یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
(دوو روونكردنه‌وه‌) ملا عومەر سوێری: ئەو قسانەی مه‌لا به‌ختیار هەڵبەستراوەو هەرگیز دەستخۆشیم لێی نەكردووە.
به‌رواری دابه‌زاندن: 24/02/2019 : 16:52:07
قه‌باره‌ی فۆنت

رۆژی 22ی2ی2019 له‌ وتاری كۆتایی كۆنفرانسی دابڕان (ئایین بۆ تاك‌و دیموكراسی بۆ هه‌مووان) مه‌لا به‌ختیار سه‌رپه‌رشتیاری گشتی پلاتفۆڕمه‌كه‌ له‌نێو قسه‌كانی ئاماژه‌ی به‌وه‌دا دوو مامۆستای دیاری ئایینی شاری هه‌ولێر ده‌ستخۆشیان له‌ كارو به‌رنامه‌ی پلاتفۆڕكه‌ كردووه‌.


له‌و باره‌وه‌ هه‌ر یه‌ك له‌ به‌رێزان مامۆستا مه‌لا جه‌لال خه‌یلانی‌و مامۆستا مه‌لا عومه‌ر سوێری روونكردنه‌وه‌ له‌سه‌ر قسه‌كانی مه‌لا به‌ختیار سه‌رپه‌رشتیاری گشتی پلاتفۆڕمی دابڕان بڵاو ده‌كه‌نه‌وه‌.


مامۆستا مه‌لا جه‌لال خه‌یلانی سه‌باره‌ت به‌ په‌یوه‌ندیه‌ ته‌له‌فۆنیه‌كه‌ ده‌ڵێت: په‌یوه‌ندیه‌كه‌م شه‌خسی بووه‌‌و ته‌عبیر له‌ یه‌كێتی زانایان ناكات مه‌به‌ستیشم ئه‌وه‌ بووه‌، ئاراسته‌ی گوتاره‌كان به‌ شێوه‌یه‌كی جوان رێچكه‌ بگرێت، نه‌ك بۆ دژایه‌تی ئیسلام، چونكه‌ قه‌ت مومكین نیه‌ من به‌ سوكایه‌تی كردن به‌رامبه‌ر ئیسلام رازی ببم یان ده‌ستخۆشی بكه‌م.


هه‌روه‌ها مامۆستا مه‌لا عومه‌ر سوێری له‌و باره‌وه‌ ده‌ڵێت: من وەكو مەلا عومەر سوێری پێشنوێژو وتارخوێنی مزگەوتی سەواف لە شاری هەولێری پایتەخت، ئەوە بۆ ڕای گشتی دەخەمە ڕوو كە ئەو قسانەی ئەو بەڕێزە هەڵبەستراوە بە ناوی من و هەرگیز دەستخۆشیم لێی نەكردووە.


 


ئه‌مه‌ی خواره‌وه‌ش ده‌قی هه‌ردوو روونكردنه‌وه‌كه‌یه‌:


 


روونكردنه‌وه‌


به‌ناوی خوای گه‌وره‌و میهره‌بان


به‌رێزان


په‌یوه‌ندی ته‌له‌فۆنیم له‌گه‌ڵ به‌رێز مه‌لا به‌ختیار په‌یوه‌ندیه‌كی شه‌خسی بووه‌ نه‌ك به‌ناوی یه‌كێتی زانایانه‌وه‌ بووبێت، دوای وتاری ئه‌و بووه‌ له‌ ده‌سپێكی پلاتفۆڕمه‌كه‌ زیاتریش بۆ ئه‌وه‌م بوو كه‌ ئاراسته‌ی گوتاره‌كان به‌ ئاراسته‌یه‌كی جوان بێت نه‌ك بۆ لێدان و دژایه‌تی، چونكه‌ قه‌ت مومكین نیه‌ من به‌ سوكایه‌تی كردن به‌رامبه‌ر ئیسلام رازی ببم یان ده‌ستخۆشی بكه‌م، ئه‌و خۆیشی ده‌ڵێت رای جیاوازمان هه‌بووه‌ له‌سه‌ر مه‌سه‌له‌كان، به‌داخه‌وه‌ پرسه‌كه‌ له‌ تۆڕه‌ كۆمه‌ڵایه‌تیه‌كان به‌ ئاراسته‌یه‌كی خراپ لێكدرایه‌وه‌‌و ره‌خنه‌ی زۆر گیرا، ئه‌گه‌ر ره‌خنه‌كانیش بۆ خزمه‌تی ئیسلام بێت من ده‌یخه‌مه‌ سه‌ر سه‌رم.


مه‌لا جه‌لال خه‌یلانی


24/2/2019


 


رونكردنەوە بۆ ڕای گشتی


بەناوی خوای گەورەی میهرەبان


خوای گەورە دەفەرموێ: (يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا)


خۆشەویستان دیارە لەو ڕۆژانە بەڕێزێك لە وتارێكی دا ئاماژەی بۆ ناوی من كردووە، گوایە من دەستخۆشیم لێ كردبێت بۆ وتارەكەی كە لە پلاتفۆڕمی دابڕان پێشكەشی كردووە!


من وەكو مەلا عومەر سوێری پێشنوێژو وتارخوێنی مزگەوتی سەواف لە شاری هەولێری پایتەخت، ئەوە بۆ ڕای گشتی دەخەمە ڕوو كە ئەو قسانەی ئەو بەڕێزە هەڵبەستراوە بە ناوی من و هەرگیز دەستخۆشیم لێ ی نەكردووە..


ڕەنگبێت بەرێزیان هەندەك ڕەخنەو پێشنیاری منی بەهەل قۆزی بێتەوە، كە لە بەناو سەلەفیەكانی ئەمڕۆم هەیەو، ڕەخنەو موناقەشەمان بووە. بەڵام بە شێوازی شەرعی و زانستیانە تێبینی و ڕەخنەی برایانەمان بووە..


دووبارەی دەكەمەوە بە هیچ شێوەیەك پەیوەندی و دەستخۆشیم لەسەر وتارەكەی لەم بەڕێزە نەبووە، وە ئەوەی بەناوی من وتراوە دوورە لە ڕاستی.


م. ملا عومەر سوێری


2019/2/24