یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
زاناو پێشمه‌رگه‌ مامۆستا مه‌لا ئه‌حمه‌دی وه‌رتی كۆچی دوایی كرد
به‌رواری دابه‌زاندن: 12/01/2017 : 12:40:54
قه‌باره‌ی فۆنت

مامۆستا مه‌لا ئه‌حمه‌دى وه‌رتى زاناى ئاينى به‌ناوبانگى كوردستان دواى ململانێيه‌كى زۆر  له‌گه‌ڵ نه‌خۆشى دوێنێ له‌ ته‌مه‌نى 92 ساڵييدا كۆچى دواييكرد.


مامۆستا مه‌لا ئه‌حمه‌دى وه‌رتى ناسراو به‌ (مه‌لا وه‌رتى) خه‌ڵكى گوندى وه‌رتێى ناوچه‌ى باڵه‌كايه‌تى بوو، له‌ ته‌مه‌نێكى زووه‌وه‌ رێى خوێندنى ئاينى له‌ حوجره‌كانى كوردستان گرته‌ به‌ر و توانى هه‌موو پله‌كانى خوێندنى مه‌لايه‌تى به‌ سه‌ركه‌وتوويى ببڕێت و دواتر ببێته‌ يه‌كێك له‌ زانا و وتاربێژ و شه‌رعزانه‌ به‌ناوبانگه‌كانى كوردستان، له‌ زۆر پرسه‌ شه‌رعى و فيقهييه‌كاندا خاوه‌ن راى جياواز و تايبه‌تى خۆى بوو، كه‌سايه‌تييه‌كى ئاينى كراوه‌ و شه‌رعزانێكى ميانڕه‌و بوو، كه‌ زۆر جار له‌سه‌ر ئه‌و ميانڕه‌وييه‌ دووچارى ره‌خنه‌ى توند‌ ده‌بوويه‌وه‌.


له‌ رووی نیشتیمانپه‌روه‌رییه‌وه‌ ناوبراو كه‌سێكى نيشتمانپه‌روه‌ر بوو، له‌ ده‌يه‌ى هه‌شتاكانى سه‌ده‌ى رابردوودا له‌ رێگه‌ى وتاره‌كانى به‌رده‌وام ره‌خنه‌ى توندى له‌ سته‌م و جه‌ورى ده‌سه‌ڵاتى به‌عس ده‌گرت و، دواجار ده‌سه‌ڵاتدارانى به‌عس به‌و هۆيه‌وه‌ ده‌ستگيريانكرد و ماوه‌يه‌ك خرايه‌ زيندانه‌وه‌.


له‌ دواى ئازادبوونى له‌ زيندان و دواى شاڵاوه‌كانى  ئه‌نفال ژيانى پێشمه‌رگايه‌تى هه‌ڵبژارد و په‌يوه‌ندى به‌ ريزى پێشمه‌رگه‌ى كوردستانه‌وه‌ كردووه‌ و له‌ دواى راپه‌ڕين گه‌ڕايه‌وه‌ و له‌ شارى هه‌ولێر نيشته‌جێ بوو.


له‌ رووی پیشه‌ییشه‌وه‌ مامۆستا له‌ ژیانیدا كه‌سێكی كاراو كاریگه‌ری ناو یه‌كێتی زانایان بوو، تا ئه‌و كاته‌ی له‌ خه‌باتی پێشمه‌رگایه‌تی بوو، له‌وه‌ سارد نه‌بووه‌وه‌ كه‌ هه‌میشه‌ ریزه‌كانی یه‌كێتی زانایان به‌ زیندوویی بهێڵێته‌وه‌، بۆیه‌ له‌ خه‌باتی پێمه‌رگایه‌تیش به‌تایبه‌تی له‌ ناوچه‌ی خۆشناوه‌تی، هه‌وڵی ده‌دا زاناو مه‌لاو سه‌یدایانی كوردستان له‌ ریزه‌كانی یه‌كێتی زانایان كۆبكاته‌وه‌و شان به‌ شانی پێشمه‌رگایه‌تیی و چالاكی سه‌ربازی له‌ خه‌باتی پیشه‌ییشیدا هه‌ر كۆڵی نه‌دا.


به‌ هۆى تووشبوونى به‌ نه‌خۆشى ماوه‌ى 10 ساڵه‌ له‌ جێگه‌دابوو، به‌ره‌به‌يانى ئه‌مڕۆ له‌ شارى هه‌ولێر كۆچى دواييكرد و له‌ رێوڕه‌سمێكدا به‌خاكسپێردرا.


به‌م بۆنه‌وه‌ پرسه‌و سه‌ره‌خۆشی خۆمان ئاراسته‌ی زانایانی ئایینی و دۆستانی مامۆستا به‌تایبه‌تی خانه‌واده‌ به‌ڕێزه‌كه‌یان ده‌كه‌ین، له‌ خوای گه‌وره‌ داواكارین مامۆستای ره‌حمه‌تی به‌ به‌هه‌شتی به‌رینی خۆی شاد بكات.