یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   روونکردنەوەیەک سەبارەت بە وتاری هەینی    *****    *****   راگری کۆلێژی زانستە ئیسلامیەکانی زانکۆی بینگۆل سەردانی مەکتەبی تەنفیزی یەکێتی زانایان دەکات    *****    *****   ئەنجومەنی باڵای فەتوا حوکمی مامەڵەی (فۆڕئێکس) روون دەکاتەوە    *****    *****   حوكمی به‌شداریكردن له‌ كۆمپانیای (یونیك فاینس)    *****    *****   حوكمی فیقهی به‌ده‌ل حه‌ج بۆ كه‌سی په‌ككه‌وته‌ یان مردوو به‌ تایبه‌ت پاش ده‌رچوونی ناوی له‌ تیرو پشك    *****    *****   حوكمی به‌كرێگرتنی كه‌سێك له‌لایه‌ن فه‌رمانبه‌ر بۆ ئه‌وه‌ی له‌جیاتی ئه‌و ده‌وام بكات به‌رامبه‌ر مه‌بله‌غێك پاره‌    *****    *****   ئەنجومەنی باڵای فەتوا حوکمی دانانی مناڵی بلوری له‌ڕه‌حمی هه‌وێدا روون دەکاتەوە    *****    *****   سعودیە: سەرۆکی یەکێتی زانایان بەشداری کۆنگرەی باڵای رابیتەی جیهانی ئیسلامی دەکات    *****    *****   بەرپرسی لقی هەولێری یەكێتی زانایان سەرپەرشتی كۆبوونەوەی وەرزی لێژنەی فەتوای هەولێردەكات    *****    *****   یەکێتی زانایان کتابێک بەناونیشانی (مافی په‌نادراوه‌كان له‌ ئیسلامدا) ئامادەی چاپ دەکات    *****    *****   لقی گەرمیانی یەکێتی زانایان سەردانی بزوتنەوەی گۆران دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات   
بەمەبەستی تاوتوێی چەند پرسێک مەکتەبی تەنفیزی یەکێتی زانایان هەردوو جێگری سەرۆکی پەرلەمان بەسەر داتەوە
به‌رواری دابه‌زاندن: 27/08/2019 : 17:07:36
قه‌باره‌ی فۆنت

ئەمرۆ 27ی8ی2019 شاندێکی باڵای مەکتەبی تەنفیزی بەسەرپەرشتی بەرێز د. عبدالله مەلا سەعید سەرۆکی یەکێتی زانایان سەردانی هەردوو جێگری سەرۆکی پەرلەمانی کرد.


لە دانیشتنێکی نێوان هەردوو لا جەخت لەسەر کۆمەڵێک پرسی تایبەتی و گشتی کراو تەئکیدیش لەهەماهەنگی نێوان هەردوولا کرایەوە.


لەدانیشتنی شاندەکە لەگەڵ بەرێز د. هێمن هەورامی جێگری یەکەمی سەرۆکی پەرلەمان بەرێز د. عبدالله مەلا سەعید سەرۆکی یەکێتی زانایان ئاماژەی بەوە کرد، کە پێویستە پەرلەمان رۆڵی دامەزراوەیی خۆی ببینێ و بە لەبەر چاووگرتنی پێکهاتەی ئایینی و کۆمەڵایەتی کوردستان هەنگاو بنێت و پرسی ئایین  بەتایبەت لە پرۆژە پێشنیازکراوەکان و یاسا فەرمیەکان بەهەند وەربگرن و پێگەو خزمەتی زانایانیش لەبەرچاوو بێ.


لەلایەن خۆشیەوە د. هێمن هەورامی رایگەیاند: بەو سەردانە خۆشحاڵ بووین و درک بەو راستیە دەکەین رۆڵی ئێوە یەکجار گرنگە و داوامان وایە ئێوە پشتگیرمان بن بۆ ئەوەی لە کەشێکی سەقامگیرو ئارامدا بتوانین خزمەتی کوردستان بکەین، هەروەها گوتی: لەرێی لێژنەی ئەوقافەوە لە پەرلەمانی کوردستان هەوڵدەدەین پرۆژەو پێشنیاری گرنگ و گشتی بەهەماهەنگی لەگەڵ ئێوە پێشکەش بکەین، خزمەت و پێگەی زانایان بەلای ئێمەوە گرنگەو بەچاوی رێزەوە لێی دەروانین.


هەروەها لەدانیشتن لەگەڵ مونا قەهوەچی جێگری دووەمی سەرۆکی پەرلەمان باس لە گرنگی لەبەرچاو گرتنی پێکاتە ئایینی و نەتەوەییەکان کراو سەرۆکی یەکێتی زانایان جەختی لەوە کردەوە، کە کوردستان نمونەیەکی جوانی پێکەوەژیان و رێزگرتنی پێکهاتەکانە.


لەلایەن خۆشیەوە مونا قەهوەچی وێڕایی خۆشحاڵی دەربڕین بەو سەردانەی یەکێتی زانایان، باسی لە رۆڵ و خزمەتی زانایان لەناو کۆمەڵگەو قوڵکردنەوەی گیانی تەبایی و پێکەوەژیان کردەوەو دڵنیایی هەماهەنگی و لەبەرچاوگرتنی سەرنج و پیشنیاری یەکێتی زانایانیشی تەئکید کردەوە.