یه‌کێتی زانایانی ئاینی ئیسلامی کوردستان
كوردى | العربية
په‌یوه‌ندی  |  لقه‌کان  |  ستافی کار  |  لینکی پێویست
دامەزراوە لە 21-9-1970
*****    *****   هه‌ولێر: دوو مامۆستاى ئايينى كۆچى دواييانكرد    *****    *****   وتاره‌ پێشنیاركراوه‌كانی ئه‌م هه‌فته‌یه‌    *****    *****   ئاكرێ: هه‌ڵبژاردنى كۆنفڕانسى نێوخۆيى لقى موسڵى زانايان به‌ڕێوه‌چوو    *****    *****   لقى گه‌رميانى يه‌كێتى زانايان؛ ئاماده‌كارى بۆ كۆنفڕانسى نێوخۆيى لق ده‌كات    *****    *****   ئورده‌ن: سەرۆکی یەکێتی زانایان بەشداری لە کۆنگرەیەکی ئیسلامی دەربارەی ئاسایشى کۆمەڵایەتی ده‌كات    *****    *****   هه‌ولێر: به‌رپرسى لقى هه‌ولێرى زانايان به‌شدارى ڕێوڕه‌سمى كردنه‌وه‌ى (مزگه‌وتى حاجى ياسين) به‌قال ده‌كات    *****    *****   داواكارییه‌ك بۆ پێشخستنی یه‌كێتی زانایان    *****    *****   یه‌كێتی زانایان ئاماده‌سازی بۆ كۆنگره‌ ده‌كات    *****    *****   بۆچوونی فیقهی ئیسلامی ده‌رباره‌ی جووت ره‌گه‌زو هاوشێوه‌كانی    *****    *****   یه‌کێتی زانایان پشتگیری داواکانی فه‌رمانبه‌ران ده‌کات    *****    *****   سلێمانى: شاندێكى باڵاى مه‌كته‌بى ته‌نفيزى به‌شدارى ئاهه‌نگ و ڕێوڕه‌سمێكى وه‌رگرتنى ئيجازه‌ى عيلمى ده‌كه‌ن    *****    *****   له‌ خه‌ونێکه‌وه‌ بۆ خوێندنه‌وه‌ی زانستی و مسوڵمانبوون   
به‌لاغی كۆبوونه‌وه‌ی ئه‌نجومه‌نی ناوه‌ندی یه‌كێتی زانایان ده‌رباره‌ی گشتپرسی
به‌رواری دابه‌زاندن: 12/07/2017 : 12:38:23
قه‌باره‌ی فۆنت

به‌لاغی كۆبوونه‌وه‌ی ئه‌نجومه‌نی ناوه‌ندی یه‌كێتی زانایان ده‌رباره‌ی گشتپرسی

به‌ناوی خوای به‌خشنده‌ی میهره‌بان

رۆژی چوارشه‌مه‌ (12/7/2017) ئه‌نجومه‌نی ناوه‌ندی یه‌كێتی زانایانی ئایینی ئیسلامی كوردستان كۆبوونه‌وه‌ی ئاسایی خۆی گرێدا، له‌ كۆبوونه‌وه‌كه‌دا تیشك خرایه‌ سه‌ر بارودۆخی هه‌رێمی كوردستان به‌ گشتی و بابه‌ته‌كانی په‌یوه‌ست به‌ زانایانی ئایینی به‌تایبه‌تی.

له‌ سه‌ره‌تای كۆبوونه‌كه‌ ئاماده‌بووان خۆشحاڵبوون كه‌ ئاگری تیرۆرستانی داعش له‌ هه‌رێمی كوردستان دووركه‌وتۆته‌وه‌و له‌ عێراقیش خه‌ریكه‌ به‌ره‌و كزی ده‌ڕوات، هیواخواز بوون ئاشتی باڵ به‌سه‌ر هه‌موو دونیادا بكێشێت، عه‌داله‌ت و دادگه‌ری له‌ عێراق به‌رقه‌رار بكرێت بۆ ئه‌وه‌ی هیچ كێشه‌و گرفتێكی دیكه‌ یه‌خه‌ی ئه‌و گه‌له‌ ماندووه‌ نه‌گرێت.

لێره‌وه‌ سڵاو بۆ گیانی به‌رزه‌فڕی شه‌هیدان و قاره‌مانێتی پێشمه‌رگه‌كانی كوردستان ده‌نێرین كه‌ به‌ گیان و هیممه‌تبه‌رزیان لانكه‌ی ئارامی كوردستانیان پاراست.

له‌ كۆبوونه‌وه‌كه‌دا ئه‌ندامانی ئه‌نجومه‌نی ناوه‌ندی یه‌كێتی زانایان هاوڕاو یه‌كده‌نگ بوون بۆ پشتیوانی و پشتگیریكردن له‌ گشتپرسی له‌ هه‌رێمی كوردستان و ناوچه‌ كوردستانییه‌كانی ده‌ره‌وه‌ی هه‌رێم وه‌ك پرسێكی نه‌ته‌وه‌یی و نیشتیمانی، به‌و هیوایه‌ی ببێته‌ ده‌روازه‌یه‌ك بۆ سه‌ربه‌خۆیی گه‌لی كوردستان و گه‌یشتن به‌ ئاواتی له‌ مێژینه‌یان، كه‌ رووبارێك خوێن و قوربانی و ده‌رده‌سه‌ری پێشكه‌ش كراوه‌، ئه‌مه‌شیان به‌ مافێكی ره‌وای ئایینی و نه‌ته‌وه‌یی و نیشتیمانی و مرۆیی هه‌ژمار كرد، كه‌ گه‌لان ئازاد بن خۆیان ئازادانه‌ بڕیار له‌ چاره‌نووسی خۆیان بده‌ن، به‌و ئومێده‌ی بتوانین له‌گه‌ڵ گه‌لانی عێراق و دراوسێكانمان برایانه‌ترو ئاشتیانه‌ پێكه‌وه‌ بژین.

جا بۆ ئه‌وه‌ی پرۆسه‌كه‌ سه‌ركه‌وتووتر به‌ڕێوه‌ بچێت، زانایانی ئایینی داوا له‌ حزب و لایه‌نه‌ سیاسییه‌كانی هه‌رێمی كوردستان ده‌كه‌ن ئاشتبوونه‌وه‌یه‌كی سیاسی و كۆمه‌ڵایه‌تی و نیشتیمانی ساز بكه‌ن و ناكۆكییه‌كانیان وه‌لاوه‌ بنێن، به‌رژه‌وه‌ندی باڵای گه‌له‌كه‌مان له‌ پێشه‌وه‌ی هه‌موو به‌رژه‌وه‌ندیه‌ حزبی و تایبه‌تییه‌كان دابنێن، به‌ گیانی لێبوورده‌یی و ئاشتبوونه‌وه‌ مامه‌ڵه‌ له‌گه‌ڵ یه‌كتری بكه‌ن، هه‌ر ته‌نازولێك له‌م كاته‌ هه‌ستیاره‌دا ئه‌وپه‌ڕی شه‌رفه‌مه‌ندی و سه‌ربه‌رزییه‌، مێژوو وه‌ك تاجێكی زێڕین بۆیان ده‌نووسێته‌وه‌و گه‌لی كوردستانیش پێزانینی زیاتری بۆ ده‌بێت.

 

هه‌روه‌ها داوا له‌ حكومه‌تی هه‌رێمی كوردستان ده‌كه‌ین به‌ربه‌سته‌كانی په‌یوه‌ست به‌ حكومه‌ت لابه‌رێت به‌تایبه‌تی‌ ئاوڕی جددی له‌ ژیان و گوزه‌رانی خه‌ڵك بده‌نه‌وه‌، كه‌ به‌ڕاستی خه‌ڵك ئه‌و چه‌ند ساڵه‌ ئارامییه‌كی زۆری گرت له‌سه‌ر سیسته‌می پاشه‌كه‌وتكردنی مووچه‌، كه‌ ته‌واو له‌م دۆخه‌ داراییه‌ ماندوبوونه، هیودارین باشكردنی گوزه‌رانی خه‌ڵك بكه‌نه‌ یه‌كه‌مین موژدانه‌ی سه‌ربه‌خۆیی كوردستان.