یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
به‌یاننامه‌یه‌ك له‌ یه‌کێتی زانایان ده‌رباره‌ی دۆخی ئه‌مڕۆی هه‌رێمی کوردستان
به‌رواری دابه‌زاندن: 08/09/2016 : 18:57:29
قه‌باره‌ی فۆنت

به‌یاننامه‌یه‌ك له‌ یه‌کێتی زانایان ده‌رباره‌ی دۆخی ئه‌مڕۆی هه‌رێمی کوردستان

به‌ناوی خوای گه‌وره‌ی میهره‌بان

سه‌ره‌تا به‌بۆنه‌ی نزیکبوونه‌وه‌ی جه‌ژنی قوربانی پیرۆز پیرۆزبایی له‌ هه‌موو لایه‌ك ده‌که‌ین، به‌و هیوایه‌ین ئه‌م یاده‌ ببێته‌ پاڵنه‌رێك بۆ ئه‌وه‌ی دۆخی کوردستان و ژیانی هاوڵاتیان به‌ره‌و چاکبوون بچێت، هه‌ر به‌م بۆنه‌وه ده‌مانه‌وێت تیشك بخه‌ینه‌ سه‌ر چه‌ند خاڵێك، به‌و هیوایه‌ی لایه‌نه‌ په‌یوه‌ندیداره‌کان جێبه‌جێیان بکه‌ن:

‌یەكەم: بەرزڕاگرتنی خەباتی هێزەكانی پێشمەرگەو هێزەكانی ناوخۆو ئاسایش، پێدانی مووچەكانیان لە كاتی خۆیداو باشتركردنی ژیانیان و ڕێزگرتن لە كەسوكارو خانەوادەی شەهیدان و، بە هەدەرنەدانی خوێنی پاكیان لە پێناو مەرامی تاكە كەسی و حیزبیدا.

دووەم: ئێمە وەك یەكێتی زانایان پشتگیری تەواوی خۆمان بۆ مافە ڕەواكانیی سەرجەم فەرمانبەران و تێكڕایی چین و توێژەكانی تر دوپات دەكەینەوە، كە پێویستە حكومەتی هەرێم بە زووترین كات سەرجەم شایستە دارایی و مافە ڕەواكانیی خۆیان بۆ بگێڕێتەوە، بۆ ئه‌مه‌ش کاری جدی و به‌په‌له‌ بکات بۆ چاککردنی بژێوی خه‌ڵك و دابینکردنی مووچه‌کانیان و، کۆتاییهێنان به‌و دۆخه‌ دژواره‌ داراییه‌ی هه‌موو سنوورێکی به‌زاندووه‌، چونکه‌ ئه‌و خەمساردییه‌ی ئێستا بووەتە هۆی لێكترازانی شیرازەی خێزان و شیرازەكۆمەڵایەتییه‌کانی بەرەو ئاقارێكی ترسناك بردوە، ناكرێت چیتر درێژەی پێ بدرێت، به‌ڵکو پێویستە بە زووترین كات بە شێوازیی كردەیی وەڵامیی سەرجەم داخوازیی هاوڵاتیان بدرێتەوە.

سێیه‌م: پێویسته‌ لایه‌نه‌ سیاسییه‌کان رێز له‌ جه‌ژن و هه‌ستیی خه‌ڵکی بێنازی کوردستان بگرن و، جه‌ژنی قوربان بکه‌نه‌ ده‌رفه‌تی قوربانیدان به‌ به‌رژه‌وه‌ندییه‌ ته‌سکه‌کان و کۆتایی به‌ ململانێکان بێنن و له‌گه‌ڵ یه‌ك ئاشت ببنه‌وه‌.

چواره‌م: لەبەر ئەوەی زۆربەی هاوڵاتیان بەهۆی ئەو قەیرانە دارایی و سیاسییەی کوردستان ناتوانن وەكو پێویست پێداویستییەكانیی جەژن بۆ خۆیان و خانەوادەكانیان دەستەبەر بكەن، بە پێویستی دەزانین وەك زانایانی ئایینی داوا لە تێكڕای هاوڵاتیان دەكەین هیچ زیادەڕەویەك نەكەن لە جەژنداو، هەموان بە شێوازیی یەكسان ئەو پرۆسەیە ئەنجام بدەین و، که‌س هه‌وڵی رازاندنه‌وه‌ی خوان و ماڵه‌کانیان به‌ شێوازی گرانبه‌ها‌ نه‌دات‌، هه‌روه‌ك هه‌موومان ده‌زانین قوربانیکردن سووننه‌ته‌ بۆیه‌ له‌م دۆخه‌دا به‌تایبه‌تی که‌ به‌ره‌و وه‌رزی نوێی خوێندن ده‌چین ده‌کرێ له‌ بری ئه‌وه‌ زیاتر شتومه‌کی پێویست بۆ ماڵه‌ هه‌ژاره‌کان دابین بکرێت، هه‌روا هانی كەسانی خاوەن دەرامەت بدرێت بۆ ئەوەی لەم جەژنەدا دەست كراوە بن لە ئاست كەسانی كەم دەرامەت و بە جۆرێك بتوانن دەسباریان بۆ بگرن.

پێنجەم :جارێكی تر سەرجەم دەسەڵاتداران و لایەنە پەیوەندیدارەكان لە مەترسیی و هه‌ستیاریی بارودۆخەكە  ئاگادار دەكەینەوە پێش ئەوەی بگاتە ئاستێك هەموان لێیی پەشیمان بین وكوردستان تووشی حاڵەتێکیی نەخوازراو بێت هەست بە بەرپرسیارێتیی سەرشانیان بكەن و ڕۆڵی دڵسۆزانەی خۆیان لەو پێناوەدا بخەنە گەڕ.

 

یه‌کێتی زانایانی ئایینی ئیسلامی کوردستان

 

8/9/2016