یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا ئیبراهیم سۆفی ماوەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی پارێزگای هەولێر سەردانی مەکتەبی تەنفیزی یەکێتی زانایان دەکات    *****    *****   وەزیری هەرێم بۆ کاروباری پێکهاتەکان سەردانی مەکتەبی تەنفیزی یەکێتی زانایان دەکات    *****    *****   ئەمینداری گشتی یەکگرتووی ئیسلامی کوردستان پیرۆزبایی لە یەکێتی زانایان دەکات    *****    *****   بە بۆنەی ساڵیادی دامەزراندنیەوە مەکتەبی تەنفیزی یەکێتی زانایانی مەراسیمی پێشوازی میوانان بەرێوە دەچێت    *****    *****   سه‌رۆكی په‌رله‌مانی كوردستان سه‌ردانی یه‌كێتیی زانایانی ئاینیی ئیسلامیی كوردستان ده‌كات    *****    *****   وەزیری ئەوقاف و کاروباری ئایینی بە نوێنەرایەتی سەرۆکی حکومەتی ھەرێم سه‌ردانی یه‌كێتی زانایان ده‌كات    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجاو یەک ساڵەی دامەزراندنی یەکێتی زانایانی ئایینی ئیسلامیی کوردستان    *****    *****   لە پەیامێکدا سەرۆکی ھەرێمی کوردستان پيرۆزبايى له‌ يه‌كێتيى زانايان ده‌كات    *****    *****   پەیامی سەرۆك بارزانی بە بۆنەی پەنجا و یەكەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   مامۆستا مەلا ئەحمەدی سیوەیلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   وەزیری ئەوقاف و کاروباری ئایینی و سەرۆکی یەکێتی زانایانی لەگەڵ مامۆستایانی ئایینی قەزای شقڵاوە کۆبوونەوە   
یەکێتی زانایان بە بۆنەی هاتنەوەی جەژنی رەمەزان پەیامێکی پیرۆزبایی بڵاودەکاتەوە
به‌رواری دابه‌زاندن: 12/05/2021 : 00:41:46
قه‌باره‌ی فۆنت

بە بۆنەی هاتنەوەی جەژنی رەمەزانی پیرۆز یەکێتی زانایانی ئایینی ئیسلامی کوردستان جەژنە پیرۆزە لە موسڵمانان دەکات و پەیامێک بڵاو دەکاتەوە، ئەمەی خوارەوە دەقەکەیەتی:


 


به‌ناوی خوای به‌خشنده‌ی میهره‌بان


(وَمَن يُعَظِّمْ شَعَائِرَ اللَّهِ فَإِنَّها مِن تَقْوَى الْقُلُوبِ)


به‌بۆنه‌ی هاتنه‌وه‌ی جه‌ژنی پیرۆزی ره‌مه‌زان پیرۆزباییه‌کی گه‌رم له‌ ته‌واوی موسڵمانانی کوردستان ده‌که‌ین، بەتایبەت زانایانی ئایینی کە بەدڵسۆزی و هەستی بەرپرسیارێتی لەخزمەتی مزگەوت و موسڵمانان بوون، له‌ خوای گه‌وره‌ داواکارین رۆژو و خواپه‌رستی نزاو خێری هه‌موو لایه‌ك قبوڵ بکات و، ئه‌م جه‌ژنه‌ ببێته‌ جه‌ژنی ئاشتی ته‌بایی و برایه‌تی و نەمانی نەخۆشی.


بێگومان جەژن دروشمێکی گەورەو دەرفەتێکی تایبەتە بۆ تازەکردنەوەی هەستی برایەتی و لێبوردن و پەیوەندی کۆمەڵایەتی و گەردەن ئازایی و بەسەرکردنەوەی خزم و دۆستان، بەڵام لەبەر ئەوەی لە دۆخی نەخوازراوی کۆرۆنا داین، هیوادارین هاوڵاتیان لەگەڵ جەژن و جەژنانە رەچاوی سەلامەتی یەکتر بکەن و پابەندی رێنماییە تەندروستیەکان بن.


بەدەرفەتی دەزانین داوا لە سەرجەم لایەنە سیاسیەکان بکەین، کە بەگیانی بەرپرسیارێتی، ئەم جەژنە بکەنە هەوێنی لێکنزیکی و تەبایی و چارەسەری کێشەو ئاریشەو، وەلانانی بەرژەوەندییە تەسکەکان و ململانی ناتەندروست.


هەر لێرەشەوە سوپاس بۆ سەرجەم موسڵمانان لە پابەندیان بە رێنماییەکان، سوپاس بۆ هێزەکانی ناوخۆو پێشمەرگە لە پاراستن و چاودێری رەوشی ئەمنی هاوڵاتیان و کوردستان، سوپاس بۆ کارمەندانی تەندروستی کە ماندوونەناسانە لەخزمەتی سەلامەتی هاوڵاتیان بوونە، سوپاس بۆ دەزگاکانی راگەیاندن بەگشتی کە لە گواستنەوەی پەیامی زانایان و بەرنامەی ئایینی رۆڵی ئیجابیان بینی، سوپاس بۆ دەزگاو کەسایەتیە خێرخوازەکان کە هاوکارو پشتیوانی خەڵکی پێویست و هەژار بوون. 


دووباره‌ جه‌ژنی هه‌موو لایه‌کتان پیرۆز بێت و خوای گەروە تاعەت و نوێژو رۆژووی هەموو لایەک قەبوڵ بفەرموێت و ئەم نەخۆشی و ناخۆشیە لەسەر هەمووان هەڵبگرێت.


 


یەکێتی زانایانی ئایینی ئیسلامی کوردستان


12ی5ی2021


30ی رەمەزانی 1442ک