یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سه‌رۆكی یه‌كێتی زانایان: هه‌رێمی كوردستان شوێنی پێكه‌وه‌ژیانی ئایینی و پەناگەیەکی ئارامە بۆ ئاوارەکان‌    *****    *****   پارێزگاری هەولێر سەردانی مەکتەبی مەکتەبی یەکێتی زانایان دەکات    *****    *****   مامۆستا مەلا عبدالله قەشانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە وەزیری ئەوقاف و کاروباری ئایینی و شاندێکی یاوەری دەکات    *****    *****   مامۆستا مەلا عیسی مشختی زێباری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی مەکتەبی تەنفیزی یەکێتی زانایان سەردانی سەرۆکی کۆمەڵی دادگەری کوردستان دەکات    *****    *****   پرسەنامە.. مامۆستا مەلا هادی سلیم فەتاح کۆچی دوایی کرد    *****    *****   توێژینەوەیەکی وردو تێرو تەسەل لەبارەی (حەیزو نیفاس لە شەریعەتی ئیسلام)ەوە    *****    *****   لقی ئاکرێی یەکێتی زانایان لە کۆبوونەوەیەک چەند پرسێک تاوتوێ دەکات    *****    *****   لقی رانیەی یەکێتی زانایان پێشوازی لە لێژنەی ئەوقافی پەرلەمانی کوردستان دەکات    *****    *****   لقی شەقلاوەی یەکێتی زانایان کۆبوونەوەیەک ساز دەکات    *****    *****   سەرۆکی یەکێتی زانایان: لەناو کورد مزگەوت ناوەندێکی گەورەی دینداری و زانستی و هۆشیاری نیشتمانی بووە   
کتێبی (دیدی ئیسلام.. پرسی هزری توندڕەویی- سەربەخۆیی و پێکەوەژیان) بەچاپ گەیشت
به‌رواری دابه‌زاندن: 20/11/2020 : 22:27:03
قه‌باره‌ی فۆنت

 ئەم کتێبە (دیدی ئیسلام.. پرسی هزری توندڕەویی- سەربەخۆیی و بە یەکەوە ژیان) یەکێکە لەو بەرهەمە نایابانەی زادەی تێڕوانین و خامەی رەنگینی زانایانی کوردە، کە راشکاوانە هەڵوێستی خۆیان لە چوارچێوەی تێگەیشتنی دروستی ئایینی لەمەڕ پرسە هەستیارەکانی وەک (توندڕەوی و تیرۆر، مافی سەربەخۆیی و دەوڵەتبوون، ئاشتی و پێکەوەژیان، هەستی نەتەوەیی و نیشتمانی، ریفۆڕمی ئیداری و کۆمەڵایەتی، یەکریزی و وەلانانی ململانێ....هتد) خستۆتە ڕوو.


ئەم کتێبە کۆکراوەی دیدو خزمەت و تێڕوانین و هەست و هەڵوێستی زانایانی ئایینیە لە ماوەی قۆناغی شەڕی نەگریسی داعش و پارێزگاری لە کیان و قەوارەی کوردستان، واتە هەڵقوڵاوی هەناوی قۆناغێکی تایبەتە، کە تێیدا کوردستان لە پێناو سەقامگیری و پاراستنی کەڕامەت و رەتکردنەوەی داگیرکاری دەریایەک خوێنی بەخشی.


ئەم هەنگاوە پرۆژەیەکی هاوبەشی (یەکێتی زانایانی ئایینی ئیسلامی کوردستان و گۆڤاری گوڵان)ە، کە وەک خزمەتێک بۆ بەرچاوخستنی رۆڵ و پێگەی زانایانی ئایینی و هەستی بەرزی نەتەوەپەروەری و نیشتمان دۆستیان لە رێی هۆشیارکردنەوە تاکی کوردو پاڵپشتی مەعنەوی هێزی پێشمەرگەو هاندانی کۆمەڵگە بۆ پارێزگاری لە خاک و خەڵکی کوردستان و رەتکردنەوەی داگیرکاری و هزری توندڕەوی و تیرۆر.


ئەم کتێبە لە کۆتایی ساڵی 2019 بە تیراژی 2000 دانەو بە قەبارەی 424 لاپەڕە چاپ کرا، بڕیار وابوو لە هەنگاوێکی شایستەدا تایبەت بە ناساندن و بەرچاوخستن و شیاندنی ئەم کارو پرۆژەیە لەسەر ئاستی کوردستان مەراسیمێکی پەیوەست بەرێوە بچێت، بەڵام بەداخەوە کۆرۆنا دەرفەتی سازکردنی نەهێشت.


لەم کتێبەدا کۆمەڵێک بابەت و توێژینەوەو دیمانەو راپۆرتی مەیدانی و شرۆڤەو شیکاری ئایینی و هزری و لۆژیکی خراوەتە ڕوو، کە هەنگاوێکی گرنگی مێژوویی و دیکۆمێنتاری خزمەتی زانایانی ئایینیە لە پێناو بەرەو پێشبردنی کیانی کوردی و پاراستنی کوردستان، لەهەمان کات سەرچاوەو خەرمانێکی بە پێزە بۆ توێژەرو خوێنەرو نوسەرو هزرڤانان.