سێشەمبی 22/8/2023 رێورەسمێن دوماهیك ئینانا خولا راهێنانا گوتاربێژان ئەوا هاتیە رێكخستن ل ژێر چاڤدێریا بەرێز( دكتور پشتیوان صادق) وەزیرێ ئەوقاف و كاروبارێن ئاینی ل هەرێما كوردستانێ.
ئێكەتیا زانایێت ئاینی ئیسلامی لقێ دهوك ب هەفكاری دگەل زانكویا دهوك كولیژا زانستێن مروڤایەتی بەشێ پەروەردا ئاینی ئەف خولە ب رێڤەدبر، ب ئامادەبونا بەرێز(د.عبدالله وەیسی) سەروكێ ئێكەتیا زانایێت ئاینی ئیسلامی كوردستان و دیسان بەرێز( دكتور ملا جهاد دوسكی) ئەندامێ سەركرداتیا ئێكەتیا زانایێن ئاینێ ئیسلامی و سەروكێ لقێ دهوك و بەرێز( ملا رێبەر حەجی) رێڤەبەرێ ئەوقافا قەزا دهوكێ رێورەسمێن دوماهیك ئینانا خولێ ب رێڤەچو.
هەژیە بێژین ئەف خولە بو ماوێ هەیڤەكێ ڤەكێشا حەفتیێ سێ روژ هەر روژ دو وانە هاتنە پێشكێشكرن و ماموستایێن خولێ پێكهاتی بون ژ ماموستایێن زانكویێ و ئەندامێن لژنا فەتوایێ و شیرەتكارێن پەرلەمانی و ئەفسەرێن سەربازی و دەرونناسا و شارەزایێن یاسایی.
دڤێ رێورەسمێ دا بەرێز دكتور( ملا جهاد دوسكی) پەیڤا بخێرهاتنێ پێشكێشكر و پاشی بەرێز( (دكتور ملا عبدالله وەیسی) پەیڤەك پێشكێشكر وپاشی سوپاسنامە هاتنە پێشكێشكرن ل سەر ماموستایێن خولێ و دیسان باوەرنامە هاتنە پێشكێشكرن ل سەر بەشداربویێت خولێ ژ گوتاربێژان.
راگەهاندنا لقێ دهوك زانایان
لە پێناو پاراستنی ئارامی مزگەوتەکان و یەکڕیزی ناو موسڵمانان و یەکخستنەوەی پەرستش و دروشمە ئایینیەکان وەزیری ئەوقاف و کاروباری ئایینی فەرمانێک دەر دەکات
یهكێتی زانایانی ئایینی ئیسلامی کوردستان به بۆنهی مانگی مەولودو لهدایكبوونی پێغهمبهر(درودی خوای لهسهر بێت) بەیاننامەیەک بڵاو دەکاتەوە
