یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
شاندێکی باڵای یەکێتی زانایان لە فرۆکەخانەی هەولێر پێشوازی لە پاپا فرانسیس دەکات
به‌رواری دابه‌زاندن: 07/03/2021 : 16:52:55
قه‌باره‌ی فۆنت

ئەمرۆ 7ی3ی2021 بەرێز د. عبدالله مەلا وەیسی سەرۆکی یەکێتی زانایان و مامۆستا مەلا جەلال حەیلانی جێگری سەرۆک و ژمارەیەک لە ئەندامانی سەرکردایەتی یەکێتی زانایان بەشداریان لە مەراسیمی پێشوازی لە پاپا فرانسیس پاپای ڤاتیکان کرد.


بەو پێیەی کوردستان ماڵی گەورەی هەمووانەو پاپا وەک میوانێکی تایبەت و خاوەن پێگەو کەسی یەکەمی رۆحانی ئایینی کاسۆلیکی سەردانی کوردستان دەکات زانایانی ئایینی وەک ئەرکی میواندۆستی و پیشاندانی نمونەی پێکەوەژیانی ئایینی لە فرۆکەخانەی هەولێری نێودەوڵەتی لەو مەراسیمە بەشدار بوون.


سەرۆکی یەکێتیی زانایانی ئایینی ئیسلامی کوردستان راگەیاند: ئەمڕۆ وەکو مامۆستایانی ئایینی بەشداربووین لە پێشوازیکردن لە پاپا فرانسیس وەکو میوانی هەرێمی کوردستان، دیدارێکی کورتمان ئەنجامدا، لەو دیدارە تەرکیزم لەسەر کۆمەڵێک خاڵ کردەوە، گەلی کورد گەلێکی میواندۆستە، رێزی میوان زۆر دەگرێت، هەر بۆیە لەو سۆنگەیەوە پڕ بەدڵ بەخێرهاتنت دەکەم.


لەکاتی گەیشتنی پاپاو دیداری لەگەڵ زانایانی ئایینی بەرێز د.عبدالله مەلا وەیسی سەرۆکی یەکێتی زانایان لەکاتی تەوقەو دیداری لەگەڵ پاپا راگەیاند: بەناوی مسوڵمانانی کوردستان بەخێرهاتنێکی گەرمت دەکەین بۆ کوردستان، کە لە دێرزەمانەوە هەمیشە لانکەو پارێزەری پێکەوەژیانی ئایینی بووە، دڵنیاییش دەدەین هەمیشە بەو شێوەیە دەمێنێتەوە، بەتایبەت ئەو پێکەوەژیان و ئازادی ئایینی لە کوردستان هەڵقوڵاوی قەناعەتی خەڵکەکەیە.


سەرۆکی یەکێتی زانایان ئەوەشی پێ راگەیاند: ئەو جۆرە ئازادییە لە هیچ شوێنێکی دیکەی رۆژهەڵاتی ناوەڕاست بوونی نییە، کە لە کوردستان هەیە، بێگومان مەلای کورد فاکتەرێکی سەرەکی ئەو ئازادی و پێکەوەژیانەیە، بۆیە بەرامبەر هەموو هەوڵێكیش وەستاوینەتەوە کە کار بۆ تێکدانی ئەو کەشە ئارامە بکەن.


پاپا فرانسیس لە وڵامی سەرۆکی یەکێتی زانایان وێڕای دەربڕینی خۆشحاڵی بەو پێشوازی و هەڵوێستە گرنگە رایگەیاند: سوپاستان دەکەم و هیوادارم لەسەری بەردەوام بن. گوتیشی: زۆر دڵخۆشم بەوەی کە دەبینم موسڵمانان لەگەڵ مەسیحی و پێکهاتەکانی دیکە زۆر تەباو بران لەگەڵ یەکدی.