یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   نێجيريا: دكتۆر جه‌عفه‌ر گوانى، به‌شدارى كۆنفرانسێكى نێوده‌وڵه‌تى ده‌كات    *****    *****   هه‌ولێر: مامۆستا مه‌لا یاسین كۆچى دواييكرد    *****    *****   سه‌رۆكى يه‌كێتى زانايان: زانايانى كورد به‌ درێژايى مێژوو خزمه‌تێكى جوان و ڕه‌سه‌نيان پێشكه‌شكردووه‌    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   سلێمانى: پانێڵى (بەکارهێنانی ئاین لەململانێ سیاسیەکان) به‌ڕێوه‌چوو    *****    *****   مامۆستا مه‌لا صالحی جۆله‌مێرگی كۆچی دوایی كرد    *****    *****   هه‌ولێر: سيمينارێك به‌ ناونيشانى (به‌كارهێنانى ئاين له‌ ململانێ سياسيه‌كان- هۆكاره‌كان و چاره‌سه‌ر) به‌ڕێوه‌ده‌چێت    *****    *****   هه‌ولێر: ماموستا مه‌لا عبدالكريم يه‌عقوبي كۆچى دواييكرد    *****    *****   مامۆستايێكى ئايينى به‌ كاره‌ساتێكى دڵته‌زێن كۆچى دواييكرد    *****    *****   به‌یاننامه‌ی یه‌كێتی زانایان تایبه‌ت به‌ ره‌وشی عه‌فرین    *****    *****   سه‌رۆكى يه‌كێتى زانايان: دروستکردن و چاككردنه‌وه‌ى مزگەوت و قوتابخانە و نەخۆشخانە و رێگاوبان؛ خێر و چاکەى به‌رده‌وامن و پاداشتيان لاى خوا گەورە وەک یەکە    *****    *****   ئاماری لیژنه‌ی باڵای فه‌توای كوردستان بۆ سالی 2017 ی زاینی   
پێویسته‌ وه‌زاره‌تی رۆشنبیری رۆڵی خۆی ببینێت
به‌رواری دابه‌زاندن: 24/06/2017 : 02:14:30
قه‌باره‌ی فۆنت

به‌ناوی خوای به‌خشنده‌ی میهره‌بان

به‌بۆنه‌ی تێپه‌ڕبوونی مانگی ره‌مه‌زانی پیرۆز ده‌ستخۆشی له‌ مامۆستایانی ئایینی، وتاربێژان و پێشنوێژو قورئانخوێن و بانگخوازان ده‌که‌ین، که‌ هه‌وڵ و ماندووبونێکی زۆریان چه‌شت له‌ پێناوی به‌ڕێکردنی ره‌مه‌زانێکی پڕ به‌ره‌که‌ت، هه‌ر لێره‌شه‌وه‌ ده‌ستخۆشی له‌ راگه‌یاندنه‌کان ده‌که‌ین که‌ رێزو حورمه‌تی زۆری ئه‌م مانگه‌یان گرت، له‌ هه‌مان کاتیشدا نایشارینه‌وه‌ که‌ به‌داخه‌وه‌ هه‌ندێك له‌ راگه‌یاندنه‌کان وه‌کو پێویسته‌ ره‌چاوی پیرۆزی ئه‌م مانگه‌و هه‌ست و سۆزی رۆژوه‌وانانیان نه‌گرت، به‌تایبه‌تی به‌رنامه‌ی پارشێوانی ته‌له‌فزیۆنی رووداو، که‌ دانیشتنمان له‌گه‌ڵ ئه‌نجام دان و، چه‌ندین جار به‌ ته‌له‌فۆن راگۆڕینه‌وه‌مان کرد.

ئێمه‌ گله‌ییمان له‌ ناونیشانی بابه‌ته‌کان و پرسیاره‌کان نییه‌، به‌ڵکو سه‌رنجی ئێمه‌ له‌سه‌ر کاته‌که‌و شێوازی پرسیارکردن بوو، چونکه‌ به‌رنامه‌ی پارشێوان تایبه‌ته‌ به‌ خه‌ڵکی رۆژووگر، بۆیه‌ ئه‌و کاته‌ چاوه‌ڕوانمان ده‌کرد بابه‌تگه‌لێکی په‌روه‌رده‌یی و ئه‌خلاقی پێشکه‌ش بکه‌ن، به‌ڵام ئه‌وان نه‌ك پابه‌ندی قسه‌کانیان نه‌بوون، به‌ڵکو به‌رده‌وامبوون له‌ بڵاوکردنه‌وه‌ی گومان و رێزنه‌گرتن له‌ هه‌ستی رۆژووه‌وانان، به‌ هه‌مان شێوه‌ له‌ کاتی خستنه‌ رووی بابه‌ته‌کان ئه‌وه‌نده‌ی ئامانجیان وروژاندنی گومان بوو، به‌ دوای کاتێکی ئارام و حه‌سانه‌وه‌ی رۆحی نه‌ده‌گه‌ڕان و، ده‌رفه‌تی ته‌واویشیان نه‌ده‌دا میوانه‌کانیان، ئه‌مه‌ش به‌شێکی زۆری هاوڵاتیان و مامۆستایانی ئایینیان نیگه‌ران کردبوون.

ئه‌م بابه‌ته‌مان له‌گه‌ڵ وه‌زاره‌تی ئه‌وقافیش خستۆته‌ به‌ر باس و گفتوگۆ، چونکه‌ بڕیار وابوو وه‌زاره‌تی ئه‌وقاف وتاری مزگه‌وته‌کان بخاته‌ ژێر چاودێرییه‌وه‌، هه‌روه‌ها وه‌زاره‌تی رۆشنبیریش راگه‌یاندنه‌کان، به‌ڵام وا دیاره‌ وه‌زاره‌تی رۆشنبیری که‌مترین پابه‌ندیی نه‌بووه‌، ئه‌مه‌ش ئه‌وه‌ ده‌گه‌یه‌نێت که‌ ئامانج ته‌نیا به‌رته‌سککردنه‌وه‌ی وتاری مزگه‌وته‌کان بێت، بێگومان ئه‌م هه‌وڵه‌ تاک لایه‌نه‌ش به‌رهه‌می پێویستی نابێت و، خودی هه‌نگاوه‌کانی حکومه‌تیش له‌و باره‌وه‌ ده‌خاته‌ ژێر پرسیاره‌وه‌.

 

یه‌کێتی زانایانی ئایینی ئیسلامی کوردستان

23/6/2017