یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی گەرمیانی یەکێتی زانایانی کۆبوونەوەیەک سەبارەت بە دۆخی تەندروستی دەڤەرەکە دەکات    *****    *****   تا ئێستا 30 زانای ئایینی تووشی کۆرۆنا بوونەو چواریشیان بەو هۆیەوە گیانیان لەدەست داوە    *****    *****   لقی شێخانی یەکێتی زانایان سەردانی ئەنجومەنی پارێزگای دهوک دەکات    *****    *****   خێرخوازێک بەرهەمی تەماتەی جووتیاران دەکڕێت و بەسەر کەمپەکان و خەڵکی هەژار دابەشی دەکات    *****    *****   سۆران: گه‌نجێكى نابینا لە‌ ماوه‌ى ٦ ساڵ تەواوی قورئانی پیرۆز و ٢٥٠ فەرموودە لەبەر دەکات ‎    *****    *****   قایمقامی قەزای شێخان سەردانی لقس شێخانی یەکێتی زانایان دەکات    *****    *****   مامۆستا مەلا محمود فقێ محمد شەمێرانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بۆ کۆچی دوایی شێخ محمد شێخ عبدالکریم کەسنەزانی یەکێتی زانایان پرسەنامەیەک رادەگەیەنێت    *****    *****   مامۆستا مەلا سلێمان پیرۆمەری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا: سوتاندنی گیانداران بە زیندوویی بە هیچ شێوەیەک دروست نیە    *****    *****   مامۆستا مەلا شێخ حوسێن بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حەسەن باوەمردەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات   
بەلاغی كۆتایی ئەنجومەنی ناوەندی یەكێتی زانایان
به‌رواری دابه‌زاندن: 05/01/2011 : 13:33:05
قه‌باره‌ی فۆنت
((ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ))

ئەمڕۆ 5/1/2011 ئەنجومەنی ناوەندی یەكێتی زانایانی ئاینی ئیسلامی كوردستان كۆبوونەوەی ئاسایی خۆی بەست، لە كۆبونەوەكەدا ئەنجومەن جەغتی كردەوە لە پارێزگاریكردن لە دەستكەوتە نەتەوەییەكانی گەلەكەمان‌و هەوڵدان بۆ ئەوەی بە شێوازێكی بەرپرسیارانە ئەو كێشانە بخرێنە روو لە مینبەری مزگەوتەكانەوە باسی بكرێن.

یەكێتی زانایان جارێكی دیكەش بانگەوازی دەكەن بۆ سەرجەم رێكخراوەكانی ئافرەتان‌و ژنان، ئێمە دەرگامان واڵایە بۆ هەموو هاوكاری‌و هەماهەنگیەك كە خزمەت بە ئافرەت دەكات‌و زیاتر مافەكانی فەراهەم دەكات.
هەموو لایەكیش دڵنیا دەكەینەوە كە مینبەری مزگەوتەكان هەمیشە شوێنی پێدانی مافەكانی ئافرەتان‌و بەختەوەركردنی خێزان بوونەو هەن،
بە پێچەوانەوە بە سوكایەتی كردن بە مینبەرو مزگەوتەوە كێشەكان ئاڵۆزتر دەبن‌و خزمەت بە ئافرەتان ناكات! چونكە زانایان خۆیان بە داكۆكی كاری یەكەمی ئافرەتان دەزانن.

هەر لێرەوە جارێكی دیكە جەغت لەسەر هاوكاری‌و هەماهەنگیمان بۆ كاروانی رۆشنبیری كوردستان دەكەینەوە.

هەموو لایەكیش دڵنیا دەكەینەوە كە زانایانی ئاینی رۆژنامەكانی كوردستان بە موڵكی خۆمان دەزانین‌و جارێكی دیكەش دەستی هاوكاری درێژ دەكەینەوەو بەبەشێك لە خۆمانی دەزانین.

بۆیە لێرەوە داوادەكەین هەموومان لە ئاست بەرپرسیارێتی دابین بەرامبەر ئاین‌و نیشتمان‌و گەلەكەمان، داواش دەكەین واز لە زمانی تەشهیرو سوكایەتی كردن بە ئاین‌و پیرۆزیەكان بهێنن‌و لەبری زمانی سوكایەتی پێكردن وەكو رۆژنامەی (ئاسۆ) هەنگاوی مەزن بهاوێژن‌و داوای لێبوردن بكەن، كە ئەمەش نیشانەی گەورەیی‌و هەستكردنە بە مەسئولیەت.

یەكێتی زانایان داوا دەكات هەموو كارێكمان خزمەت بە ئەزموونی هەرێمی كوردستان بێت‌و وەك یەكەم رۆژ ڕامان گەیاندوە ئێمە لەگەڵ تەشهیرو ناوهێنانی هیچ كەسێك نینە لە مینبەری مزگەوتەكانەوە.

هەموو لایەكیش ئەو حەقیقەتە دەزانن كە مامۆستایانی ئاینی لە ئەنجامی دڵسۆزیان بۆ گەل‌و وڵات‌و جەماوەرمان متمانەی تەواویان هەیە. بەڵام لەبەر ناسكی دۆزی رەوای گەلەكەمان هیچ هەنگاوی جەماوەریان نەهاویشتووە، هیودارین ناچاریش نەكرێین بۆ ئەوەی ئەو هەنگاوە بهاوێژین.

هەروەك داوا دەكەین هەموو لایەك لەو ئاستەدابین‌و هەر كەسێكیش تێبینی لەسەر: كتێبێك، وتارێك، نووسراوێك.. هەیە ئەگەر لە چوارچێوەی تەشهیر كردن بێت دەتوانن وەڵامیان بدەنەوە.

بەڵام تەنها قسەكردن‌و نارەزایی دەربڕینی بێ بنەما مەسەلەكان چارەسەر ناكات.

لە كۆتاییدا: داوا لە پەرلەمانی كوردستان‌و حكومەتی هەرێم‌و داواكاری گشتی‌و سەندیكای رۆژنامەنووسان دەكەین: بڕگە یاسای رێگرتن لە سوكایەتیكردن بە پیرۆزییەكان تەفعیل بكەن‌و، هیچ كەسێك لە چوار چێوەی یاسا دەرنەچێت، بە پێچەوانەوە لەوانەیە كاردانەوەی تووندی جەماوەری لە بەرامبەر ئەو خەرقكردنی یاسای دروست بێت، كە ئێمەش خوازیاری ئەوەنین بۆ ئەوەی هەموومان پێكەوە خزمەت بەگەل‌و نیشتیمانمان بكەین‌و رێزو گەورەیی دام‌و دەزگا شەرعیەكانمان هەمیشە بەبەرزی بمێنێتەوە.

دووپاتیشی دەكەینەوە كە یەكێتی زانایان تاكە نوێنەری زانایانی كوردستانەو، هەموو پشتیوانیەكی زانایانی ئاینیش دەكات‌و داواش لە مامۆستا بەرێزەكانمان دەكەین لە مینبەری پیرۆزی مزگەوتەكانەوە ناوی هیچ كەس‌و رۆژنامەو سایتی تایبەتی نەهێت.
لەگەڵ رێزماندا.

یەكێتی زانایانی ئایینی ئیسلامی كوردستان
ئەنجومەنی ناوەندی
‏5/1/2011