یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی حکومەتی هەرێم ستایشی رۆڵی زانایان دەکات    *****    *****   بەرێوەبەری ناحیەکانی خلیفان و دیانا و سیدەکان و بەڕێوەبەری ئەوقافی سۆران سەردانی لقی سۆرانی یەکێتی زانایان دەکەن    *****    *****   پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە    *****    *****   شاندێكی مەکتەبی تەنفیزی یەکێتی زانایان سەردانی دەڤەری ئاکرێ دەکات    *****    *****   لەسەر داوای یەکێتی زانایان و وەزارەتی ئەوقاف داواکاری گشتی سکاڵای سزایی لەسەر (لوقمان کەریم) دەجوڵێنێت    *****    *****   مامۆستا مەلا مقداد محمد سعيد کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   وەزیری ئەوقاف و کاروباری ئایینی و وەزیری تەندروستی سەردانی مەکتەبی تەنفیزی یەکێتی زانایان دەکەن    *****    *****   شاندێکی بزووتنەوەی ئیسلامی سەردانی لقی هەولێری یەکێتی زانایان دەکات    *****    *****   قائيمقامی قەزای شێخان سەردانی لقی شێخانی یەکێتی زانایان دەکات    *****    *****   شاندێکی باڵای مەکتەبی کۆمەڵایەتی گشتی سەردانی مەکتەبی تەنفیزی یەکێتی زانایان دەکات    *****    *****   مامۆستا مەلا محمد رشید محمد علی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان لەپێناو ئاشتی و بەرژەوەندی گشتی پەیامێک ئاراستەی لایەنە سیاسیەکان دەکات   
مەکتەبی تەنفیزی یەکێتی زانایان پێشوازی لە وەزیری ئەوقاف و کاروباری ئایینی و شاندێکی یاوەری دەکات
به‌رواری دابه‌زاندن: 01/03/2021 : 17:42:16
قه‌باره‌ی فۆنت

 


ئەمرۆ 1ی3ی2021 بەرێز د. عبدالله مەلا وەیسی سەرۆکی یەکێتی زانایان و مامۆستا مەلا جەلال خەیلانی جێگری سەرۆک و ژمارەیەک لە ئەندامانی مەکتەبی تەنفیزی و سەرکردایەتی پێشوازیان لە بەرێز د. پشتیوان سادق وەزیری ئەوقاف و کاروباری ئایینی و شاندێکی یاوەری هەریەک لە بەرێزان زێندین مەولود بریکاری وەزارەت و د. دیار جەباری بەرێوەبەری گشتی و شێخ ئیبراهیم بەرزنجی کرد.


سەرەتای دانیشتنەکە بەرێز د. پشتیوان سادق وەزیری ئەوقاف و کاروباری ئایینی سوپاسی پێشوازی گەرمی یەکێتی زانایانی کردو تیشکی خستە سەر پێگەو رۆڵی یەکێتی زانایان لەخزمەت کردنی پرسە ئایینی و نیشتمانیەکان و پاڵپشتیان بۆ هەنگاوەکانی وەزارەتی ئەوقاف و کاروباری ئایینی، هەروەک جەختیشی لە هەماهەنگی پتری نێوان وەزارەت و یەکێتی زانایان کردەوەو ئامادەیی هەموو جۆرە پاڵپشتی و هەنگاوێکی لەپێناو خزمەتکردنی رەوشی ئایینی و مزگەوت و مامۆستایانی ئایینی دەربرِی و هیوای خواست پێکەوەو بە راوێژو لێکتێگەیشتن بتوانن کارەکان بەرێوە ببەن و پرۆسەی گوتاری ئایینی و هەست و هزری میانرِەوی و سەقامگیری و پێکەوەژیان لە کوردستان زیاتر پەرە پێ بدەن، لەلایەکی تریش بابەتی خوێندینی ئایینی و وتاری هەیینی و هۆشیارکردنەوەی کۆمەڵگە لەمەڕ خۆپارێزی زیاتر پەرە پێ بدەن.


دواتر بەرێز د. عبدالله مەلا وەیسی سەرۆکی یەکێتی زانایان وێرای دووبارە بەخێرهێنان، سوپاسی یەکێتی زانایانی ئاراستەی وەزیری ئەوقاف و شاندی یاوەری کردو تیشکی خستە سەر ئەرک و پرسە هاوبەشەکان و هیوای خواست ئەو خەمخۆری و هەنگاوانە ببەنە فاکتەری زیاتر خزمەتکردنی زانایانی ئایینی و دۆخی ئایینی لە کوردستان، هەروەک ئاماژەی بەوە کرد کە زانایانی ئایینی رۆڵێگی گەورەیان هەیە لەخزمەتکردنی ئایین و نەتەوەو ئاراستەکردنی کۆمەڵگە بۆ هۆشیاریەکی پترو پەیرەوی رێبای میانڕەوی و چارەسەرکردنی کێشەکان و بەرەو پێشبردنی پرۆژەی چاکسازی.


سەرۆکی یەکێتی زانایان لە درێژەی قسەکانی گوتیشی: یەکێتی زانایان ئامانجی خزمەتکردنەو خوازیارە ئەو زەمینە ببێتە هۆکاری کردەیی و میکانیزمی شۆرکردنەوەی بریارو راوێژو هەماهەنگیەکان، بۆ ئەوەی بتوانین لەهەموو ئاستەکان بە باشترین شێوە خزمەتەکان لەسەر ئەرزی واقع ببینرێن.


شایەنی باسە هەر لەو دانیشتنەدا کۆمەڵێک کەیس و پرسی دیکەی پەیوەست بەهەردوولا  گفتوگۆی تێرو تەسەلی لەبارەوە کراو چەند راسپاردەو بریارێکیش یەکلایی کرایەوەو، ئامادەبوانیش بە سەرنج و تەرح و پێشنیارەکانیان دانیشتنەکەیان دەوڵەەندتر کرد.