یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی سۆرانی یەکێتی زانایان دانیشتنی هەفتانەی خۆی سازدەکات    *****    *****   لقی شقلاوەی یەکێتی زانایان پێشوازی لە شاندێکی زانایانی فەلوجە دەکات    *****    *****   لقی زاخۆی یەکێتی زنایان کۆبوونەوەیەک ئەنجام دەدات    *****    *****   لقی سلێمانی پێشوازی لە شاندێکی باڵای سەنتەری ساداتی پیرخدری دە کات    *****    *****   لقی سلێمانی یە کێتی زانایان بە شداری خولێکی دەرچوانی فێرخوازانی قورئانی پیرۆز دەکات    *****    *****   سەرۆکی یەکێتی زانایان بەشداری کۆڕبەندی زانستی پزیشکی ئیسلامی لە شاری هەولێر دەکات    *****    *****   شاندێک لە مەتڕانەکانی عەنکاوەی شاری هەولێر سەردانی مەکتەبی تەنفیزی یەکێتی زانایان دەکات    *****    *****   روونکردنەوەیەک لە یەکێتی زانایان سەبارەت بە پێشنیازە یاسای بەرەنگاربوونەوەی توندو تیژی خێزان و ئافرەت لە هەرێمی کوردستان    *****    *****   کونسوڵی گشتی شانشینی ئوردەن سەردانی مەکتەبی تەنفیزی یەکێتی زانایان دەکات    *****    *****   مامۆستا مەلا مستەفای حافز کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەمینداری گشتی یەکگرتووی ئیسلامی پەیامێکی پیرۆزبایی ئاراستەی یەکێتی زانایان دەکات    *****    *****   جێگری سەرۆکی هەرێم په‌یامی پیرۆزبایی ئاراسته‌ی یه‌كێتیی زانایانی ئایینی ئیسلامی كوردستان دەکات   
یەکێتی زانایان و وەزارەتی پەروەردە لەسەر پرسی وانەی پەروەردەی ئیسلامی کۆدەبنەوە
به‌رواری دابه‌زاندن: 04/07/2022 : 15:22:54
قه‌باره‌ی فۆنت

ئەمرۆ 4ی7ی2022 شاندێکی باڵای یەکێتی زانایان بە سەرپەرشتی بەرێز د. عبدالله مەلا وەیسی سەرۆکی یەکێتی زانایان سەردانی وەزارەتی پەروەردەی حکومەتی هەرێمیان کردو لەلایەن بەرێز د. ئالان حەمە سەعید وەزیری پەروەردە بەگەرمیەوە پێشوازی کران.


سەردانەکە بە مەبەستی بەدواداچوون و گفتوگۆی پرسی گۆڕین و نەگۆڕینی وانەی پەروەردەی ئیسلامی بوو، کە ماوەیەکە دەنگۆی ئەوە هەیە وانەی پەروەردەی ئیسلامی دەگۆڕدرێت و لە شوێنیدا وانەی پەروەردەی ئایینەکان یان مێژووی ئایینەکان دەخوێندرێت.


سەرەتای دانیشتنە بەرێز د. عبدالله مەلا وەیسی سەرۆکی یەکێتی زانایان ئامانجی سەردان و دانیشتنەکەی بۆ وەزیری پەروەردە باس کردو ئاماژەی بە رۆڵی وانەی پەروەردەی ئیسلامی کرد لە پەروەردەکردنی رۆڵەکانمان لەناوەندەکانی خوێندن و تەئکیدی لەوە کردەوە کە یەکێتی زانایان بەهەموو توانایەکی پاڵپشتی بایەخی زیاتر بە بواری پەروەردە دەکات.


سەرۆکی یەکێتی زانایان گوتیشی: ماوەیەکە دەبیستین کە گوایە وانەی پەروەردەی ئیسلامی دەگۆڕدرێت و بابەتی تر لە شوێنی دادەندرێت، بۆیە ویستمان لە نزیکەوە تاوتوێی راستی و ناراستی و ئەگەری ئەم پرسە لەگەڵ ئێوە باس بکەین، چونکە بۆ هەموو لایەکمان پەروەردەو وانەی پەروەردەی ئیسلامی گرنگەو کوردستانیش تایبەتمەندی خۆی هەیە.


دواتر بەرێز د. ئالان حەمە سەعید وەزیری پەروەردە وێڕای خۆشحاڵی دەربڕین بەو سەردانەی شاندە، باسی لە رۆڵ و پێگەی یەکێتی زانایان کردو سوپاسی خۆیشی ئاراستەی سەرۆک و ئەندامانی مەکتەبی تەنفیزی یەکێتی زانایان کرد بۆ ئەوەی لە نزیکەوە ئاگاداری تەواوی زانیاریەکان بن.


وەزیری پەروەردە گوتی: سەبارەت بە دەنگی گۆڕینی وانەی پەروەردەی ئیسلامی هیچ بنەمایەکی دروستی نیەو بە دڵنیاییەوە نە شتی وا بووە نە شتی واش دەبێت، بەڵکو ئێمە لە قۆناغی 1ی سەرەتایی تا 12ی ئامادەیی کتابی وانەی پەروەردەی ئیسلامیمان بە جوانترین شێوە چاپ کردۆتەوەو یەک بڕگەشمان نەگۆڕیوە، نە سیاسەتی وەزارەت و نە بەرنامەی حکومەتیش بەو ئاراستە نیە شتی وا بکات، لەوەش زیاتر دڵنیاتان دەکەمەوە کە لە وەزارەتی پەروەردە بیر لە هەنگاوی لەو شێوە نەکراوەتەوە.


شایەنی باسە یەکێتی زانایان لە ماوەی رابردوو هەماهەنگی تەواوی هەبووە لەگەڵ وەزارەتی پەروەردەو لەبەرنامەی کاریش بووە هەردوولا پەرەی زیاتر بە رەوشی پەروەدەی ئیسلامی بدەن، ئەو دەنگۆیانەی لەبارەی گۆڕین و نەگۆڕینی وانەی پەروەدەری ئیسلامیەوە هەن و بازاڕی سۆشیال میدیای پێ گەرم کراوە، هیچ بنەمای دروستیان نیەو وانەی پەروەردەی ئیسلامی وەک خۆی ماوەتەوەو دەمێنێتەوە.