یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   لقى چه‌مچه‌ماڵى يه‌كێتى زانايان؛ ئيدانه‌ى هه‌ڵكوتانه‌ سه‌ر مامۆستا مه‌لا سامان ده‌كات    *****    *****   كه‌ركوك: مامۆستا شێخ شۆڕش شێخ له‌تيف تاهيرى به‌رزنجى كۆچى دوايى كرد    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   گۆڤاری ( په‌یامی زانایان ) ده‌كەوێته‌وه‌ بەر دیدی خوێنەرانى    *****    *****   روونكردنه‌وه‌ی یه‌كێتی زانایان ده‌رباره‌ی به‌شداریكردن له‌ مه‌راسیمی زه‌رده‌شتیه‌كان    *****    *****   ستانده‌ر؛ هه‌واڵێکی چه‌واشه‌کارانه‌ بڵاوده‌کاته‌وه‌    *****    *****   سه‌رۆكى هه‌رێم: زانایانى ئايينى پێگه‌و ڕۆڵيان ديار و به‌رزه‌و هه‌ميشه‌ بڕوام وابووه‌ كه‌ ئايين و نيشتيمان نابێ لێك جيابكرێنه‌وه‌    *****    *****   سه‌رۆكى یه‌كێتى زانایان به‌شدارى پانێڵێكى تایبه‌ت به‌ ریفراندۆم ده‌كات    *****    *****   دكتۆر جه‌عفه‌ر گوانى: مينبه‌ر و مامۆستايانى ئاينى؛ يه‌كه‌مين سه‌نگه‌رى رووبه‌ڕووبوونه‌وه‌ داعش و بيرى توندڕه‌وى بوون له‌ كوردستان    *****    *****   سه‌رۆكى یه‌كێتى زانایانى ئاینى ئیسلامى كوردستان بۆ رۆژنامه‌ى ئه‌لمۆنیتۆرى ئه‌مه‌ریكى: زۆرینه‌ى سوننه‌ى عیراق گه‌یشتووته‌ ئه‌و بڕوايه‌ى كه‌ پێكه‌وه‌ ژیانى ڕاسته‌قینه‌ له‌ عیراق كۆتایيپێهاتووه‌    *****    *****   لقى گه‌رمیانى یه‌كێتى زانایان به‌شدارى له‌ ڕێوڕه‌سمێكى ئاشته‌واییدا ده‌كات و ئاماده‌ى به‌خاكسپاردنى به‌رپرسێك ده‌بێت له‌ دوز    *****    *****   شاندى (رابطة العالم الإسلامي) بۆ سه‌رۆكى هه‌رێم: له‌ ئێش و ئازار و نارحه‌تيه‌كانى گەلی كوردستان ده‌گەین و هيواى سه‌رفرازيتان بۆ ده‌خوازين له‌ گەیشتن به ئاواته‌كانتان   
به‌یاننامه‌ی یه‌کێتی زانایان ده‌رباره‌ی رووداوه‌کانی ئه‌مڕۆی هه‌ولێر
به‌رواری دابه‌زاندن: 30/04/2016 : 00:00:25
قه‌باره‌ی فۆنت

به‌یاننامه‌ی یه‌کێتی زانایان ده‌رباره‌ی رووداوه‌کانی ئه‌مڕۆی هه‌ولێر

به‌ناوی خوای به‌خشنده‌ی میهره‌بان

دیاره‌ ئه‌مڕۆ هه‌ینی (29/4/2016) له‌ دوو مزگه‌وتی شاری هه‌ولێر گرژی و نائارامی دروست بووه‌، ئه‌مه‌ش له‌ ئه‌نجامی بڕیارێکی کارگێڕی وه‌زاره‌تی ئه‌وقاف بۆ لادانی دوو مامۆستای مزگه‌وت.

بێگومان ئه‌م دۆخه‌ هه‌موومانی زۆر نیگه‌ران کرد، به‌تایبه‌تی که‌ ده‌ره‌نجامه‌ نه‌رێنییه‌کان‌ به‌شێکی خه‌ڵکه‌که‌و حه‌ره‌می مزگه‌وتیشی گرته‌وه‌، بۆیه لێره‌وه‌ له‌ چه‌ند خاڵێك سه‌رنجه‌کانمان ده‌رده‌بڕین:

یه‌که‌م: زۆر به‌ تووندی ئیدانه‌ی ئه‌و پشێویانه‌ ده‌که‌ین که‌ له‌و دوو مزگه‌وته‌ روویانداو پیرۆزی مزگه‌وت شکێندرا، کارێك بوو پێچه‌وانه‌ی ره‌شت و داب و نه‌ریتی ره‌سه‌نی گه‌له‌که‌مان بوو، بۆیه‌ خوازیارین چیتر کارێك نه‌کرێت حه‌ره‌می مزگه‌وت بشکێندرێت، هه‌روه‌ك نابێ هیچ که‌سێکیش رێگه‌ به‌خۆی بدات مزگه‌وت بکاته‌ شوێنی ململانێی سیاسی و یه‌کلاییکردنه‌وه‌ی کێشه‌و ململانێ سیاسیه‌کان.

دووه‌م: مامۆستایانی ئایینی هه‌میشه‌ ره‌مزی به‌رخۆدان و پاراستنی ئاشتی و ته‌بایی بوونه‌، بۆیه‌ پێویسته‌ هه‌میشه‌ ره‌چاوی ئه‌و هه‌نگاوه‌ پیرۆزانه‌یان بکرێت، بۆ ئه‌مه‌ش پێوسته‌ زانایانی ئایینی یه‌كڕیزی نێوانیان بپارێزن و هه‌نگاوه‌کانیان به‌ پرس و راوێژ بێت له‌گه‌ڵ هاوپیشه‌کانیان، چونکه‌ هه‌ر بڕیارێکی تاك لایه‌نه‌ ده‌ره‌نجامی باشی نابێت.

سێیه‌م: وه‌ك یه‌کێتی زانایان شانازی به‌وه‌ ده‌که‌ین که‌ هه‌میشه‌ داکۆکیمان له‌ زانایانی ئایینی کردووه‌، چه‌ندان نموونه‌ی زیندووشمان له‌به‌ر ده‌سته‌، به‌ڵام به‌داخه‌وه‌ کۆمه‌ڵێك مامۆستای ئایینی هه‌ن تا ئێستا ئاماده‌ نین خۆیان به‌ ئه‌ندامی ئه‌و یه‌کێتییه‌ ناونووس بکه‌ن و، ئاماده نین ته‌نها سه‌ردان و په‌یوه‌ندی و راگۆڕینه‌وه‌شمان هه‌بێت، ئه‌مه‌ وێڕای هۆنینه‌وه‌ی چه‌نده‌ها تۆمه‌ت له‌ چه‌ندان شوێن دژی یه‌کێتی زانایان، تا ئه‌و کاتانه‌ش که‌ تووشی گرفت بوونه‌ ئێمه‌ ویستوومانه‌ دیفاعیان لێ بکه‌ین به‌ڵام ئه‌وان به‌ پێچه‌وانه‌وه‌ هه‌ڵوێستی خراپیان هه‌بووه‌، بۆیه‌ ئه‌وه‌ی (ئاماده‌ نه‌بێت ببێته‌ ئه‌ندامی یه‌کێتی زانایان) یان (پابه‌ندی رێنماییه‌کان بێت) یان (هه‌ماهه‌نگیمان له‌گه‌ڵدا بکات) یان (ئاماده‌ نه‌بێت ده‌ستی دۆستایه‌تی درێژ بکات). ئه‌وا نابێ نه‌ ئه‌وان و نه‌ که‌سی تریش رێگه‌ به‌خۆی بدات له‌ هێچ شت له‌ هێچ شتێك ره‌خنه‌ له‌ یه‌کێتی زانایان بگرێت.

چواره‌م: ئێمه‌ هه‌موومان ده‌زانین به‌ پێى یاساى په‌رله‌مانى كوردستان وتاربێژانی مزگه‌وته‌کانی کوردستان فه‌رمانبه‌ری وه‌زاره‌تی ئه‌وقافن و مانگانه‌ مووچه‌ له‌م وه‌زاره‌ته‌ وه‌رده‌گرن، به‌ڵام ئه‌وان پێگه‌یه‌کی مه‌عنه‌وی تایبه‌تیان له‌ ناو کۆمه‌ڵگه‌دا هه‌یه‌، بۆیه‌ پێویسته‌ له‌ هه‌ر ئیجرائاتێکدا وه‌زاره‌تی ئه‌وقاف ره‌چاوی شیاوی هه‌نگاوه‌کانی بکات، له‌ به‌رامبه‌ریشدا ئه‌گه‌ر مامۆستایان هه‌ستیان به‌ سته‌م و زوڵم کرد له‌ بری هه‌ر شتێك ده‌توانن په‌نا بۆ دادگای کارگێڕی ببه‌ن بۆ ئه‌وه‌ی هیچ پشێوییه‌ك دروست نه‌بێت، ئێمه‌ش له‌ یه‌کێتی زانایانه‌وه‌ وه‌ك چه‌ندان جاری تر ئاماده‌ی هه‌موو پشتیوانییه‌کین تا ده‌گاته‌ گرتنی پارێزه‌ری تایبه‌ت.

پێنجه‌م: پێمان وایه‌ هه‌موومان کۆکین له‌وه‌ی ده‌بێ یاسا سه‌روه‌ر بێت، بۆیه‌ داوا ده‌که‌ین هه‌موو لایه‌ك ملکه‌چی بڕیاره‌کانی دادگا بن.

شه‌شه‌م : لێره‌شه‌وه‌ به‌ پێویستی ده‌زانین داوا له‌ راگه‌یاندنه‌كان بکه‌ین به‌رپرسیارانه‌و پیشه‌ییانه‌ مامه‌ڵه‌ له‌گه‌ڵ ئه‌م رووداوانه‌ بکه‌ن و، بۆ ئامانجی تر نه‌یقۆزنه‌وه‌.

 

یه‌کێتی زانایانی ئایینی ئیسلامی کوردستان

 

29/4/2016