یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان جەژنی رەمەزان لەهەموو لایەک پیرۆز دەکات    *****    *****   لقی هەولێری یەكێتی زانایانی ئاینی ئیسلامی كوردستان پێشوازی لە بەڕێوەبەری ئەوقافی پارێزگای هەولێر دەکات    *****    *****   لقی شێخانی یەکێتی زانایان بەشداری ئاشتەواییەک دەکات    *****    *****   ئەم بەرهەمە (چەمکی هاوڵاتیبوون) کەوتە بەر دیدی خوێنەران    *****    *****   سەرۆکی یەکێتی زانایان بەشدار کۆنفرانسێکی نێودەوڵەتی تایبەت بە کۆرۆنا دەکات    *****    *****   مامۆستا مەلا شفیق ئێدلبی کۆچی دوای کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بەشداری کۆبوونەوەی فراوانی تایبەت بە کۆرۆنا دەکات    *****    *****   بەهۆی وەفاتی خۆشکیانەوە یەکێتی زانایان پرسەنامەیەک ئاراستەی مامۆستا مەلا خدر خەلیفانی دەکات    *****    *****   مامۆستا مەلا عمر بێکڵۆیی کۆچی دوای کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرەتای هەفتەی داهاتوو بڕیار لەسەر کردنەوەی دەرگای مزگەوتەکان دەدرێت    *****    *****   شێخ محمد دەدو: کوردستان زانای گەورەی تێدایە    *****    *****   پارێزگاری هەولێر بەیاوەری بەڕێوەبەری گشتی تەندروستی هەولێر سەردانی لقی هەولێری یەكێتی زانایان دەکات   
یەکێتی زانایان داوای داخستنی قومارخانەکان دەکات
به‌رواری دابه‌زاندن: 12/04/2016 : 13:40:06
قه‌باره‌ی فۆنت
بەناوی خوای بەخشندەی میهرەبان
(يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ)
به‌ پێى به‌دواداچوون و ئه‌و زانیارییانه‌ى ده‌ستمان كه‌وتوون، به‌دڵنیاییه‌وه‌ بۆمان ده‌ركه‌وتووه‌ كه‌ تا ئێستا له‌ شاره‌كانى هه‌رێمى كوردستان به‌تایبه‌تى له‌ شاره‌کانی ( هه‌ولێر، سلێمانى)، دهۆك) چه‌ندین شوێنى قوماركردن كراونه‌ته‌وه‌، كه‌ خه‌ڵكێكى زۆر گیرۆده‌ى ئه‌و كاره‌ قیزه‌ونه‌ بوونە و قومارى تێدا ده‌كرێت ئه‌وه‌ سه‌ربارى شوێنه‌ بچووكه‌كان، ئه‌مه‌ش له ‌چه‌ندین لاوه‌ زیان به‌ هه‌رێمى كوردستان ده‌گه‌یه‌نێت .
یه‌كه‌م : ئه‌م كاره‌ هه‌ره‌شه‌یه‌كى مه‌ترسیداره‌ بۆ سه‌ر ئاینده‌ى گه‌نجانى كوردستان و تێكدانى شیرازه‌ى كۆمه‌ڵایه‌تى و په‌روه‌رده‌یى، كه ‌دواجار نه‌وه‌یه‌كى سه‌رگه‌ردان به‌رهه‌م ده‌هێنێت.
دووه‌م : به‌هه‌ده‌ردانى پاره‌یه‌كى زۆرە، كه‌بێ به‌رامبه‌ر لە رێگەی ئه‌و نه‌خۆشییه‌ درمه‌ بڵاده‌بێته‌وه‌ .
سێیه‌م : ئه‌م كاره‌ رِاسته‌وخۆ سه‌رپێچیكردنى شه‌ریعه‌تى ئیسلامه‌، كه‌ قورئان به ‌روونى قومارى حه‌رام كردووه‌ و، هیچ ده‌رفه‌تیشى نه‌هێشتۆته‌وه‌ بۆ ئه‌وه‌ى كه‌مترین رێگه‌ى پێبدرێت .
چواره‌م : ئه‌م كاره‌ پێشێلكردنى یاسایه‌، چونكه‌ به‌پێى ماده‌ى (389) یاساى سزاكان، هه‌موو جۆره‌ مامه‌له‌یه‌كى به‌ قومار قه‌ده‌غه‌ كردووه‌، وه‌ك قوماركردن و كردنه‌وه‌ى خانه‌ى قومار و به‌رِێوه‌بردنى و ئاماده‌كردنى، به‌هه‌مان شێوه‌ رێكخستنى ئه‌و یارییانه‌ى قوماریان پێ‌ ده‌كرێت، جا چ له‌ بازارو شوێنى گشتییه‌كان بێت ‌یان له‌ ماله‌وه‌ دایبنێت، هه‌ر به‌پێى ئه‌و یاسایه‌ ده‌بێ‌ ده‌ست به‌سه‌ر پاره‌ى ئه‌و شوێنانه‌ بگیرێت و یه‌كسه‌ر دابخرێن.
ئێمه‌ خۆشحاڵبووین كه‌ ماوه‌یه‌ك به‌ر له‌ ئێستا كۆمه‌لێك شوێنى قوماركردن له‌ هه‌رێمى كوردستان داخران، به‌ڵام به‌داخه‌وه‌ تا ئێستا قومارخانەکان به‌رده‌وامن، بۆیه‌ به‌ مه‌به‌ستى پاراستنى كۆمه‌لگا له‌م نه‌خۆشیه‌ به‌پێویستى ده‌زانین كه‌وا هه‌نگاوى جدى بهاوێژرێت بۆ داخستن و نه‌هێشتى سه‌رجه‌م شوێنه‌كانى قومار كردن له‌ كوردستان به‌ هه‌موو جۆره‌كانیانه‌وه‌ ... له‌گه‌ڵ ئه‌وپه‌رى رێزمان.
یەکێتی زانایانی ئایینی ئیسلامی کوردستان
12/4/2016
 تێبینی:
یەکێتی زانایان لەو بارەوە بە نووسراوی رەسمی هەر یەك لە سەرۆکایەتی هەرێم و ئەنجومەنی وەزیران و پەرلەمانی کوردستان و وەزارەتی ناوخۆی ئاگادار کردوونەتەوە.