دوای ئه‌و وتاره‌ی كه سه‌رۆكی لیبیا موعه‌مه‌ر قه‌زافی له رۆمای پایته‌ختی ئیتالیا پێشكه‌شی كرد، چه‌ند كه‌سێكی ئه‌و وڵاته موسڵمان ده‌بن.
بۆ جاری چواره‌مه قه‌زافی سه‌ردانه‌ی سه‌ردانی وڵاتی رۆما ده‌كات‌و، دووه‌مین جاریشه له‌گه‌ڵ زۆرێك له ئافره‌تانی ئه‌و وڵاته كۆ ده‌بێته‌وه.
له‌و سه‌ردانه‌ی دواییدا به‌مه‌به‌ستی یادكردنه‌وه‌ی ساڵانه بۆ په‌یمانی برایه‌تی، رۆژی یه‌ك شه‌ممه‌ی رابردوو، سه‌رۆكی لیبیا موعه‌مه‌ر قه‌زافی له نوسینگه‌ی برایه‌تی لیبیی له ئیتاڵیا، وتارێكی له‌سه‌ر ئیسلام پێشكه‌ش كردو، دواتریش چه‌ند نوسخه‌یه‌كی قوڕئانی پیرۆزی به‌سه‌ر سه‌دان گه‌نجی ئه‌و وڵاته پێشكه‌ش كرد.
قه‌زافی هه‌ر له‌و وتاره‌ی بۆی روونكردنه‌وه، كه ده‌بێ ئیسلام ببێته ئایینی ئه‌وروپا، له‌به‌ر ئه‌وه‌ی حه‌زره‌تی موحه‌مه‌د دواهه‌مین‌و كۆتاهه‌مین پێغه‌مبه‌ره
هه‌ر له‌و دانیشتنه‌دا سێ له‌و ئافره‌تانه‌ی به‌ژدار بوو، موسڵمان بوونی خۆیان راگه‌یاند، كه ئه‌مه بۆ خۆی هه‌نگاوێكی تازه بوو، له‌و جۆره دانیشتنانه‌دا.
له لێدوانێكدا بۆ كه‌ناڵی ئه‌سۆشیتد پریس: یه‌ك له‌و ئافره‌ته موسڵمان بووانه رایگه‌یاندووه: له‌به‌ر ئه‌وه‌ی سه‌رۆكی لیبیا وتاره‌كه‌ی له‌سه‌ر ئیسلام بووه‌‌و، به شێوه‌یه‌كی جوانیش رۆحی ئیسلامی روون كرۆته‌وه‌‌و، له جه‌هه‌ری ئیسلام حاڵی بووه، موسڵمان بوونی خۆی راگه‌یاند. جێی ئاماژه پێدانه له‌و دانیشتنه‌دا نزیكه‌ی 500 كچ به‌ژداری له موحازه‌ڕه‌ی قه‌زافی بووه.
له ئێواره‌ی رۆژی دووشه‌ممه‌ش قه‌زافی به‌رلسكۆنی خوانێكی فتاریان پێكه‌وه خوارد.
| 
یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە
