ئەمرۆ 10ی2ی2025 بەرێز د.عبدالله مەلا وەیسی سەرۆکی یەکێتی زانایان بە ئامادەبوونی بەرێزان مامۆستا مەلا جەلال خەیلانی جێگری سەرۆک و ژمارەیەک لە ئەندامانی مەکتەبی تەنفیزی یەکێتی زانایان، پێشوازی لە بەرێز دکتۆر مورشید شێخ مەعشوق خەزنەوی کەسایەتی دیاری ئایینی و بنەماڵەی خەزنەوی لە رۆژئاوای کوردستان کرد.
لەدانیشتنێکدا باس لە رەوشی ئایینی و رۆڵی زانایانی ئایینی و دواپێشهاتەکان و بارودۆخی ئێستای کوردستان و ناوچەکەو رەوشی کوردانی سوریا بە تایبەت دوای روخانی رژێمی پێشوو گفتوگۆی لەبارەوە کراو تەئکید لە پێویستی هەماهەنگی و یەک گوتاری و زمانی دیالۆگ و پەیامی ئاشتی کرایەوە.
لە بەشێکی تری گفتوگۆیەکان باس لە گرنگی هۆشیاری و هەستیاری قۆناغەکەو شێوازی گوتاری کورد و رۆڵی زانایانی ئایینی لە دۆزینەوەی چارەسەرەکان بە شێوازێکی ئاشتیانە کراو، هەمووان کۆک بوون لەوەی کورد مافی خۆیەتی داوای مافەکانی خۆی بکات و چیتر نەبێتە قوربانی سیاسەتەکان.
