هه‌ر ئاوا به‌ گه‌رم‌و گوڕی به‌رده‌وام بن.

دواتر چه‌ند خاڵێكی دیكه‌ی تایبه‌ت به‌ زانایانی ئایینی‌و ئه‌مڕۆی كوردستانیان باس كرد.

ئه‌مینداری گشتی یه‌كگرتوو به‌خێرهێنانێكی گه‌رمی شاندی زانایانی كرد‌و، له‌ هه‌موو ئه‌و خاڵانه‌ی سه‌رۆكی یه‌كێتی زانایان باسی كرد، پشتگیری‌و پشتیوانی خۆی ده‌ربڕی‌و، ئاماده‌یی خۆیی‌و سه‌رجه‌م پێكهاته‌كانی یه‌كگرتووی ئیسلامی ده‌ربڕی بۆ پشتیوانیكردن له‌ زانایانی ئایینی‌و یه‌كێتی زانایان بۆ ئه‌وه‌ی بتوانن چاكتر خزمه‌ت به‌ زانایان‌و ئایینی پیرۆزی ئیسلام‌و مه‌سه‌له‌ نه‌ته‌وایه‌تیه‌كانمان بكرێت.