یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   ئەنجومەنی فەتوای شەرعی ئیماراتی سوپاسنامەیەک ئاراستەی سەرۆکی یەکێتی زانایان دەکات    *****    *****   مامۆستا مەلا ئەنوەر لاسەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مردووانی کۆرۆنا بە رێکاری شەرعی دەشوورێن و دەشاردرێنەوە    *****    *****   مامۆستا مەلا ئیسماعیل باشکی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لەماوەی حەوت مانگی رابردوو 45 زاناو مامۆستای ئایینی وەفاتیان کردووە    *****    *****   مامۆستا مەلا شێخ سەیدەی دۆڵان کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی هەولێری یەكێتی زانایان لەڕێگای خێرخوازان هاوكاری تەندروستی هەولێر دەكات    *****    *****   گەنجێک بۆ بەجێهێنانی فەریزەی حەج بە بایسکیل 22 وڵات دەبڕێت    *****    *****   شێخ عەزیزی شێخ بابا رەسولی توران کۆچی دوایی کردو یەکێتی زانایان پرسەنامەیەک رادەگەیەنێ    *****    *****   مامۆستا مەلا ئەحمەد بەرسرینی کۆچی دوایی کرد    *****    *****   پرسەنامە: مامۆستا مەلا سەلیم وەیسی رەزیکی کۆچی دوایی کرد    *****    *****   پەیامی پیرۆزبایی یەکێتی زانایان بە بۆنەی جەژنی قوربانی پیرۆزەوە   
یەکێتی زانایان دوو کتاب بەناونیشانی (چەمکی جاهیلیەت)و (چەمکی خیلافەتی ئیسلامی) بڵاو دەکاتەوە
به‌رواری دابه‌زاندن: 29/09/2019 : 14:20:32
قه‌باره‌ی فۆنت

لە پرۆژەیەکی گرنگ و تازەیدا یەکێتی زانایان بەمەبەستی گەیاندنی پەیامی راستەقینەی ئیسلام و روونکردنەوەی چەمکە ئیسلامیەکان، پرۆژەی وەرگێرِانی هەردوو کتابی (چەمکی جاهیلیەت)و (چەمکی خیلافەتی ئیسلامی) رادەگەیەنێت.


ئەم دوو کتێبە هی پرۆفیسۆر د. عەبدولفەتاح ئەلعەواری مامۆستاو راگری کۆلێژی بنەماکانی ئایین لە زانگۆی ئەزهەرە، کە بەرێز د. موحەممەد عەبولفەزیل ئەلقوسی جێگری سەرۆکی رێکخراوی جیهانی دەرچووانی ئەزهەر پێداچوونەوەی بۆ کردووەو پێشەکی بۆ نووسیوە.


لەم دوو کتێبە بە شێوەیەکی زانستی و خستنەڕووی ئایەت و فەرموودە هەردوو چەمکی (جاهلیەت) و (خیلافەتی ئیسلامی) روون کراوەتەوە، کە زۆر جار لەلایەن گروپە توندرِەوەکانی وەک داعش و هاوشێوەکانی تەفسیری هەڵەی بۆ کراوەو دونیایەک ماڵوێرانی و کوشتن و کارەساتی مرۆیی بەدوای خۆیدا هێناوەو، لەجیاتی خزمەت بە کۆمەڵگەو مرۆڤایەتی، سومعەو پێگەی ئیسلام و موسڵمانانیان زیانمەندو ناشیرین کردووە.


ئامانج لەو پرۆژەیە هۆشیاركردنه‌وه‌ی كۆمه‌ڵگه‌‌و به‌رچاو ڕوونی گه‌نجان‌و روونكردنه‌وه‌ی چه‌مكه‌ ئیسلامیه‌كانه‌ بە شێوەیەکی زانستی و بەپێی تێگەیشتنی گەورە زانایانی ئیسلام له‌لایه‌ك‌و، هه‌ڵوه‌شاندنه‌وه‌ی هه‌وڵه‌ نه‌زۆك‌و نامۆكانی گروپه‌ توندڕه‌وه‌كان و تەفسیری هەڵەیە بۆ دەقەکان له‌ لایه‌كی تره‌وه‌.


لێرەوە سوپاسی هاوکاران بەتایبەتی بەرێز د. عبدالله مەلا سەعید سەرۆکی یەکێتی زانایانی ئایینی ئیسلامی کوردستان، کە پاڵپشتی و ئەرک و ماندوو بوونی زۆری کێشا بۆ تەواوکردن و سەرخستنی پرۆژەکە، بە ئامانجی گەیاندنی خزمەتێک بە کۆمەڵگەو بڵاوکردنەوەی بیری میانڕەوی و هۆشیاری ئایینیەوە.


 


بۆ بینین و دابەزاندنی هەردوو کتێبەکە دەتوانن کلیک لەسەر ئەم لینکانەی خوارەوە بکەن:


http://www.zanayan.org/book_pro.php?id=165&scheme=


http://www.zanayan.org/book_pro.php?id=166&scheme=