یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   تا ئێستا 30 زانای ئایینی تووشی کۆرۆنا بوونەو چواریشیان بەو هۆیەوە گیانیان لەدەست داوە    *****    *****   لقی شێخانی یەکێتی زانایان سەردانی ئەنجومەنی پارێزگای دهوک دەکات    *****    *****   خێرخوازێک بەرهەمی تەماتەی جووتیاران دەکڕێت و بەسەر کەمپەکان و خەڵکی هەژار دابەشی دەکات    *****    *****   سۆران: گه‌نجێكى نابینا لە‌ ماوه‌ى ٦ ساڵ تەواوی قورئانی پیرۆز و ٢٥٠ فەرموودە لەبەر دەکات ‎    *****    *****   قایمقامی قەزای شێخان سەردانی لقس شێخانی یەکێتی زانایان دەکات    *****    *****   مامۆستا مەلا محمود فقێ محمد شەمێرانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی شێخ محمد شێخ عبدالکریم کەسنەزانی یەکێتی زانایان پرسەنامەیەک رادەگەیەنێت    *****    *****   مامۆستا مەلا سلێمان پیرۆمەری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا: سوتاندنی گیانداران بە زیندوویی بە هیچ شێوەیەک دروست نیە    *****    *****   مامۆستا مەلا شێخ حوسێن بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حەسەن باوەمردەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی کوڕی یەکێتی زانایان پرسەنامەیەک ئاراستەی مەلا محمدأمین چەمچەماڵی دەکات   
بەیاننامەی یەکێتی زانایان بە بۆنەی 49 ساڵەی دامەزراندنیەوە
به‌رواری دابه‌زاندن: 20/09/2019 : 10:32:22
قه‌باره‌ی فۆنت

به‌ناوی خوای به‌خشنده‌ی میهره‌بان


 


زانایانی بەرێزی ئایینی


بەبۆنەی تێپەڕ بوونی 49 ساڵه‌ى دامەزراندنی یەکێتی زانایانی ئایینی ئیسلامی کوردستان، پیرۆزبایەكی گەرم ئاراستەی تەواوی زانایانی بەڕێزی ئایینی و خه‌ڵكی کوردستان دەکەین.


یەکێتی زانایان وەک رێکخراوێکی پیشەیی له‌ 21/9/1970 لەهەل و مەرجێکی تایبەت و لە پێناو خزمەتی ئیسلام و زانایانی قەدرگران له‌ شارۆچكه‌ی گه‌ڵاڵه‌ی باڵه‌كایه‌تی، له‌ژێر ئاڵای كوردستان و له‌سەر راسپاردەو سەرپەرشتی راستەوخۆی سه‌ركرده‌ی نه‌ته‌وه‌یی مه‌لا مسته‌فای بارزانی دامه‌زرا، کە بووە چەتری کۆکەرەوەو پیشاندەری رۆڵ و کاریگەری پێگەی مەلاو زانایانی ئایینی لە کوردستاندا.


لە ساڵیادی دامەزراندنی یەكێتیەکەماندا جارێکی تر سووربوونی خۆمان رادەگەیەنین له‌ بەردەوامبوون بۆ گەیشتن بەو ئامانجە پیشەیی و ئایینی و نیشتیمانی و نەتەوەییانەی رێکخراوەکەی بۆ دامەزراوە، بەتایبەتی لە قۆناغى ئێستاو له‌گه‌ڵ ده‌سپێكی كابینه‌ی تازه‌ی حكومه‌تی هه‌رێم كه‌ خوازیارین ببێته‌ مایه‌ى خێرو سەقامگیری بۆ كوردستان و دابین كردنی خوشگوزه‌رانی هاوڵاتیان و سه‌روه‌ری یاساو نه‌هێشتنی رۆتین و گه‌نده‌ڵی و بایه‌خدان به‌ به‌ها كۆمه‌ڵایه‌تیه‌كان و له‌به‌رچاو گرتنی بنه‌ماو به‌ها ئایینیه‌كان و رێزگرتن له‌ پیرۆزیه‌كان.


دووپاتی ئەوەش دەکەینەوە، کە بە هەموو تواناو هەوڵێک لە خزمەتی زانایانی بەڕێزی ئایینی و بەرپرسیارێتی قۆناغەکە دادەبین و وه‌ك پارێزه‌ر له‌ خزمه‌ت ئیسلام و زانایان و كاری پیشه‌یی خۆمان ده‌بین.


هەر لێرەشەوە پێزانیمان هەیە بۆ خزمەتە بەردەوامەکانی زانایانی ئایینی لەسەرتاسەری کوردستان، کە رۆڵی گرنگیان هەبووە لە گەیاندنی پەیامە جوانەکانی ئیسلام و هۆشیاری کۆمەڵایەتی و ئاراستەکردنی موسڵمانان بۆ رێی چاکەو خێرو میانڕەوی و پاڵپشتی هەڵوێست و هەنگاوە نەتەوەیی و نیشتمانیەکان، لەو سۆنگەشەوە نمونەیەکی جوانی خزمەتیان پێشکەش کردووە.


دووبارە ئەم یادە لە هەموو لایەك پیرۆز دەکەین و، بە هیوای ئاییندەیەکی سەرفرازو پڕ لە ئاشتی و برایەتی بۆ کوردو کوردستان.


 


یه‌كێتی زانایانی ئایینی ئیسلامی كوردستان


20/9/2019