یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   قاهیرە... لە ئەزهەر خولی رۆشنبیری پێشنوێژو وتارخوێنان دەستی پێکرد    *****    *****   چالاکیەکانی لقی ئاکرێی یەکێتی زانایان    *****    *****   لقی سلێمانی یەکێتی زانایان پێشوازی لە شاندێکی ئەنجومەنی سەرکردایەتی پارتی دیموکراتی کوردستان دەکات    *****    *****   کۆلێژی زانستە ئیسلامیەکان کۆرێک بۆ سەرۆکی یەکێتی زانایان رێک دەخات    *****    *****   چالاکیەکانی لقی هەولێری یەکێتی زانایان    *****    *****   ناونیشانی وتاری ئەم هەفتەیە    *****    *****   لە پەراوێزی مانگی مەولود لقی رانیەی یەکێتی زانایان کتێب بەسەر زانایان دابەش دەکات    *****    *****   لقی سلێمانی یەکێتی زانایان بەهەماهەنگی بەرێوەبەرایەتی گشتی ئەوقافی سلێمانی مەراسیمێکی مەولود ساز دەکەن    *****    *****   بە سەرپەرشتی وەزیری ئەوقاف وكاروباری ئاینی، یەکێتی زانایان خولێك بۆ ژماره‌یه‌ك وتاربێژ له‌ زانكۆی ئەزهەر دەکاتەوە    *****    *****   سه‌رۆكی یه‌كێتی زانایان؛ پیرۆزبایی له‌ وه‌زیری ئه‌وقافی شانشینی ئوردون ده‌كات    *****    *****   کوردستان: بەو پەڕی بایەخەوە یادی لەدایکبوونی پێغەمبەر(د.خ) بەرز راگیرا    *****    *****   لقی موسڵی یەکێتی زانایان سەردانی بەرێوەبەرایەتی پۆلیسی بەردەرەش دەکات   
کۆچی پێغه‌مبه‌ر په‌یامی ئازادی و برایه‌تی و خۆشگوزه‌رانیه‌
به‌رواری دابه‌زاندن: 01/10/2016 : 13:15:03
قه‌باره‌ی فۆنت

کۆچی پێغه‌مبه‌ر په‌یامی ئازادی و برایه‌تی و خۆشگوزه‌رانیه‌

به‌ ناوی خوای به‌خشنده‌ی میهره‌بان

(وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ)

به‌بۆنه‌ی هاتنی یه‌که‌م رۆژی ساڵی (1438)ی کۆچی، ساڵیادی کۆچی پێغه‌مبه‌رمان دروودی خوای له‌سه‌ر بێت له‌ شاری مه‌ککه‌وه‌ بۆ شاری مه‌دینه‌، پیرۆزباییه‌کی گه‌رم له‌ سه‌رجه‌م موسڵمانانی جیهان و به‌تایبه‌تی موسڵمانانی کوردستان ده‌که‌ین، پیرۆزبایی تایبه‌یشمان ئاراسته‌ی پێشمه‌رگه‌ قاره‌مانه‌کانی کوردستان ده‌که‌ین که‌ به‌ خوێن و گیانی خۆیان پارێزگاری له‌ خاک و گه‌لی کوردستان ده‌که‌ن.

به‌ڕێزان:

باشترین تێگه‌یشتن له‌ کۆچی پێغه‌مبه‌ر دروودی خوای له‌سه‌ر بێت وه‌ستانه‌ له‌سه‌ر ئه‌و ده‌ره‌نجامه‌ گه‌ورانه‌ی لێیه‌وه‌ دروست بوون، بۆ ئه‌وه‌ی هه‌موومان به‌ جیاوازی زمان و ره‌نگ و بیرکردنه‌وه‌ی سیاسی و فیکرییه‌وه‌ کاری له‌سه‌ر بکه‌ین، که‌ دیارترینییان هیجره‌تی پێغه‌مبه‌ر خوا یه‌که‌م زه‌نگی ئازادی و سه‌رخۆبوونی موسڵمانان بوو له‌ بنده‌ستی زوڵم و سته‌م و ئازاردان، به‌ دانانی پێیه‌کانیان له‌ شاری مه‌دینه‌ یه‌که‌مین هه‌ناسه‌ی ئازادیان هه‌ڵکێشا، هه‌روه‌ك به‌ هاتنی ئیسلام رق و کینه‌و دوژمنداری و یه‌کتر سڕینه‌وه‌ی سه‌د ساڵه‌ی خه‌ڵکی مه‌دینه‌ کۆتایی هات و، موسڵمانان به‌ گشتی که‌وتنه‌ خه‌بات له‌ پێناوی دابینکردنی ژیانێکی شه‌ره‌فمه‌ندانه‌.

هیوادارین له‌م کاته‌ی هه‌رێمی کوردستانی پێدا ده‌ڕوات، ئه‌م یاده‌ ببێته‌ هانده‌رێك بۆ قوڵکردنه‌وه‌ی برایه‌تی و وه‌لاوه‌نانی رق و کینه‌و یه‌کتر سڕینه‌وه‌و قوڵکردنه‌وه‌ی کێشه‌کان، به‌ره‌و ئاقاری ئاشتبوونه‌وه‌ی راسته‌قینه‌و هه‌وڵدان بۆ رزگارکردنی خه‌ڵکی کوردستان له‌و قه‌یرانه‌ سیاسی و ئابووری و کۆمه‌ڵایه‌تییانه‌و، کارکردن به‌ره‌و دابینکردنی ئاسۆیه‌کی رووناك، بۆ ئه‌وه‌ی ئه‌م نه‌وه‌ ماندووه‌ پشوێك بدات و، ژیانێکی به‌خته‌وه‌ریش بۆ نه‌وه‌کانی داهاتوو دابین بکه‌ین، چۆن له‌ هیجره‌ته‌وه‌ هه‌موو پیلانه‌کانی کوشتن و گرتن وله‌نابردنی موسڵمانان فه‌شه‌لیان هێنا، ئێمه‌ش هه‌موومان فه‌شه‌ل به‌و نه‌هامه‌تیانه‌ بێنین.

 

یه‌کێتی زانایانی ئایینی ئیسلامی کوردستان

1/موحه‌ره‌م/1438