عه‌بدولستار ئه‌حمه‌د باغه‌مره‌یی
له ناوچه‌ی سه‌لوانی سه‌ر به پارێزگای دیاربه‌كر گۆڕی هاوه‌ڵێكی پێغه‌مبه‌ر "درودی خوای له‌سه‌ر بێت"له ژێر یه‌كێك له باڵه‌خانه كۆنه‌كان ئاشكرا كرا.
پرۆفیسۆر كه‌نعان خاس بوڵات له زانكۆی دیجله‌ی توركی توانی گۆڕی ئه‌و هاوه‌ڵه‌ی پێغه‌مبه‌ر" درودی خوای له‌سه‌ر بێت" ئاشكرا بكات، به پێی ئه‌و راپۆرته‌ی سه‌باره‌ت به ئاشكراكردنی گۆڕه‌كه ئاماده‌ی كردووه ئاماژه به‌وه‌ده‌كات كه ئه‌و هاوه‌ڵه‌ی پێغه‌مبه‌ر تا سه‌رده‌می ئه‌میری موسڵمانان عومه‌ری كوڕی خه‌تاب ره‌زای خوای له‌سه‌ر بێت زیندوو ماوه‌ته‌وه‌و دواتر به فه‌رمانی ئه‌میری موسڵمانان له ساڵی 637 بۆ رزگاركردنی سه‌لوان له‌گه‌ڵ 8 هه‌زار موجاهید ده‌گه‌نه ناوچه‌كه‌ودواتریش رزگاركردنی دیار به‌كرو ناوچه‌كانی سوریاو باشووری رۆژهه‌ڵاتی توركیا.
له میانی رزگاركردنی ناوچه‌ی سه‌لوان 10 هاوه‌ڵ ره‌زای خوایان له‌سه‌ر بێت شه‌هید ده‌كرێن یه‌كێك له ناویاندا خاوه‌نی ئه‌و گۆڕه دۆزراوه‌یه كه ناوی "موحه‌مه‌د"ه . به‌م پێیه‌ش كۆی گشتی ئه‌و هاوه‌ڵانه‌ی پێغه‌مبه‌ر كه له شاری دیاربه‌كر شه‌هید كراون و هه‌ر له‌و شاره‌ش نێژراون ژماره‌یان بوو به 33 هاوه‌ڵی شه‌هید كراو.
| 
